Vẽnegre 13
13
Rũms a yiibu
1 #
Dãn 7.3,
Vẽn 17.3,7-12 Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã. 2#Dãn 7.4-6Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg#13.2 Rigd‑n‑yĩidga: Tɩ ges‑y 2Rĩm‑dãmbã 2.24 pʋga, tɩ rigd‑n‑yĩidgã bilgr bee beenẽ. naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã. 3La mam yãnda rũngã zug a yembr sẽn pogle, n yaa wa a na n kiime, la a poglgã sẽn da tog n kʋ-a wã maagame. Nebã fãa sẽn be tẽng zugã yɛɛsame la b tũu rũngã. 4B wõgemda wag‑bɛɛgã taoore, a sẽn kõ rũngã pãn-tõogã yĩnga. B wõgemda rũngã taoore, n yeele: Ãnda n wẽnd rũngã, la ãndã n tõe n zab ne-a? 5#Dãn 7.8,25, 11.36B kõo rũngã noor t'a gom wilg-m-meng goam la Wẽnnaam paoogr goamã. La b kõo yẽnda pãn-tõog t'a tʋm kiis pis-naas la a yiibu. 6Rũngã yaaga a noor n na n gom n paoog Wẽnnaam, n paoog bãmb yʋʋrã la b sɛk roogã, la neb nins sẽn be arzãnã.
7 #
Dãn 7.21
La b kõo yẽnda noor t'a yik zabr
ne Wẽnnaam nin-tũusdsã n tõog-ba.
B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa. 8#Yɩɩn 69.29La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore. 9Ned sã n tar tʋb bɩ a kelge! 10#Zer 15.2, 43.11Ned sã n tog n kẽ yembdo, a na n kẽe yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.
11Dẽ poore, mam yãnda rũng a to sẽn yi tẽnga pʋgẽ. A ra tara yɩɩl a yiib sẽn wẽnd wa pe-bil yɩɩla, la a rag n gomda wa wag‑bɛɛgã.
12Yẽnda rag n tʋmda ne pipi rũngã pãn-tõogã fãa a nifẽ, la a kɩtame tɩ tẽngã ne nebã sẽn be a zugã wõgemded pipi rũngã sẽn dag n paam sãmpog-kʋʋdg tɩ maagã taoore. 13Rũng a yiibẽ soabã maana bãn-kãsemse, hal n kɩtdẽ tɩ bugum yit yĩngr n sigd tẽngã zug nebã nifẽ. 14Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga. 15B kõo rũng a yiibẽ soabã pãn-tõog t'a kɩt tɩ pipi rũngã bõn-naandgã paam sɩɩga, sẽn na yɩl la bõn-naandgã gome, la a kɩt tɩ b kʋ neb nins fãa sẽn ka na n wõgemd rũngã bõn-naandgã taoorã. 16La a kɩtame tɩ nebã fãa, nin-tals la nin-kãsemse, arzegs rãmb la naong rãmba, yembs ne burkĩmb reeg bãnd b nug-rɩtgo wall b rĩyã zutu, 17la tɩ ned baa a yembr ra tõog n da wall a koose, t'a ka tar bãndã, rũngã yʋʋre, wall a yʋʋrã geel-bilã ye.
18Yam la woto. Bɩ ned ning sẽn tar yam geelg rũngã yʋʋr geelg sõore. Bala, yaa ninsaal yʋʋr geelg sõore, la a yʋʋrã geelg sõor yaa 666.
Currently Selected:
Vẽnegre 13: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
