A Zeremi 5
5
Tʋʋm-wẽns sẽn pid Zeruzalɛm
1Saag-y Zeruzalɛm soayã zutu.
Kẽng-y raasã pʋs n tɩ ges neere,
la y sok n gese,
y na n yãnda ned sẽn maand tɩrga,
la sẽn baood tɩ maan sɩda.
Yãmb sã n yãnd ned a woto,
mam na n kõo Zeruzalɛm nebã sugri.
2Baa bãmb sã n yeele:
«D wẽenda ne Sẽn-Ka-Saab
sẽn vɩ wã yʋʋre,»
yaa zĩrẽ-be-wẽeneg la bãmb wẽenda.
3Sẽn-Ka-Saabo, rẽ yĩnga, ka pʋ-peelem
dãmb la yãmb baood sɩda?
Yãmb wẽ-b lame la ka zab bãmb ye.
Yãmb dag n dat n sãam-b lame,
la b ka sak n deeg remsg ye.
Bãmb kenga b nens n yɩɩg pĩig kugri.
Bãmb ka sak n na n lebg n wa yãmb nengẽ ye.
4Mam dag n yetame tɩ b yaa naong rãmb bala.
Bãmb maanda wa neb sẽn ka tar yam.
Bãmb ka mi Sẽn-Ka-Saab raabã,
la b ka mi b Wẽnnaamã tɩrlem bʋ-kaoorã ye.
5Mam na n kẽnga nin-kãsemsã nengẽ,
n tɩ gom ne-ba,
bala, bãmb n mi Sẽn-Ka-Saab raabã,
bãmb n mi b Wẽnnaamã tɩrlem bʋ-kaoorã.
La bãmb fãa yaa a yembre:
Bãmb kaoo yubl balgrã,
bãmb kaoo loeesã,
bãmb basa Wẽnnaam.
6Rẽ kɩtame tɩ bɛɛbã na n yi wa gɩgemd
sẽn yi kãgrẽ n zab ne-ba,
wa tẽn-nabd-koɛɛngẽ digd-n-yĩidga,
n zendem bãmba.
Bɛɛbã na n sora bãmb tẽmsã noy wa ãbga,
n yõgd neb nins fãa sẽn yit-b beenẽ
wã n zendemdẽ.
Bala, bãmb beegrã yaa wʋsgo,
la b kɩɩsgã tara yãngr bala.
7Sẽn-Ka-Saab yetame:
«Zeruzalɛm nebã, bõn-kãng yĩng
la m na n kõ-y sugr bɩ?
Yãmb kambã basa maam,
n wẽend ne bõn-zaals sẽn ka Wẽnnaam ye.
Mam dag n kõo bãmb bũmb fãa tɩ seke,
la bãmb baas n maana yoobo.
Bãmb wẽdgda taab pʋg-yoaadb rotẽ.
8Bãmb wẽnda wa wed-nobdse,
tɩ b ned kam fãa yãbd n pʋgd a to paga.»
9Maam a Sẽn-Ka-Saab yetame:
«Mam ka tog n sɩbg neb a woto buud sɩda?
Mam ka tog n dok m sũur ne buud
a woto sɩda?
10Rʋ-y b lalsã n kẽ n sãam b reezẽ tɩɩsã pʋto,
la y ra sãam-b zãng ye.
Kɛ-y b wilã, bala, bãmb ka maam
a Sẽn-Ka-Saab rẽnd ye.
11Bala, Israyɛll ne Zʋʋda nebã,
zãmba maam zãnga.»
Maam a Sẽn-Ka-Saab n yeele.
12Bãmb kɩɩsame tɩ b ka mi Sẽn-Ka-Saab ye.
Bãmb yeelame:
«Sẽn-Ka-Saab ka tõe n maan fɩ ye.
Toog ka na n paam tõnd ye.
Tõnd ka na n yãnd zabr bɩ kom ye!
13No-rɛɛsdbã yaa sobg bala.
Bãmb ka tar Sẽn-Ka-Saab gomd ye.»
14Woto yĩnga, Sẽn-Ka-Saab sẽn yaa Saasẽ-Pãng-Soab a Wẽnnaamã
yetame: «Yãmb sẽn gom a woto wã yĩnga,
ad bũmb ning sẽn na n paam yãmba:
Mam na n ninga m goamã fo noorẽ
tɩ b yɩ wa bugum,
la nin-kãensã na n yɩɩ wa raad tɩ bugmã rɩ-ba.»
15Maam a Sẽn-Ka-Saab yetame:
«Israyɛll nebã, ade, mam na n kɩtame
tɩ buud sẽn yit zĩ-zãrgẽ wa zab ne-yã.
Yaa buud sẽn tar pãng hal kʋdem-wẽndẽ.
Yãmb ka mi b buudã sẽn gomd gomd ning ye,
yãmb ka na n wʋm b sẽn gomdã võor me ye.
16Bãmb logdã kʋʋdame.
Bãmb fãa yaa gãndaado.
17Bãmb na n dɩ y koodã ne y rɩɩbã.
Bãmb na n sãama y kambã ne y piisã la y niigã.
B na n dɩ y reezẽ tɩɩsã ne y kankamsã fãa.
B na n sãama y tẽms nins y sẽn teegã,
y tẽms nins sẽn gũbg ne lalsã.»
18La maam a Sẽn-Ka-Saab yetame tɩ baa ne wakat-kãnga, m ka na n sãam-y zãng ye. 19B sã n sok tɩ yaa bõe tɩ Sẽn-Ka-Saab sẽn yaa bãmb Wẽnnaamã maand bãmb woto fãa, bɩ f leok-b tɩ Sẽn-Ka-Saab yetame: «Yãmb sẽn bas maam n tũ bu-zẽms wẽnnaam-dãmb y tẽngã pʋgẽ wã yĩnga, woto me, bu-zẽmsã na n sooga yãmb tẽng a to sẽn ka yãmb dẽnd pʋgẽ.»
Nebã kɩɩsa Wẽnnaam
20Togs-y-yã a Zakoob buudã koe-kãngã,
la y taas-a Zʋʋda nebã.
Yeel-b tɩ maam a Sẽn-Ka-Saab yetame yaa:
21 #
Eza 6.9,10, Eze 12.2, Mark 8.18 «Kelg-y-yã! Yalemb sẽn ka tar bãngre,
yãmb tara nini, la y ka ne ye.
Yãmb tara tʋba, la y ka wʋmd ye.»
22 #
Zoob 38.8-11
Maam a Sẽn-Ka-Saab sokdame yaa:
«Bõe yĩng tɩ y ka zoet-ma,
la y ka rigd ne rabeem m taoore?
Ka maam n ning bĩisrã ko-kãsengã
noor t'a yɩ a toadg wakat fãa la?
Baa ko-wĩisã sã n lengdẽ, b ka tar pãng ne-a ye.
La baa b sã n guglumdẽ, b ka tõe n gãndg-a ye.
23Nin-bãmbã yaa sũ-keen-nebã, la tõatba.
Bãmb wẽnemd n basa maam n looge.»
24Bãmb ka yete:
«Wa-y tɩ d zoe Sẽn-Ka-Saab
sẽn yaa tõnd Wẽnnaamã,
bala, bãmb n kõt tõnd sigr saag
ne yaoolem saaga,
la b kõt-d bõn-bɩʋʋng fãa wã» ye.
25Yaa yãmb kongrã n kɩt tɩ bõn-kãens vaale.
Yaa y yel-wẽnã n gɩdg tɩ y ka paam naar ye.
26Bala, nin-wẽns n be m nebã sʋka.
Bãmb sora wa ned sẽn bẽd tãoog
n na n yõk liuula.
Bãmb gãnega gãmbr n yõgd ninsaalba.
27Wa ko-yong sẽn pid ne liuuli to-to wã,
woto me, bãmb dotã pida ne zãmbo.
Bãmb maanda a woto n lebgd nin-kãsemse,
la arzegs-rãmba.
28Bãmb nobame tɩ b nens põeeda.
Bãmb maanda wẽng hal tɩ loog nugu.
Bãmb ka kaood bʋʋd wa sẽn zems ye.
Bãmb ka kaood kɩɩbs bʋʋd tɩrg ye.
Bãmb maanda a woto n tɩlgdẽ.
Bãmb toog ka be ne naong rãmb
bʋʋd zĩigẽ ye.
29Mam kõn sɩbg nin-bãmbã buud sɩda?
Mam kõn dok m sũur ne bu-kãngã sɩda?
Maam a Sẽn-Ka-Saab n yeele.
30Bũmb ning sẽn maand tẽngã pʋgẽ wã
sãamda sũuri, a yaa wẽng wʋsgo.
31No-rɛɛsdbã yagda zĩrẽ,
la maan-kʋʋdbã maanda b sẽn date,
tɩ mam nebã me nong rẽnda.
La yãmb na n maana bõe
bõn-kãens loogr zugẽ?
Currently Selected:
A Zeremi 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
