Zoz 15

Bǎã mɛn nə n kɔ Zudaa tɔrɔn la

1Bǎã mɛn dɔ Zudaa tɔrɔn ganaa ǹ tanlɛ yii li, a n woe yǎa Edɔmu kiwi lɛkoro-a Sini diə gole kɛ nɛ, dia-n woe, gusin a lɛ̀gɔn la gɔ́ɔ̃ li. 2Ǹ gusin a lɛ̀gɔn la a gèlè na á goã siɛ yìsi mu kɔ̀ kɛ lɛ doa ǹ bǎã ganaa, a mui bǎã kɛ nɛ, ǹ mɛn yɔrɔ á ke dia-n gusin a lɛ̀gɔn la. 3A n woe yǎa tonən kele kɛ la gusin a lɛ̀gɔn la, a bɔ Sini don, a wusoo a wo Kadɛsi-Barneya a gusin a lɛ̀gɔn la, a bɔ Ekrɔn a wo Adaara kiwi, a n pɛnɛ a bɔ Karkaa kiwi, 4a da bɔ Asimɔn, a n nyɔmaa a da Ezipti tà lɛ-a, a wo n doa kɔ̀ gole kɛ ganaa. Ǹ gusin a lɛ̀gɔn la a gèlè n die goɛ̃ ka bɛ nɛ.

5Lɛ̀giala li, gèlè na á goã ka yìsi mu kɔ̀ kɛ nɛ, a wo yǎa a laanka Zurdɛ̃ tà a kaa kɔn lɛ ǹ bǎã nɛ. Gɔsɛ a lɛ̀gɔn la a gèlè lɛ dɔ na á goã siɛ tán walan. 6A na á goã woe yǎa Bɛti-Ogla kiwi, a da bɔ Bɛti-Arabaa a gɔsɛ a lɛ̀gɔn la, a wusoo a n lɛ dii a wo yǎa Urubɛn a nɛgiĩ Bohanaa a kɔlɔ kɛ li. 7Gèlè lɛ na á goã n toɛ Akɔɔrɔ a nyankɔrɔ basa kɛ nɛ, á n woe Debiiri kiwi ganaa. A n wusii a n pɛnɛ a wo Gilgaali gɔsɛ a lɛ̀gɔn la Adumimu kele kɛ yɔrɔ-a, bɛ mɛn bɛ́ tà kɛ a gusin a lɛ̀gɔn la. Gèlè lɛ n boe Ɛn-Semɛsi tà kɛ lɛ-a, a wo n doa Ɛn-Rogeli ganaa. 8Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la. 9Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni. 10Gèlè lɛ nə n toɛ Baalaa doo, a n pusu a wo lɛ̀nyɛɛn la, dia-n woe Seyiiri kele kɛ la, a da bɔ daãn kele kɛ wàã li gɔsɛ a lɛ gɔn la, bɛ n ka Kesalɔn nɛ. A n gisĩ a da Bɛti-Semɛsi, a kiɛ̃ a wo Timnaa kiwi. 11Gèlè lɛ n boe Ekrɔn kele lɛ wàã li gɔsɛ a lɛ̀gɔn la, a n pusu a da Sikarɔn kiwi, a da bɔ Baalaa kiwi a kele la, a kiɛ̃ a wo yǎa Yabneyeli, a tɔn wo n doa kɔ̀ gole kɛ ganaa. 12A lɛ̀nyɛɛn gɔn la a gèlè n ka kɔ̀ gole lɛ laanka a lɛkoro lɛ-a bǎãn nɛ. Bǎã mɛn nə n kɔ Zudaa tɔrɔn lɛn la, ǹ tanlɛ yii li, bɛ lɛ gèlèn man ka bɛn nɛ, paǹ tumaa li.

13 # SYB 1.20 Zozoe bǎã kɔ Zefunee a nɛgiĩ Kalɛbu la Zudaa tɔrɔn lɛn bii ka Dɛnaa Lawa goã á pɛ Zozoe-n lɔn. Ebrɔn kiwi ke ǹ nə́ bíi Arabaa kiwi, a na á bɛ lɛ kɔ la. Arabaa lɛ n Anaaki tɔrɔn kɛn digolo lɛa. 14Kalɛbu Anaaki tɔrɔn kɛn tanlɛ sɔɔ kɛa minin loo á ǹ bɔ walan: Sesayii a tanlɛ minin manɛ, Ayiman wɔn nɛ ka Talmayii wɔn nɛ. Bɛn man Anaaki tɔrɔn lɛa. 15Á n toa Ebrɔn, á woo Debiiri minin gialaa. Lɛlɛ, Debiiri kiwi lɛ tɔ na á goã Kiriyati-Sefɛɛrɛ. 16Kalɛbu tɔ́n pɛ: «Bɛ̀ min mɛn boo Kiriyati-Sefɛɛrɛ kiwi kɛ la á kũ, masɛ tá maa nɛlɔ Aksaa koe bɛa dɛnaa la lɔ lɛa.» 17Kalɛbu din dɔɔ̃ngiĩ Kenaazi a nɛgiĩ Ɔtniyeli kiwi lɛ kũ. Kalɛbu ná a nɛlɔ Aksaa lɛ kɔ la lɔ lɛa. 18A din bɛ́ á daa á dɔ lɔn gɔrɔ, a na á Ɔtniyeli sɔmɔ mà a bǎã nyankɔ asɛ di Kalɛbu lon. Aksaa gisĩ á n bɔ a dundun la, ǹ di Kalɛbu nɔ̀n da la mà a n giɛ wàa li? 19Á ná a lɛ si: «Bǐɛ̃ kɔ ma ganaa, n mu bǎãn kɔnɔn kɔ ma la. A giala, n bǎã mɛn kɔ ma la gusin a lɛ̀gɔn la, bɛa bǎã lɛ á laanɛ.» Mu bǎãn mɛnɛn bɛ́ lon li, ǹ mɛnɛn dɔn bɛ́ tán li, Kalɛbu bɛn kɔ la.

20Bǎã mɛn nə n kɔ Zudaa tɔrɔn lɛn la ǹ kíɛ̃ lɛa, ǹ tanlɛ yii li, a din lɛ n ka kɛ nɛ.

21Kiwin mɛnɛn nə goã Zudaa tɔrɔn lɛn bǎã a gusin a lɛ̀gɔn la, dia-n woe Edɔmu gèlè la, bɛn man ka kɛn nɛ: Kabuseyeli, Edɛɛrɛ, Yaguuru, 22Kiinaa, Dimoonaa, Adaada, 23Kedɛsi, Asɔɔrɔ, Itnan, 24Ziifu, Telemu, Beyalɔti, 25Asɔɔrɔ-Adata, Kiriyɔti-Hesirɔn bɛ n ka Asɔɔrɔ nɛ, 26Amaamu, Semaa, Molaadaa 27Asaara-Gaadaa, Ɛsimɔn, Bɛti-Pelɛti, 28Asaara-Suwali, Bɛɛr-Sebaa laanka a lɛkoro lɛ-an nɛ, 29Baalaa, Iyimu, Atsemu, 30Ɛltolaadi, Kesili, Ɔrmaa, 31Siklagi, Madmanaa, Sansanaa, 32Lebayɔti, Silimu, Ayini laanka Rimɔn. A tumaa a kaa kun kiwi dadara fuəwenmanangɔrɔ, ka ǹ kiwi bisinin ni.

33Kiwin mɛnɛn nə goã diə bǎã kɛ nɛ, bɛn man ka kɛn nɛ: Ɛsitawɔli, Soreya, Asinaa, 34Zanoa, Ɛn-Ganimu, Tapuwa, Ɛnaamu, 35Yarmuti, Adulaamu, Sokoo, Azekaa, 36Saarayimu, Aditayimu, Gederaa, Gederotayimu. Kiwi dadara fulusii ka ǹ kiwi bisinin ni.

37Kiwi kɔsɔn mɛnɛn nə goã walan, bɛn man ka kɛn nɛ: Senan, Adaasaa, Migdaali-Gaadi, 38Dileyan, Mispee, Yakiteli, 39Lakiisi, Bosikaati, Egulɔn, 40Kabonu, Lamaasi, Kitiliisi, 41Gederɔti, Bɛti-Dagɔn, Naama, Makedaa. Bɛn man kiwi dadara fulusɔrɔ, ka ǹ kiwi bisinin ni.

42Kiwin mɛnɛn dɔn bɛ́ n tii bɛn ganaa, bɛn man ka kɛn nɛ: Libnaa, Etɛɛrɛ Asinaa, 43Iftaa, Asinaa, Nesibu, 44Kiilaa, Akziibu, Maresaa. Bɛn man kiwi dadara manangɔrɔ ka ǹ kiwi bisinin ni.

45Ekrɔn dɔ laanka a bǎãn tá a nɛ ka a lɛkoro lɛ-a kiwin ni. 46A saa Ekrɔn ganaa a wo lɛ̀nyɛɛn li, kiwi dadaran laanka kiwi bisinin mɛnɛn tumaa bɛ́ kunun Asidɔdi kiwi kɛ ganaa bɛn tá a nɛ. 47Asidɔdi kiwi laanka Gaazaa kiwi ni, ǹ kiwi dadaran laanka a bisinin ni, a wo yǎa Ezipti tà lɛ-a, a wo n doa kɔ̀ gole kɛ laanka a lɛkoro lɛ-a bǎãn ganaa, bɛn tá a nɛ.

48Kiwin mɛnɛn nə goã kele yii bǎã kɛ nɛ, bɛn man ka kɛn nɛ: Samiiri, Yatiiri, Sokoo, 49Daanaa, Kiriyati-Saanaa, bɛ n ka Debiiri ni. 50Anaabu, Ɛsiteemoo, Animu, 51Gosɛnɛ, Holɔn, Giiloo. Bɛn man kiwi dadara fulugoon ka ǹ kiwi bisinin ni.

52Arabu kiwi tá a nɛ, Dumaa nɛ, Ɛsiyan nɛ, 53Yanumu ni, Bɛti-Tapuwa nɛ, Afekaa nɛ, 54Humetaa nɛ, Kiriyati-Arabaa kɛ nɛ ǹ tá bíi Ebrɔn ka Siɔɔrɔ nɛ. Bɛn man kiwi dadara manangɔrɔ ka ǹ kiwi bisinin ni.

55Kiwin kɛn dɔn nə́ goã a nɛ: Mawɔn, Karmɛli, Ziifu, Yuutaa, 56Zizereyɛli, Yakidamu, Zanoa, 57Kayini, Gibeya, Timnaa. Bɛn man kiwi dadara fù ka ǹ kiwi bisinin ni. 58Kɔsɔn mɛnɛn dɔn nə goã a nɛ, bɛn man ka kɛn nɛ: Halulu, Bɛti-Suuru, Gedɔɔrɔ, 59Maarati, Anɔɔti, Ɛltekɔn. Bɛn man kiwi dadara sɔrɔ ka ǹ kiwi bisinin ni.

60Kiriyati-Baali mɛn bɛ́ ǹ tá bíi Kiriyati-Yarimu, bɛ laanka Rabaa tá a nɛ. Bɛn man kiwi dadara paa ka ǹ kiwi bisinin ni.

61Kiwin mɛnɛn nə goã don bǎã kɛ nɛ, bɛn man ka kɛn nɛ: Bɛti-Arabaa, Midini, Sekaaka, 62Nibsan, Yìsi kiwi kɛ nɛ, Ɛn-Gedii. Bɛn man kiwi dadara sɔrɔ ka ǹ kiwi bisinin ni.

63 # SYB 1.21; Sam2 5.6; KZS1 11.4 Zebuzu tɔrɔn mɛnɛn nə goã giã n Zeruzalɛmu kiwi, Zudaa tɔrɔn lɛn nə boo la ǹ nə́ bɛn loo wa. Bɛ lɛ nɛ, Zebuzu tɔrɔn lɛn nə́ giã kun ka Zudaa tɔrɔn lɛn nɛ Zeruzalɛmu yǎa á daa kaa pelo lɛ.

Currently Selected:

Zoz 15: SBPE2011

Highlight

Copy

Compare