Popular Bible Verses from Vẽnegre 13

Share

Yam la woto. Bɩ ned ning sẽn tar yam geelg rũngã yʋʋr geelg sõore. Bala, yaa ninsaal yʋʋr geelg sõore, la a yʋʋrã geelg sõor yaa 666.

La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

La a kɩtame tɩ nebã fãa, nin-tals la nin-kãsemse, arzegs rãmb la naong rãmba, yembs ne burkĩmb reeg bãnd b nug-rɩtgo wall b rĩyã zutu, la tɩ ned baa a yembr ra tõog n da wall a koose, t'a ka tar bãndã, rũngã yʋʋre, wall a yʋʋrã geel-bilã ye.

Ned sã n tog n kẽ yembdo, a na n kẽe yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã.

La b kõo yẽnda noor t'a yik zabr ne Wẽnnaam nin-tũusdsã n tõog-ba. B kõo yẽnda pãn-tõog t'a tõog buud fãa, la tẽng fãa nebã, la goam buud fãa nebã, la soolem fãa.

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga. B kõo rũng a yiibẽ soabã pãn-tõog t'a kɩt tɩ pipi rũngã bõn-naandgã paam sɩɩga, sẽn na yɩl la bõn-naandgã gome, la a kɩt tɩ b kʋ neb nins fãa sẽn ka na n wõgemd rũngã bõn-naandgã taoorã.

Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã.

B kõo rũngã noor t'a gom wilg-m-meng goam la Wẽnnaam paoogr goamã. La b kõo yẽnda pãn-tõog t'a tʋm kiis pis-naas la a yiibu.

La mam yãnda rũngã zug a yembr sẽn pogle, n yaa wa a na n kiime, la a poglgã sẽn da tog n kʋ-a wã maagame. Nebã fãa sẽn be tẽng zugã yɛɛsame la b tũu rũngã.

Dẽ poore, mam yãnda rũng a to sẽn yi tẽnga pʋgẽ. A ra tara yɩɩl a yiib sẽn wẽnd wa pe-bil yɩɩla, la a rag n gomda wa wag‑bɛɛgã. Yẽnda rag n tʋmda ne pipi rũngã pãn-tõogã fãa a nifẽ, la a kɩtame tɩ tẽngã ne nebã sẽn be a zugã wõgemded pipi rũngã sẽn dag n paam sãmpog-kʋʋdg tɩ maagã taoore.