Iza 39
39
Baabiloniin dia dí-a wolen man die kii Ezekiasi li
1Bɛa waáraa, Baabiloniin kii, Balaadan a nɛgiĩ Merodaki-Balaadan ma mà Ezekiasi goã lon wa, sɛnɛ mà á kaka kɔ. Bɛ lɛ nɛ, á minin dia mà ǹ da sɛ́wɔ kɔ la, ka bǐɛ̃baa ǹ mànan nɛ. 2Ezekiasi nə́ n nyanyaa ka ǹ daa nɛ. A gɔn màn sonboren kɛn, a bɛ́ bɛn koɛ maa, sana nɛ, wɔrɔ nɛ, dù kɔɔ̃n kɔ ǹ mànan nɛ, nyɔɔ gìĩ kɔɔ̃nɔn kɛn nɛ, á ǹ kũ, á woo bɛ nyaa ǹ nɛ. A ziabaa ǹ mànan bɛ́ koa-n kionən mɛnɛn nɛ, á bɛn nyaa ǹ nɛ, ka a naforon tumaa nɛ. A màn kɔn duru ǹ la wa: A din a kion ne ka a gána gɔ́ɔ̃ tumaa nɛ. 3Bɛ kio, Lawa a boo gii-dali Izayii daa kii Ezekiasi li, á nɔ̀n da la: «Minin kɛn man nə́ wàa boo da n nɛ? Maǹ boe maa?» Ezekiasi ná a lɛ si: Maǹ boe *Baabilonii, gána sɔsɔɔ nɛ, ǹ nə́ daa n yii kɔ ma ganaa. 4Izayii wusoo á pɛ doo: «Maǹ nə́ wàa yɛ n kii kion lɛ nɛ?» Ezekiasi ná a lɛ si: «Ǹ nə́ màn tumaa yɛ. Má maa naforon tumaa nyaa ǹ nɛ. Ma màn kɔn duru ǹ la wa.» 5Izayii tɔ́n pɛ Ezekiasi ni: «N too kɔ Dɛnaa Pàãyiidɛnaa a boo li: 6Á ke, ǹ kɔn pinaa, màn mɛn tumaa bɛ́ n kii kion lɛ nɛ, n din nə màn mɛn tumaa sɔkɔn n nyɛɛnɛ, ǹ tá re a yii goɛ ǹ wo ǹ ne Baabilonii. Màn kɔn ba re goɛ̃ kànaa wa. Dɛnaa Lawa na á pɛ. 7#Dan 1.1-7; Kiin2 24.10-16; KZS2 36.10 N nɛnyaanan mɛnɛn yɛ, ǹ tá re bɛn tumaa goɛ ǹ wo ǹ ne. Ǹ tá re ǹ biɛ dí-nyalin lɛa Baabiloniin kii a kii kion.» 8Ezekiasi Izayii lɛ si: «Ń bɛ́ Dɛnaa Lawa a boo mɛn diɛ, boo kɔɔ̃n nɛ.» A n taasɛ mà asɛ a yiikoonaabaa gɔ́ɔ̃ nɛ, mà maǹ die goɛ̃ yii-nyɛɛ laanka là nyantoro la.
C. Foo-waa ǹ boo
(40–66)
Currently Selected:
Iza 39: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
