BLS 11
11
Yiri bɔ á la yii ni tá sii ziziɛ̃
1Bɛ̀ n tá re sii mɛn zɛnɛɛ,
n yii tã n zɛnaa,
n wɔ á re yii a-n biɛ̃.
2Ka bɛ dɔ nɛ,
n gɔn màn gii kɔn ka min gigiã nɛ,
a giala,
koe sii mɛn bɛ́ boe la,
a n zɛnaa kanaa kɛ nɛ,
n ba bɛ doɛ̃ wa.
3Bɛ̀ ń la yɛ ti boe, a n die kiɛ.
Bɛ̀ da dɔ bɔ á mɛnaa,
a na á mɛnaa á woo gusin a lɛ̀gɔn la hinlaa gɔsɛ a lɛ̀gɔn la,
a bɛ́ á mɛnaa tán bǎã mɛn lɛ nɛ,
a n goɛ̃ tán walan.
4Tán dí-nyali mɛn bɛ́ giɛ piɛ̃ gɔn li,
bɛ na a die màn diɛ wa.
Tán dí-nyali mɛn bɛ́ giɛ la gɔn li,
bɛ na a die màn kuri wa.
5N bɛ́ n ba piɛ̃ a kiɛ̃ ǹ zii doɛ̃ lɔn wa,
ń nə́ n ba wen zɛnaa ǹ gɔn doɛ̃ lɔ nɔnɔ-a gɔ́ɔ̃-n lɔn wa,
bɛa yɔrɔ kɛ lɛ dɔ la,
n ba Lawa a nya ǹ dí giala miɛ wa,
asɛ mɛn bɛ́ sii tumaa zɛnɛɛ.
6Baayɛlɛ, n màn tɔrɔ da,
n baran n gɔn basã wa,
yǎa wasamiɛ̃nɛ.
A giala,
màn mɛn bɛ́ re bǐɛ̃ koe,
n ba bɛ doɛ̃ wa,
kɛ-n hinlaa kɛ nɛ,
hinlaa ǹ dinin tumaa n die siĩn koe kun?
Lawa guguru-kɔ laanka Lawa bɔlɔ-si boo
7Bɛ̀ n yii á koo bɛ á kɔɔ̃nɛ.
Bɛ̀ n yii á koo,
bɛ n nyɛnyɛɛ lɛa.
8Bɛ lɛ n ke,
bɛ̀ min yii á koo lɛ̀ didi gɔ́ɔ̃ nɛ,
a doamaa nɛ,
a n nyɛnyɛɛ bɛa lɛ̀n kɛn lɛn tumaa gɔ́ɔ̃ nɛ,
a n yiri dɔ kɔ,
mà lɛawaa kakan tá mɔnaa nɛ,
mà sii mɛn yii bɛ́ die,
mà yii ba doe a-n wa.
9Tɔntɔraagiĩ,
n nyɛnyɛɛ n tɔntɔraabaa gɔ́ɔ̃ nɛ.
Toa n foo kɔɔ̃n kɔ n tenmaa waáraa.
Bɛ̀ màn mɛn nə́ n foo kũ,
n bɛ zɛnaa,
bɛ̀ sii mɛn dɔ n yii li,
n bɛ zɛnaa.
Sɛnɛ, n dɔ̃ mà Lawa tá re kiri kuri n la,
bɛa siin kɛn lɛn tumaa taman yii.
10Taásiɛ bɔ n bɔ n foo ne,
baraa wɔlɔ lui n gɔ̀nɔn ganaa.
A giala, tɔntɔraabaa lɛ n kiɛ̃ fufuu,
ka wɔlɔ fulii biikoo bɛ́ lɔn.
Currently Selected:
BLS 11: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
