Popular Bible Verses from Suu 10

Share

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Boo gigiã diɛ n die ka siɛ̃ nɛ. Min mɛn bɛ́ a boo gigiã diɛ wa, yiridɛnaa nɛ.

Min mɛn bɛ́ ǹ miã tìĩ n boe n ne, bɛ n yui ka zia nɛ. Sɛnɛ kɔn-narɛɛ n toɛ n nə n miã sãn toa nɛ.

Gɔn yoo-baali n die ka doobaabaa nɛ. Gɔn dí-nyali n die ka naforo ne.

Min mɛn bɛ́ lɛ koe gɔn waa ma-n ganaa, bɛ n yiikoonaabaa ǹ zii la. Sɛnɛ min mɛn bɛ́ a lɛ koe doroo ganaa wa, bɛ n papaã ǹ zii la.

Min pepere n yiri n giã-n bǎã goon ne. Sɛnɛ min kɔkɔrɔ wɔ n ka dɔlɔ nɛ.

Nyɛ́ɛbaa Dɛnaa Lawa yii ni n màn diɛ nyin sasabaa li. Sɛnɛ, màn nə n boe min baraan lɛ̀ lɛ.

Dɛnaa Lawa n sii sonbore-zɛnaali kanbiɛ bòo ganaa. Sɛnɛ, sii baraa-zɛnaalin kɛn, a nə n piɛ̃ ka bɛn foo sii ni.

Koe n sii baraa-zɛnaali bii. Sɛnɛ min mɛn bɛ́ sii bǐɛ̃ zɛnɛɛ, bɛ goã n we tán miɛ̃ duduu.