BLS 4
4
Ǹ bɛ́ boe min mɛnɛn yii ni
1Bɛ kio,
bɔ kɔn yii ni ǹ siin mɛnɛn bɛ́ n zɛnɛɛ
kanaa kɛ nɛ,
má wusoo má n yii wɔ bɛn nɛ,
má ga ǹ ganaa.
Sɛnɛ á ke,
ǹ bɛ́ boe min mɛnɛn yii ni,
bɛn maǹ wuu pii,
ǹ lɛ tã wole banban wa.
Min mɛnɛn lɛn bɛ́ boe ǹ yii ni,
pàã lɛ n bɛn lon,
kɛn lɛ tã wole banban wa.
2Bɛ lɛ n ke, masɛ á pii,
máa min mɛnɛn nə saa lɛlɛ ǹ nə́ gã,
máa bɛn dinin wɔ á soɛ yiikoonaan kɛn wɔ nɛ,
tɔn nə ǹ tan.
3Máa min mɛn bɛ́ a tɔn yɛ duduu wa,
máa bɛ dɔ wɔ á soɛ doo,
á la geren lɛn laanka yiikoonaan lɛn wɔ nɛ,
a giala dí baraa mɛn bɛ́ n nyɛɛ kanaa kɛ nɛ,
asɛ bɛ yɛ ka a yii-n wa.
Di laanka a mìi gɔ́ɔ̃ ǹ siin
4Má yɛ dɔn,
máa dí din tumaa,
sii a bǐɛ̃-kɔ din tumaa,
foo a wuu pɛ kɔn li ni.
Bɛ dɔ giala banban,
a n piɛ̃ loo lɛa.
5Baãnaa nə n gɔnɔn kiɛ a kolo-n.
A n bɔ̀n diɛ a din ganaa.
6Sɛnɛ dí mɛn nə́ ke piɛ̃ loo lɛa,
min laan bɛ̀ a nə n din koe bɛ la,
a susu boɛɛn tá soɛ.
Tá dinsɔɔ̃ boo
7Má wusoo doo,
má sii lɛ a kɔsɔ yɛ kanaa kɛ nɛ,
á n piɛ̃ loo lɛa.
8Min nə ke a dinsɔɔ̃,
a min kɔsɔ banban wa.
A banban nɛ lɛa wa,
a banban dɔɔ̃n lɛa wa.
A da yaa,
bɛa dɛnaa kɛ lɛ n kɔn ka di-n miɛ̃ duduu,
gɔn màn ba doe a yii li wa.
Die a lɛa nɛ, á n dí nyɛɛ,
á n nyɛnyɛɛ lɛ tiɛ̃ a din ganaa?
Bɛ dɔ giala banban,
a n foo busi a tɔ-a.
9Min paa tá soɛ min goon ne.
A giala, ǹ tá saraa gole yii ǹ dí ni.
10Sonbore, bɛ̀ ǹ goon mɛnaa,
ǹ miã lɛ á siɛ a da lon.
Sɛnɛ, min mɛn bɛ́ a dinsɔɔ̃,
bɛ wɔ n ka bɔ̀n nɛ!
Bɛ̀ á mɛnaa, ǹ miã banban,
bɛ́ n die siɛ a da lon wa.
11Ka bɛ dɔ nɛ,
bɛ̀ minin nə́ waa tán kun min paa,
sɛ̀fuu á boe ǹ ganaa.
Sɛnɛ, min mɛn dinsɔɔ̃ bɛ́ nɛ,
sɛ̀fuu n siɛ lɔn a tɔn bɔ a ganaa?
12Bɛ̀ min pàã la min goon ne,
min paa tá boe la a n gòãn doa a ganaa.
Biɛ mɛn bɛ́ nɛ sɔɔ,
bɛ á niɛ̃ fufuu wa.
13Nɛginin ten mɛn nə́ ke doobaa lɛa,
sii doɛ̃,
bɛ á soɛ kii ni,
ǹ mɛn nə́ ke á zizi kɔ, baãnaa lɛa,
a ná a ba doree sii doo wa.
14Ta bɛa nɛginin kɛ lɛ na á yɛ doobaa lɛa,
ta a na á soo kòso kion á pàã saa,
15má yɛ,
máa min mɛnɛn tumaa yii bɛ́ koo,
ǹ gòã ń siɛ kanaa kɛ nɛ,
bɛn man die koe nɛginin lɛ kio lɛ,
kii mɛn lɛ goã a nyɛɛn lɛlɛ,
ǹ bɛ toa walan.
16Zaman mɛn tumaa bɛ́ nɛginin lɛ ń die goɛ̃ ǹ mìi la,
bɛn man die mɔnɛɛ a tɔ-a.
Sɛnɛ, min kɔsɔn mɛnɛn bɛ́ kio die,
bɛn nə́ boe la ǹ nə́ ǹ ba n nyɛnyɛɛ ka nɛginin lɛ a sii-n wa.
Bɛ dɔ giala banban, a n piɛ̃ loo lɛa.
Giã doɛ̃ Lawa yɔrɔ-a
17Bɛ̀ n tá woe Lawa a kion,
yiri bɔ n gòã-saa li.
N zɔ̃ n dɔ, n nə n too kɔ,
n Lawa bɔlɔ si,
n baran baãnaan wúlu kɛ tɔrɔ bɔ wa.
A giala bɛn ba doɛ̃ mà ǹsɛn tá baraa zɛnɛɛ wa.
Currently Selected:
BLS 4: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
