Iza 57
57
1Maǹ min peperen nyin boe,
min kɔn dɔ ba n yiri koɛ li wa.
Min sonboren man papaɛ̃,
min kɔn ná a doɛ̃ mà maǹ
nə́ papaã
ǹ nə́ n bɔ nɔmaa li wa,
2ǹ tá re woe là nyantoro ne.
Min mɛnɛn bɛ́ koe zii pepere lɛ,
bɛn tá re nyuù sonbore we.
Dì guguru-kɔlen gɔn-waa manɛ
3Sɛnɛ, kasɛn kɔnkoã nɛn lɛn,
ka n zɔ̃ ka da kànaa.
Ka tumaa n naarɛbaali
laanka kɔrɔbaali nɛn lɛa.
4Ka ǹ yaa we die ganaa,
ka nə n lɛ buĩ banabana die li?
Ka ǹ ka lɛwɔn boe die li?
Ka ǹ nɛnyaan bɔlɔ tii wolen lɛa,
ka ǹ soɛ-bɔlen dɔn lɛa.
5Dan mɛnɛn bɛ́ kɔɔ̃n ka ganaa,
ka n kɔrɔbaa zɛnɛɛ bɛn giulun,
ka da mɛn tumaa bɛ́ ǹ luu n kɛkɛ.
Ka n kaa nɛnyaanan koe
*wúlu màn lɛa
mu ziin ganaa, ka gɛ̀fu yalan nɛ.
6N wɔ gii n ka mu zii
kɔlɔ zɔzɔnɔn kɛn nɛ.
Bɛ n doe n ganaa.
Ma n duvɛ̃ zumii ǹ dinin
lɛn ganaa wúlu màn lɛa,
ka dì gɔ ǹ màn nɛ
n nə́ wúlu màn koe ǹ la.
Dɛnaa Lawa n nɔ̀n diɛ:
«Ma á siĩn ma lɛ kɔ bɛ ganaa?»
7Kele sasa mìi ni,
ń waa ǹ bǎãn zɛnaa.
Walan lɛ nɛ n tá dii
bɛ̀ n wúlu bɔ.
8Ń nə́ n dì yii n kiɛnlɛ-a
ǹ goo kio.
Ma nə n duri masɛ la,
n nə n mɔnaa sɔlɔ
ń dii n waa ǹ bǎã lɛ nɛ.
Ń lɛ kɔ kɔn la wɔ ka
n tɔntɔraan nɛ.
A n kɔɔ̃nɛ n ganaa,
n waa kunun ǹ ni,
n nə́ giɛ ǹ tontoro ganaa.
9Ń woo kii#57.9 Bɛa kii kɛ lɛ, a doamaa nɛ a dì Melɛki baa, Amɔn tɔrɔn dì ni. li,
ka nyɔɔ laanka màn giĩ
kɔɔ̃n gigiã nɛ.
Ń dia dí-a wolen dia bǎã sɔsɔɔ nɛ.
Ń gisĩ n woo yǎa geren piɛ.
10Ma nə́ n tɔ wɔ á la yii ni,
bɛ lɛ na á n nɔmaa.
Sɛnɛ, n pɛ dɔn mà «kɛ là
banban wa.»
N pàã dii yɛ,
n nə́ n nɔmaa lɛ sawaa nɛ.
11Die na á goã nyɛ́ɛ gole diɛ
n ganaa
n soɛ bɔ ma nɛ, n yiri bɔ ka
ma nɛ.
N ba n yiri koɛ ma li doo wa?
Man má goã n lɛ tiɛ̃ haalɛ bibi.
Bɛ lɛ na á toa n ba ma
guguru koe wa.
12Sɛnɛ,
ma á re n peperebaa kɛ nyɛɛ
foaã nɛ.
N sii mɛn zɛnaa,
n ba re a là goon yii wa.
13Bɛ̀ n gú da ǹ mɛn pinaa,
n dì bɔbɔnɛɛn lɛn nə n si
sii la kəni.
Piɛ̃ á re ǹ tumaa goɛ,
kurunkurun tá re woe ǹ ne.
Sɛnɛ, min mɛnɛn bɛ giɛ mìi
duru ǹ bǎã li masɛ li,
bɛn tá re gána lɛ yii ǹ wɔ lɛa,
maa kele sonbore kɛ nə ǹ wɔ baa.
Dɛnaa Lawa á re a zaman a busu nyɛɛ
14Dɛnaa Lawa pɛ:
Ka zii zɛnaa fufuu, ka zii bɔ.
Màn mɛn tumaa bɛ́ min nə boe
la a n gòã na a ganaa,
ka bɛ bɔ ka bɔ maa zaman a
zii la.
15Min mɛn bɛ́ ǹ ná a guguru koe
ǹ ná a laakalɛɛ,
a ná a tan duduu,
a tɔ n "Sonbore",
a bɛ́ boo mɛn pii á ke:
Man giã-n bǎã sonbore ne,
lon sɔsɔɔ,
Sɛnɛ, man kun ka nɔmaa-wolen
dɔn nɛ,
ka foo ziziɛ̃ wolen ne.
Man yiikoonaabaa koe
nɔmaa-wɔlen la,
ka foo ziziɛ̃ wolen ne.
16A giala, ma ba zoɛ̃ li
máa ma minin zɛ̀rɛbaa biikoo
yii li wa,
hinlaa ma foo goã yoo-n
duduu wa.
Bɛ bie wa, ma min mɛnɛn zɛnaa,
bɛn yiikoonaabaa á re n sii ǹ la.
17Izirayeli a zɛ̀rɛ laanka
a din foo siin kɛn nə́ ma foo yoo,
bɛ lɛ nɛ má dɔlɔ da la.
Ma ba li ma yɛ doo wa.
Sɛnɛ a too kakabaa taman yii,
a n tɔn koe a din foo siin lɛ.
18Má a giã ǹ gɔn yɛ,
sɛnɛ, ma á re a kaka koe,
ma a foo taã, asɛ nɛ ka min
mɛnɛn bɛ́ gɛ̀ koɛ.
19 #
Efɛ 2.17
Ma á re foo kɔɔ̃nbaa ǹ loe we
ǹ lɛ-n.
Min mɛnɛn wɔlɔ bɛ́ sɔsɔɔ,
ka min mɛnɛn wɔlɔ bɛ́ kunu
foɛɛ̃ nɛ,
yii-nyɛɛ n bɛn wɔ lɛa.
Hiĩ, man die maa zaman lɛ
kaka koe.
Dɛnaa Lawa mà miɛ̃!
20Sɛnɛ, min baraan man ka
Yìsi mu gole bɛ́ lɔn,
bìn diɛ, a ná a golee wa,
bɛrɛɛ laanka yisi tɔrɔ tumaa
n soe a mu li.
21 #
Iza 48.22
Maa Lawa pɛ:
«Yii-nyɛɛ goon din banban
min baraan wɔ lɛa wa.»
Currently Selected:
Iza 57: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
