BLS 5
5
1N baran saa lɛlɛ, n boo da wa.
Boo baran n si n lɛ la,
Lawa yɔrɔ-a wa.
A giala, Lawa n lon,
nsɛ n tán.
Bɛ lɛ nɛ,
n boo baran toa a mɔnaa wa.
2Sonbore,
taasiɛ gigiã n die ka narɛɛ nɛ.
Boo gigiã n min biɛ baãnaa lɛa.
3 #
Loe 66.13-14
Bɛ̀ ń lɛ-kɔ wɔ Lawa nɛ,
n baran n lɔlɔɔ a lɛ piɛ̃ li wa.
A giala baãnaan sii ba kiɛ Lawa foo la wa.
N bɛ́ ń lɛ-kɔ mɛn wɔ,
bɛ lɛ pã.
4Màn mɛn tá a ganaa,
n lɛ-kɔ wɔ,
ń nə́ n ba re a lɛ piɛ̃ wa,
á soɛ n ganaa,
n baran lɛ-kɔ wɔ wa.
5N baran toa n lɛ nə n da sii baraa zɛnaa-a wa.
N baran wo pɛ Lawa a dí-nyali ni,
mà sã-n wa.
Wàa na á baa Lawa foo n die yui,
n da ǹ boon kɛn taman yii,
a n nya ǹ dí ziziɛ̃?
6A giala,
boo punpun lɛ n kooro lɛa,
ka narɛɛ didi bɛ́ lɔn.
Bɛ lɛ nɛ,
nyɛ́ɛ baa Lawa yii ni.
7Bɛ̀ ń yɛ gána nɛ,
ǹ nə́ boe doobaa yii ni,
ǹ nə́ sii yɔrɔ bɔ ǹ zii laanka peperebaa toɛ walan,
bɛ baran kaãbaa da n-a wa.
A giala,
min mɛn nə́ ke nyɛɛn gole,
min kɔsɔ tan gole bɛ dɔ mìi la,
bɛn dɔn mìi la doo,
minin tan dadara.
8Tán a là nə ǹ dinin tumaa ganaa.
Tán dí n kii pàã lɛa.
Gɔn màn là banban wa
9Min mɛn bɛ́ paa narɛ,
paa ba doe bɛ yii li wa.
Min mɛn bɛ́ gɔn màn narɛ,
bɛ ba a là yii wa.
Bɛ dɔ giala banban.
10Bɛ̀ gɔn màn mɔnaa,
a biili dɔ n mɔnɛɛ.
Wàa là nə ǹ dɛnaa wɔ lɛa?
Bɛ̀ á n bɔ a yii mɛn bɛ́ a ganaa.
11Min mɛn bɛ́ dí nyɛɛ,
bɛ n nyuù kɔɔ̃n we,
ta a na á màn bii boɛɛn hinlaa didi.
Sɛnɛ pàãma sɛ a màn-kiɛ̃ ba toɛ á nyuù we wa.
12Má koe sii kaka goon yɛ kanaa kɛ nɛ:
min na a naforo koa,
a wo koe baa ǹ dɛnaa ganaa.
13Bɛa naforo lɛ yoo a ziziɛ̃ sii kaka gɔ́ɔ̃ nɛ,
bɛ̀ ǹ dɛnaa nɛ yɛ,
màn kɔn ná a ba a gɔn doo wa.
14 #
Zɔb 1.21; Loe 49.18; Tim1 6.7 A gɔn kooro soo ǹ dan gɔ́ɔ̃-n lɔn,
a gɔn kooro n die n bɔyɛɛ miɛ̃.
A da lɔn,
a n die woe miɛ̃.
Màn kɔn bie á n die woe ne a gɔn wa.
15A goã á daa lɔn,
a wusoo a wo miɛ̃ kɛ lɛ,
bɛ dɔ n sii lɛa, a lɛ n we.
A bɛ́ á dí mɛn nya,
á ń piɛ̃ loo lɛa,
a n wàa là yii bɛ nɛ?
16Ka bɛ dɔ nɛ,
a na a yiikoonaabaa biikoo tumaa zɛnɛɛ wɔlɔ tì li,
a n taasiɛ gigiã we,
busu na a ganaa,
a foo dɔ n yoo ne.
17Ma màn mɛn yɛ siĩni,
bɛ á ke:
min nə siĩni,
a màn bii, a màn mi.
Lawa bɛ́ á lɛawaan mɛnɛn kɔ la kanaa,
a bɛ́ dí mɛn tumaa nyɛɛ bɛn gɔ́ɔ̃ nɛ,
a bɛ́ màn mɛn tumaa boe bɛ nɛ,
a n siĩni,
a n nyɛnyɛɛ bɛ la,
a giala a wɔ gii n ka bɛ lɛ nɛ.
18Sɛnɛ, bɛ̀ Lawa naforo laanka gɔn màn kɔ min mɛn la,
á ná a bii ǹ lɛ dɔ kɔ la,
á baa a wɔ gii lɛa,
mà a n nyɛnyɛɛ a dí gɔ́ɔ̃ nɛ,
bɛ n Lawa a bǐɛ̃ lɛa.
19Sonbore,
bɛa min lɛ ba re yiri boe a yiikoonaabaa li taãn wa,
a giala,
Lawa nyɛnyɛɛ mɛn kɔ la,
a n die n siɛ bɛ li.
Currently Selected:
BLS 5: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
