A Zeremi 6
6
Toog n wat Zeruzalɛm zugu
1Benzame buudu, zoe-y n yi-y Zeruzalɛm!
Tɩ bao-y zĩig n soonde!
Peeb-y baorg Tekoa.
Zẽk-y tãb-kaoor Bet-Hakerɛm pʋgẽ!
Bala, toog yita wĩndg sẽn lʋɩtẽ dɩtg n watẽ,
na n yɩɩ sãoon-kãsenga!
2Sɩyõ yaa tẽn-neer n tar da-sãnd tɩ b nong-a,
la mam na n sãam-a lame!
3Nanambs na n kẽnga be ne b tãb-biisi,
wa pe-kɩɩmb sẽn peegd b rũms
n na n tɩ wãbnege.
Bãmb tilga b fu-rot n gũbg-a n dat n zab ne-a.
Bãmb ned kam fãa na n sãama zĩig
ning sẽn be-a taoore.
4Bãmb na n yeelame:
«Sũ-y tãp n tɩ zab ne-a!
D tɩ zab ne-a wĩnto-sʋka!
Toog paama tõndo!
Wĩndg kẽedame, la zaabr maasem sigdame.
5Wa-y tɩ d tɩ zab ne-a yʋngo,
d tɩ sãam Zeruzalɛm do-neebã.»
Keoogre
6Saasẽ-Pãng-Soabã yetame:
«Kɛ-y raado.
Zam-y tãnd n gilg Zeruzalɛm lalgã n zab ne-a.
Tẽngã zemsa sɩbgre.
B namsda neb wʋsg a pʋgẽ.
7Wa bulg koom sẽn bund to-to wã,
tẽngã neb maanda wẽng wakat fãa.
B wʋmda b sẽn maand neb wẽng rãamde,
la sãoong bʋrg a pʋgẽ.
Mam nee toog ne sãmpoag wakat fãa.
8Zeruzalɛm nebã, gũus-y y meng neere,
tɩ mam da wa bas yãmb n kɩt tɩ y tẽngã
lebg raboogo,
tɩ ned ka leb n tõe n zĩnd a pʋgẽ ye!»
Neb sẽn yaa tʋb-pa-wʋmdba
9Saasẽ-Pãng-Soabã yetame:
«B na n yiisa Israyɛll bu-kellã wa b
sẽn yiisd reezẽ.
Saag-y-yã-a zãng wa reezẽ-woabd
sẽn wobd reezẽ reezẽ tɩɩg zugu.»
10Ãnda la mam na n gom ne?
Ãnda n na n yɩ mam kaset soab tɩ b sak n kelge?
Ade, bãmb yẽda b tʋb n ka rat n wʋm ye.
Sẽn-Ka-Saab goamã yaa wa laad bãmb yĩnga.
Bãmb ka nong n wʋm-a ye.
11Sẽn-Ka-Saab sũ-puugrã reeg n tara maam,
hal tɩ m ya n yɛ n ka tõe n gɩdg-a ye.
Sẽn-Ka-Saab yetame:
«Bas tɩ sũ-puugrã nams kambã soayã zutu,
la a nams ra-sãmbã b tiging zĩisẽ.
B na n yõga pagbã ne raopã,
la nin-kẽembã ne nin-kẽem-kulkuudã
me n tall n looge.
12Mam sã n wa tẽeg m nugã n sɩbg tẽngã nebã,
bãmb dotã ne b pʋtã la b pagb na n lebga
neb a taab rẽnda.
Maam a Sẽn-Ka-Saab n yeele.
13Bala, kom-bãoonegã ne nin-kẽembã
fãa baooda b mens nafr bala.
No-rɛɛsdbã ne maan-kʋʋdbã
fãa yagda zĩrẽ.
14 #
Eze 13.10
Bãmb ka tɩpd mam nebã poglg sõama ye.
B yetame tɩ laafɩ beeme,
tɩ laafɩ yaool n ka be ye.
15 #
Zer 8.10-12
Bãmb sẽn maan yel-beedã yãnd tar-b lame bɩ?
Baa bilfu!
Bãmb ka mi yãn-zoeer ye.
Woto yĩnga, bãmb na n naaga
neb nins sẽn lʋɩtã n lʋɩ.
Mam sã n wa sɩbg-ba, b na n lʋɩɩme.
Maam a Sẽn-Ka-Saab n yeele.
16Ade, Sẽn-Ka-Saab yetame:
«Yaas-y soayã zut n gese,
Sok n bãng kʋdem-wẽndẽ soayã sẽn beẽ.
Sok-y n bãng-y so-sõngã sẽn beẽ.
Tũ-y so-kãng tɩ y na n vɩɩmda bãane.»
La nebã yeelame: «Tõnd ka na n tũ so-kãng ye.»
17Sẽn-Ka-Saab yetame:
Mam yãka gũudb yãmb yĩnga,
n yeel-b tɩ b maan gũusg tɩ baorgã peebg
ra wa ling-b ye.
La bãmb yeelame:
«Tõnd ka na n gũus ye.»
18Buud a taabã, kelg-y-yã!
Yãmb fãa sẽn tigmã, bãng-y bũmb
ning sẽn na n paam bãmbã.
19Dũni rãmba, kelg-y-yã!
Mam na n kɩtame tɩ toog paam nin-kãense.
Na n yɩ b tags-wẽnsã biisi.
Bala, bãmb ka kelg mam goamã ye.
Bãmb zãgsa m tõodã.
20Wisd sẽn yit Seba yõod ne maam yaa bõe?
Parfẽ sẽn yit zĩ-zãrsẽ yõod ne maam yaa bõe?
Mam ka na n deeg y maand sẽn yõogd bugmã ye.
Y maandã ka noom maam ye.
21Woto yĩnga, maam a Sẽn-Ka-Saab yetame:
mam na n ninga bõn-lakdg bãmb taoore,
tɩ ned ne a biiga, ned ne a yaka,
la ned ne a zoa lak n lʋɩ,
la bãmb fãa na n sãamame.»
22Sẽn-Ka-Saab yetame:
«Ade, neb n yit tẽng ning sẽn be rɩtgã n watẽ.
Bu-kãseng n yit dũniyã kɩremsã n watẽ.
23Bãmb zãeesda b tãbdo, la b zãad kãna,
Bãmb yaa nin-toos sẽn ka tar nimbãan-zoeer ye.
Bãmb bʋrgã wẽnda ko-kãsengã bʋrgo.
Bãmb zomba wiidi,
bãmb tonga taab wa nin-yende,
n wat n na n zab ne foom a Sɩyõ tẽn-neerã.
24Tõnd wʋma kibarã,
la tõnd gĩin maagame.
Sũ-sãang yõka tõndo.
Toog paama tõnd wa pag sẽn kũmd dogem.
25Ra-y yi-y n kẽng-y pʋtẽ,
la y ra kẽng soayã zut me ye.
Bala, y bɛ wã bee be ne zabr sʋʋse.
Zĩigã fãa yaa pelen-yɩgre.
26Mam nebã, sẽgen-y boto,
la y bilim tompeglmẽ.
Yãb-y ne sũ-sãang wa ned
sẽn yãbd a bi-yɛng kũum.
Yãb-y n wiis-y-yã, bala, sãamdã watame,
a na n wa linga tõnd n zab ne-do.»
Tõatb meng-menga
27Mam yãka foom a Zeremi,
tɩ f yɩ soab ning sẽn na n mak mam nebã,
tɩ fo tõe n mak-ba,
n bãng b sẽn yaa neb ninsi,
la f mak-b n bãng b yel-manesmã
sẽn yaa-a soaba.
28Bãmb fãa yaa tõatb meng-menga,
la tẽn-kãn-nebã.
Bãmb sũyã yaa wa zũudu, la wa kutu.
B fãa yaa sãamdba.
29Zugdã zugame tɩ wɩng wʋsgo,
tɩ bugmã na n kɩt tɩ namdã meneme,
la a zugbã yaa zaalem bala.
30B na n boola bãmb tɩ
«wanzuri b sẽn lobe.»
Bala, maam a Sẽn-Ka-Saab zãgs-b lame.
Currently Selected:
A Zeremi 6: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
