Iza 24
24
Dɛnaa Lawa n tán ziziɛ̃
1Á ke, Dɛnaa Lawa n basaã
koe tán nɛ
a n ziziɛ̃.
Á tán lɔlɔkɔn,
a na a zaman pɛsɛ̃ bǎã tumaa nɛ.
2A din sii goon lɛ n die
min tumaa yii:
min mɛnɛn bɛ́ Lawa
a wúlu-bɔlen lɛa,
ka min mɛn bɛ́ min kooro lɛa,
min mɛn bɛ́ maadigiĩ lɛa
ka min mɛn bɛ́ bɛ̀rɛ lɛa,
min mɛn bɛ́ maadigiĩ a lɔ lɛa
ka min mɛn bɛ́ bɛ̀rɛ lɔ lɛa,
min mɛn bɛ́ màn siɛ̃,
ka a pii wole ne,
min mɛn bɛ́ giɔ̀mɔ diɛ,
ka min mɛn bɛ́ giɔ̀mɔ siɛ,
min mɛn bɛ́ giɔ̀mɔ ná a bɔlɔ-a ka min mɛn bɛ́ a giɔ̀mɔ n kanaa.
3Tán ziziɛ̃.
Á bɔ̀n baa lenlen,
a giala, Dɛnaa Lawa na á golee
li miɛ̃.
4Tán yɔrɔ kɔsɛ, á laa.
Kanaa n gɛ̀ koɛ, á ziziɛ̃.
Kanaa a min dadaran dɔn
nə́ pɛrɛ.
5Sonbore,
minbuiinin nə́ *gɔ̀ da tán ganaa.
Ǹ nə́ Dɛnaa Lawa bɔlɔ tii.
Ǹ nə n too kɔ a dí-pɛn li wa.
Ǹ ná a landa boon puusə kɔ.
Lɛ kɔ kɔn la mɛn bɛ́ duduu wɔ lɛa
ǹ doɛ kɔn ka Dɛnaa Lawa nɛ,
ǹ nə́ bɛ ziziɛ̃.
6Bɛ lɛ taman yii,
Dɛnaa Lawa lɛn baraa bíi tán li.
Bɛ lɛ a dɔlɔ n ke
minbuiin nɛn mìi ni.
Bɛ lɛ nɛ kanaa minin nə́ papaã,
ǹ nə́ kiɛɛrɛ kɔ.
7Duvɛ̃ dii kiɛɛrɛ kɔ,
*rezɛ̃ da pàã nya.
Min mɛnɛn foo goã kɔɔ̃nɛ,
bɛn man gini.
8Maà wuu kɔɔ̃nɔn kɛn lɛkuru.
Zɔ́n dadaran nə́ nya.
Tùtu wuu kɔɔ̃n kɛ lɛkuru.
9Minin ba duvɛ̃ mii
ǹ nə́ loe loe doo wa.
Yɔ kakaarɛn man kɔɔsɛ
a milin lɛ-n.
10Kiwi gɔ́ɔ̃ kooro-a lɛ kaa.
Kionən tumaa lɛ tiɛ̃maa nɛ.
Min kɔn ba boe la á we doo wa.
11Ziin la,
minin manə n lɛ-dii duvɛ̃ li.
Nyɛnyɛɛ banban doo wa.
Foo kɔɔ̃nbaa soo á n bɔ
gána lɛ nɛ.
12Kiwi gɔ́ɔ̃ nɛ, kɛbɔlɔ dinsɔɔ̃ nɛ.
A kiɛnlɛ ziziɛ̃, á kaa.
13Sonbore, tán la, minbuiinin bii,
màn taãn kɔn ba re goɛ̃ wa,
ka *olivie da bɛ́ lɔn,
ǹ na a nɛ tumaa na,
ka *rezɛ̃ da bɛ́ lon,
ǹ na a nɛ tumaa kaa piɛ.
Minbuiin nɛn nyɛnyɛɛ
14Min mɛnɛn yii goã koo,
bɛn manə n lɛn siɛ lon,
ǹ tá Dɛnaa Lawa tɔ boe.
Maǹ boe lɛ̀nyɛɛn li,
ǹ nə́ foo kɔɔ̃nbaa ǹ lɛ dii.
15Lɛ̀giala gánan nɛ,
ka Dɛnaa Lawa guguru kɔ.
Gánan mɛnɛn bɛ́ yìsi mu nə́
ǹ da bii,
ka Dɛnaa Lawa,
Izirayeli a Lawa tɔ bɔ.
16Loe kɛ lɛ n boe kanaa
paǹ tumaa ganaa:
«Ka Lawa tɔ bɔ,
asɛ mɛn bɛ́ pepere!»
Sɛnɛ, masɛ n kɛ pii:
«Má sàabaa, má sàabaa.
Wàa koe-n ka kɛ-n ma ganaa.»
Tentenən man minin yiri siɛ̃,
minin sã woo minin sã.
Tentenən man minin siɛ̃.
17Kanaa minin,
nyɛ́ɛ nɛ, yala zuzulu ni,
ka kan nɛ,
bɛn tumaa n kaa wɔ lɛa.
18Min mɛn bɛ́ baa sii
nyɛ́ɛ da ǹ lɛ-dɛ nyɛɛnɛ,
bɛa dɛnaa n mɛnɛɛ yala-n.
Bɛ̀ min mɛn boo la á soo yala-n,
kan tá re kuĩ.
Lon a dɔǹɔn manə
n lɛ buĩ banabana.
Tán tumaa n bìn diɛ
a wo a giala wɔ tán a ǹ bǎã yaa.
19Tán nə́ n dɛ, a n pupuri,
a n wurii.
20Yɔ bɛ́ min yii kuĩ a tatalaa lɔn,
tán nə tatalɛɛ miɛ̃,
ka piɛ̃ bɛ́ bìn diɛ siã ganaa
bɛ̀ a n kanaa lɔn.
A n mɛnɛɛ a sãn taman yii,
a boe la a yoo doo wa.
Ǹ kɔn pinaa Lawa n die kii biɛ Zeruzalɛmu
21Bɛa pinaa lɛ nɛ, Dɛnaa Lawa n die yui lon a zia kurun gialaa lon, ka tán a kiin ni tán la. 22Maǹ die ǹ lɛ soekɔn ka kòso nɛn bɛ́ lɔn nyankɔrɔ gole ne. Maǹ die goɛ̃ kòso ne. Bɛ kio, bɛ̀ á belebɔ, ǹ doamaa nɛ ǹ nə n bɔlɔ pɛ.
23Sìi á re mui kuĩ,
sìi á re n koe wasa lɛ.
A giala,
Dɛnaa Lawa Pàãyiidɛnaa n die
kii biɛ Zeruzalɛmu,
*Siɔn kele la.
Dɛnaa Lawa a gugurubaa n die
tɛ pii kiwi,
min golen yɔrɔ-a.
Currently Selected:
Iza 24: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
