Loe 144
144
Kii a gɔ̀lɔ̀baa loe
1Davida a loe.
Maa barka á Dɛnaa Lawa ganaa.
A din nə ma tamaɛ,
a din nə ma darɛɛ ziabaa ganaa,
a din nə pàã koe ma la zia la.
2A din nə maa dàã lɛa, ma gòãn doa ǹ bǎã kaka nɛ.
A din nə ma tamaɛ, a din nə ma boe sii ni.
Maa goóro ne, ma nə n duri a din li.
A din na á tɔrɔ kɔsɔn kɛn kaa maa pàã giulun.
3 #
Zɔb 7.17-18; Loe 8.4 Dɛnaa Lawa, minbuiin nɛ n wàa lɛa, n tɔn nə n yiri koa li?
Minbuiin nɛ n wàa lɛa, n tɔn nə n taasɛ ka a sii ni.
4Minbuiin nɛ n ka piɛ̃ bɛ́ lɔn,
a tá kanaa lɛ n kiɛ̃ ka lɛ̀ wúlu ni.
5Dɛnaa Lawa, lon kɛ toɛ̃ n gisĩ,
n gɔn da kelen-a, ǹ tɛmaa bɔ.
6Paraa maa zɔ́ɔn kɛn li, n nə ǹ sasawaa kɔn.
N kiɛn kɛn dia ǹ la, n nə ǹ kaa baa ganaa.
7N toa lon, n nə n gɔn dia, n ma kirisibaa.
Ma si koe kɛ la, die ma bii ka mu gole bɛ́ lɔn,
ma si tɔrɔ kɔsɔ minin kɛn la.
8Ǹ bɛ́ boo mɛn diɛ, soɛ nɛ.
Maǹ nə n liɛ ǹ gusin nə́ Lawa la,
sɛnɛ, ǹ ba koe ǹ da ǹ boo dɔ lɛ wa.
9Lawa, man die tùtu nɛ fùdɛnaa dii,
man die loe dii loe, ma n tɔ bɔ nɛ:
10N din nə gɔ̀lɔ̀baa koe kiin la,
n din nə Davida kirisibiɛ,
11ń nə́ n bɛ̀rɛgiĩ kirisibaa, gɔya sa gɛ̀-dɛli kɛ ganaa.
Ma kirisibaa, n ma si tɔrɔ kɔsɔ minin kɛn la.
Ǹ bɛ́ boo mɛn diɛ, soɛ nɛ.
Maǹ nə n liɛ ǹ gusin nə́ Lawa la,
sɛnɛ, ǹ ba koe ǹ da ǹ boo lɛ wa.
12Toa wɔa nɛgiĩn kɛn nə goã ka dan manɛ,
ǹ yoo tán waáraa gɔrɔ, ǹ too pololo pololo.
Toa wɔa nɛlɔn nə siĩn kɔ ka bìbìn bɛ́ lɔn,
ǹ bɛ́ ǹ nə́ bìbìn mɛnɛn nyaǹ kɔ kiin kion.
13Toa wɔa dɔǹɔn nə pã,
toa ǹ pã ka màn tɔrɔ tumaa nɛ perepere.
Toa wɔa tɔɔn nə bulu bɔ duu damata,
toa ǹ mɔnaa duu damata, wɔa gána lɛ nɛ.
14Toa wɔa diin nə kasã parsiini.
Wɔ kanbaa bɔ̀n laanka goa a wo bɛ̀rɛbaa-n ganaa,
wuu dɔ baran bɔ wɔa gána kɛ paǹ kɔn nɛ doo wa.
15Bɛ̀ bɛa mànan kɛn lɛn tumaa tá tɔrɔ mɛn gɔn,
bɛ foo á re kɔɔ̃n koe.
Dɛnaa Lawa bɛ́ tɔrɔ mɛn a Lawa lɛa,
bɛ wɔ na á bǐɛ̃ kɔ.
Currently Selected:
Loe 144: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
