Sõdbo 36
36
A Selofaad kom-pugli wã pʋɩɩre
1A Manaase biig a Makɩɩr biig a Galaad roogã taoor-dãmbã sẽn yaa a Zozɛf yagensã, waa a Moyiis ne Israyɛll kãsem-dãmbã nengẽ n yeel-b yaa: 2#Sõd 27.7«Sẽn-Ka-Saab kɩtame tɩ yãmb maan poeer n pʋɩ tẽngã n kõ Israyɛll buudã. La b leb n kõo yãmb noor tɩ y rɩk tõnd saam-biig a Selofaad pʋɩɩrã n kõ a kom-pugli wã. 3Dẽ, bãmb sã n kẽ kãadem ne Israyɛll buud a to neda, b na n welga bãmb pʋɩɩr toor ne tõnd ba-rãmbã pʋɩɩre, n paas buud ning bãmb sẽn tɩ naagã pʋɩɩre. Woto na n booga poeerã sẽn n kõ tõnd pʋɩɩr ningã. 4La Israyɛll nebã yʋʋm pis-nu tigrã sã n wa ta, b na n dɩka bãmb pʋɩɩrã n paas buud ning sẽn na n soog bãmbã pʋɩɩre. Dẽ, tõnd ba-rãmbã pʋɩɩr na n boogame.» 5Dẽ, a Moyiis togsa Israyɛll nebã Sẽn-Ka-Saab sẽn wilg bũmb ninsã, n yeel-b yaa: 6«Ade, a Zozɛf yagensã tara bʋʋm, la ad Sẽn-Ka-Saab koɛɛg a Selofaad kom-pugli wã yĩnga: bãmb tõe n kẽe kãadem ne ned ninga b sẽn date, la yaa tɩ tog n yɩɩ bãmb ba wã buud pʋga. 7B ka tog n dɩk Israyɛll buud a ye pʋɩɩr n kõ buud a to ye. Israyɛll buud fãa tog n sooga a ba-rãmb pʋɩɩre. 8Bi-pugl sã n tar pʋɩɩr Israyɛll buudã pʋgẽ, a tog n kẽe kãadem ne a ba wã buudã neda, sẽn na n yɩlẽ tɩ Israyɛll ned fãa kell n soog a ba-rãmb pʋɩɩre. 9B ka tog n dɩk Israyɛll buud a ye pʋɩɩr n kõ buud a to ye. Israyɛll buud fãa tog n sooga a ba-rãmb pʋɩɩre.» 10Dẽ, a Selofaad kom-pugli wã maana wa Sẽn-Ka-Saab sẽn wilg a Moyiisã. 11A Selofaad kom-pugli wã, a Mala, a Tɩrsa, a Hogla, a Milka, ne a Noa kẽe kãadem ne b ba wã saam-biis kom-dibli. 12Bãmb kẽe kãadem ne a Zozɛf biig a Manaase yagensã. Dẽ, bãmb pʋɩɩrã paa b ba wã buud pʋgẽ. 13Woto n yɩ tõod la noy nins Sẽn-Ka-Saab sẽn kõ a Moyiis t'a kõ Israyɛll nebã, Moaab weoogã pʋgẽ, Zʋrdẽ kʋɩlgã noor sẽn teesd Zeeriko wã.
Currently Selected:
Sõdbo 36: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
