Loe 143
143
Nɔmaa-wɔle a ga dɔmalɛ li boo
1Davida a loe.
Dɛnaa Lawa, maa nyankɔ ma.
N too kɔ, n maa gòã-kũ si.
Ma lɛ si, n bɔlɔgoondɛnaabaa kɛ laanka n peperebaa kɛa lɛa.
2 #
Rɔm 3.20; Gal 2.16 N baran kiri wɔ n bɛ̀rɛgiĩ lɛ-a wa,
a giala, min kɔn ba pepere nsɛ yɔrɔ-a wa.
3Maa zɔ́ɔ kɛ n fuu nyɛɛ ma nɛ.
Á ma duwəə tán, á tɔtɔrɔ ma la.
Á ma da wɔlɔ tì a giã li,
ka min mɛn din a gɛ̀ bɛ́ á belebɔ lɔn.
4Ma gù yii gã ma din-a,
ma a boe sii kɔn din la doo wa.
5Ma nə n yiri koe ka lɛlɛ ǹ siin kɛn nɛ,
n sii mɛn tumaa zɛnaa, ma nə n taasɛ bɛ nɛ.
N dí mɛn nya, ma nə n taasɛ bɛn nɛ.
6Ma gɔn nə n din la, ma tá n nyankoe.
N sii n ma ganaa, ka mu boro bɛ́ tán gere kuĩ lɔn. *Doa
7N nanaa Dɛnaa Lawa, n ma lɛ si.
Á ke ma gù yii gã ma din-a.
N baran n wàã kɔ ma-n wa.
Bɛ bie wa, maa wɔ na á nya.
8Bɛ̀ lɛ̀ waa lɔn, n kɔn-narɛɛ gole kɛ nyaa ma nɛ,
a giala, ma foo n doa nɛ n din ganaa.
Ma doamaa bɛ́ ma zii mɛn saa, bɛ nyaa ma nɛ,
a giala, ma yii nə n din la.
9Dɛnaa Lawa, ma kanbaa maa zɔ́ɔn kɛn ganaa.
A giala, man má kaa n din yele.
10Ma daraa n foo sii zɛnaa ganaa,
a giala, n din nə maa Lawa lɛa.
N yiri sonbore kɛ die a ma da zii pepere la.
11N din tɔ kɛa gugurubaa taman yii, Dɛnaa Lawa,
toa ma yii goã koo.
N din a peperebaa taman yii, ma bɔ n ma bɔ fuu ni.
12N kɔn-narɛɛ lɛ á gole parɛ.
Maa zɔ́ɔn kɛn lɛ naa,
maa ziadɛnan kɛn tumaa dɛ.
A giala, ma nə n din a bɛ̀rɛgiĩ lɛa.
Currently Selected:
Loe 143: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
