Zoz 16

Bǎã mɛn nə n kɔ Zozɛfu tɔrɔ Efrayimu a minin la

1Bǎã mɛn dɔ Zozɛfu tɔrɔn kɛn ganaa, a n siɛ tán Zurdɛ̃ tà lɛ-a kunu Zerikoo kiwi li, a wo Zerikoo kiwi lɛ a mu pìã lɛ-a lɛ̀giala gɔn la. Ǹ gèlè nə n toɛ Zerikoo, a don kɛ wɔsɔ kɔn, a kiɛ̃ a wo Betɛli a kele yii kɛ nɛ. 2A n soe Betɛli a wo Luuzu, a kiɛ̃ a da bɔ Arkii tɔrɔn kɛn gèlè la Atarɔti kiwi, 3a gisĩ a da bɔ Yafletii tɔrɔn kɛn gèlè la dia-n woe lɛ̀nyɛɛnɛ. Bɛti-Ɔrɔn kiwi ke tán li, a n woe yǎa bɛ gèlè la, a da yǎa Gezɛɛrɛ, a kiɛ̃ a wo n doa kɔ̀ gole kɛ ganaa. 4Zozɛfu tɔrɔ Manaasee laanka Efrayimu a minin nə bǎã mɛn yɛ ǹ kíɛ̃ lɛa, a din lɛ n ka bɛ nɛ.

5Bǎã mɛn dɔ Efrayimu a tanlɛ minin ganaa, bɛ gèlè n ka kɛ nɛ: Lɛ̀nyɛɛn gɔn la, ǹ bǎã lɛ gèlè n ka Atarɔti-Adaara nɛ, a wo yǎa Bɛti-Ɔrɔn kiwi kɛ nɛ lon li. 6Ǹ gèlè lɛ n soe walan, a wo n doa kɔ̀ gole kɛ ganaa lɛ̀nyɛɛnɛ, Mikmetaati kiwi a gɔsɛ a lɛ̀gɔn la. A nə n pɛnɛ a da bɔ Taanati-Siiloo kiwi a lɛ̀giala gɔn la, a kiɛ̃ a wo Anaaki kiwi. 7A nə n toɛ Yanoa, a gisĩ a da bɔ Atarɔti laanka Naara kiwi, a da n lɔ Zerikoo ganaa, a kiɛ̃ a wo n doa Zurdɛ̃ tà ganaa. 8Gèlè lɛ n wusii a n toa Tapuwa kiwi, a wo Kana tà lɛ-a lɛ̀nyɛɛn gɔn la, a kiɛ̃ a wo n doa kɔ̀ gole kɛ ganaa. Bǎã mɛn dɔ Efrayimu a tanlɛ minin ganaa ǹ kíɛ̃ lɛa, a din lɛ n ka bɛ nɛ, 9kun ka ǹ kiwin mɛnɛn tumaa laanka ǹ lɛkoro lɛ-a bǎãn nɛ Manaasee tɔrɔn bǎã nɛ ǹ nə́ ǹ kɔ Efrayimu tɔrɔn lɛn la. 10#SYB 1.29 Kanaan minin mɛnɛn nə goã giã-n Gezɛɛrɛ, ǹ bɛn loo wa. Bɛ lɛ n ke, Kanaan minin lɛn nə́ giã Efrayimu minin lɛn bii yǎa á daa kaa pelo lɛ. Sɛnɛ, maǹ nə́ ǹ kaa pàã dí ganaa.

Currently Selected:

Zoz 16: SBPE2011

Highlight

Copy

Compare