Suu 10
10
Suusu, din kũ doɛ̃ wɔ paǹ li
1Salomɔn a suusun
Nɛnyaan sii-dɔ̃li nə
ǹ di foo kɔɔ̃n koe.
Sɛnɛ, nɛnyaan yiriwɛɛnaa nə
ǹ dan foo busi.
2Koɛɛ̃n màn là a yii min-a wa.
Sɛnɛ, giã ǹ gɔn pepere á
min sii gɛ̀ la.
3Dɛnaa Lawa n sii
sonbore-zɛnaali kanbiɛ bòo ganaa.
Sɛnɛ, sii baraa-zɛnaalin kɛn,
a nə n piɛ̃ ka bɛn foo sii ni.
4Gɔn yoo-baali n die
ka doobaabaa nɛ.
Gɔn dí-nyali n die ka naforo ne.
5Min mɛn gù bɛ́ kaa nɛ
kaa-piɛ waáraa,
yiridɛnaa nɛ.
Sɛnɛ, min mɛn bɛ́ nyuù we bɛa biikoo li,
ǹ dɛnaa doamaa n ka pɔpɔsɛɛ nɛ.
6Maǹ Lawa bǐɛ̃ bíi min sonbore li,
sɛnɛ kakaarɛbaa n durii ni
sii baraa-zɛnaalin da ǹ boon kio.
7Min mɛnɛn bɛ́ sii sonbore zɛnɛɛ,
yiri a boe ǹ ne wa.
Sɛnɛ, sii baraa-zɛnaalin kɛn,
yiri n boe bɛn nɛ lenlen.
8Min mɛn bɛ́ taasiɛ we,
bɛ n doroo sii.
Sɛnɛ, min mɛn bɛ́ boo kooron diɛ
bɛ n bɔ̀n diɛ a din-a.
9Min pepere n yiri n giã-n
bǎã goon ne.
Sɛnɛ min kɔkɔrɔ wɔ n ka dɔlɔ nɛ.
10Min mɛn bɛ́
sonbore duri ǹ miãn la,
a n fuu nyɛɛ ǹ nɛ.
Sɛnɛ min mɛn bɛ́ ǹ doree foaã nɛ
bɛ n là nyantoro koe ǹ la.
11Sii sonbore-zɛnaali lɛ n
yiikoonaabaa ǹ mu yala lɛa.
Sɛnɛ, boo basaã n durii-n
sii baraa-zɛnaalin da ǹ boo kio.
12 #
Zaaki 5.20; Piɛ1 4.8 Min mɛn bɛ́
ǹ miã tìĩ n boe n ne,
bɛ n yui ka zia nɛ.
Sɛnɛ kɔn-narɛɛ n toɛ
n nə n miã sãn toa nɛ.
13Yiridɛnaa n sii-doɛ̃ boo diɛ.
Sɛnɛ min mɛn bɛ́ yiriwɛɛnaa lɛa
dɔ̀rɔ̀ wuu n die boe bɛ ganaa.
14Sii-dɔ̃lin manə ǹ doɛ̃ tamɛɛ
ka màn giɔ̀mɔ kakaa bɛ́ lɔn.
Sɛnɛ, gàãnaan mɛnaa
wɔlɔ á sɔsɔɔ wa.
15Gɔn màndɛnaa
a naforo n tamɛɛ.
Sɛnɛ doobaa a doobaabaa n dii.
16Min pepere gɔn màn nə
yiikoonaabaa koe.
Sɛnɛ, min kɔkɔrɔ n sii baraa zɛnɛɛ
ka a gɔn màn nɛ.
17Min mɛn bɛ́ lɛ koe
gɔn waa ma-n ganaa,
bɛ n yiikoonaabaa ǹ zii la.
Sɛnɛ min mɛn bɛ́ a lɛ koe
doroo ganaa wa,
bɛ n papaã ǹ zii la.
18Min mɛn bɛ́ zɔ́ɔbaa duri,
min naarɛ nɛ.
Min mɛn bɛ́ soɛ diɛ ǹ miãn la,
baãnaa nɛ.
19Boo gigiã diɛ n die ka siɛ̃ nɛ.
Min mɛn bɛ́ a boo gigiã diɛ wa,
yiridɛnaa nɛ.
20Min pepere a da ǹ boon man
ka wɔrɔ gɛlɛ taãn bɛ́ lɔn.
Min baraa a taasiɛ
a màn kɔn bǐɛ̃ koe wa.
21Min gigiã n là yii
sii sonbore-zɛnaali a boon ganaa.
Sɛnɛ baãnaan man giɛ̃
yiriwɛɛnaabaa taman yii.
22Dɛnaa Lawa a barka da
ma-a n min biɛ pàãma lɛa.
Gɔ́ɔ̃ bii a màn kɔn diɛ li wa.
23Sii baraa zɛnaa n sàn lɛa
baãnaa yii li.
Sɛnɛ, din kũ ka sii-doɛ̃ nɛ
a kaka yiridɛnaa ganaa wa.
24Sii baraa-zɛnaali bɛ́
nyɛ́ɛ biɛ sii mɛn nɛ,
bɛ lɛ n die yii.
Sɛnɛ, sii sonbore-zɛnaali bɛ́
zoɛ̃ màn mɛn li,
Dɛnaa Lawa n bɛ koe la.
25Koe n sii baraa-zɛnaali bii.
Sɛnɛ min mɛn bɛ́ sii bǐɛ̃ zɛnɛɛ,
bɛ goã n we tán miɛ̃ duduu.
26Tɛmaa n we yii ni,
màn pipiã n sɔ piɛ̃.
A din yii goon ne,
yoo baali na a goledɛnaa
foo diɛ yoo ganaa.
27Nyɛ́ɛbaa Dɛnaa Lawa yii ni n
màn diɛ nyin sasabaa li.
Sɛnɛ, màn nə n boe
min baraan lɛ̀ lɛ.
28Min mɛn bɛ́ sii sonbore zɛnɛɛ,
á re foo kɔɔ̃nbaa yii.
Sɛnɛ, min baraan baran n yiri koa
màn kɔn ganaa wa.
29Dɛnaa Lawa a zii n
sii sonbore-zɛnaalin tamɛɛ.
Sɛnɛ a n sii baraa-zɛnaalin ziziɛ̃.
30Sii sonbore-zɛnaali
a mɛnɛɛ duduu wa.
Sɛnɛ, min mɛn bɛ́ sii baraa zɛnɛɛ,
bɛ ba re giɛ̃ gána lɛ-n wa.
31Min mɛn bɛ́ sii sonbore zɛnɛɛ,
sii-doɛ̃ boo n soe a lɛ-n.
Sɛnɛ, maǹ die soɛ-bɔle lɛwɔn kuri.
32Min pepere n boo diɛ
ka fubaa nɛ.
Sɛnɛ, sii baraa-zɛnaali n minin sã ǹ boo diɛ.
Currently Selected:
Suu 10: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
