Popular Bible Verses from Vẽnegre 22

Share

Maam la Alfa la Omega, dẽenem la yaoolem, Sɩngre la Sɛɛbo.

A Zeezi yeelame: Gese, bilf bal sã n paase, mam na n waame, la mam zãada keoor n watẽ n na n keo ned kam fãa wa sẽn zems a tʋʋmde.

Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!

Bark bee neb nins sẽn pegsd‑b futu, sẽn na n yɩl la b paam noor tɩ rɩ vɩɩm tɩɩgã biisi, la b tũ tẽngã noy n kẽ tẽngã pʋgẽ wã zutu.

La a Zeezi yeelame: Gese, bilf sã n paas bala, mam na n waame. Bark bee ned ning sẽn sakd seb-kãngã bãngr goamã zugu.

Yʋng kõn leb n zĩnd ye, la nebã kõn dat fɩtl vẽenem wall wĩntoog vẽenem ye. Bala, Zu-soab a Wẽnnaam n na n yɩ bãmb vẽenem. La bãmb na n dɩɩ naam zamaan woo zamaana.

Ned ning sẽn kɩt-a bõn-kãensã kasetã yetame yaa: «N-yẽe, sã n yɩ bilf bala, mam na n waame.» Ãmina! Zu-soab a Zeezi, wa-y-yã! Bɩ Zu-soab a Zeezi barkã zĩnd ne yãmb fãa.

Mam yeta ned ning fãa sẽn wʋmd seb-kãngã bãngr goamã tɩ ned sã n paas bũmb be, Wẽnnaam na n paasa tood nins b sẽn bils seb-kãngã pʋgẽ wã yẽnda sɩbgrã zugu. La ned sã n boog bãngr gom-kãensã sebrã goamã, Wẽnnaam na n deega pʋɩɩr ning yẽnda sẽn da na n paam ne vɩɩm tɩɩgã la tẽn-sõngã b sẽn bilg seb-kãngã pʋgẽ wã n bas-a.