A Zeremi 47
47
Sẽn-Ka-Saab koɛɛg Filistẽ-dãmbã yĩnga
1 #
Eza 14.29-31, Eze 25.15-17, Zow 4.4-8, Amo 1.6-8, Sof 2.4-7, Zaka 9.5-7 Ad goam nins Sẽn-Ka-Saab sẽn yeel b no-rɛɛs a Zeremi Filistẽ-dãmbã wɛɛngẽ, sẽn deng Faarõ sẽn na n sãam Gaaza wã:
2Sẽn-Ka-Saab yetame:
Ade, koom zẽka wĩntoog sẽn lʋɩtẽ
dɩtg tẽngã sẽnẽ,
a lebga ko-zoetem sẽn tar pãnga.
A fõtame n limd tẽngã ne bũmb nins fãa
sẽn be a pʋgẽ wã,
a lima tẽngã ne a nebã fãa.
Nebã kelemdame,
tẽngã nebã fãa wiisdame,
3bãmb sẽn wʋmd wiidã naobend rãamde,
la saar-dãmbã nao rãamdã yĩnga.
Ba-rãmb ka wẽnemded b poorẽ
n na n peeg b kamb ye,
bala, b fãa raood boogame.
4Filisti tẽngã gill fãa sãoong taame.
Yaa daar b sẽn na n sãam neb nins
sẽn be Tɩɩr ne Sɩdõ n sõngdẽ wã,
bala Sẽn-Ka-Saab wãa Filisti,
ne Kaftoor sẽn yaa tẽng koom
sẽn gũbgã.
5B kõoga Gaaza t'a lebg zĩ-peelle.
B ka leb n wʋmd ned rãamd
Askelon pʋgẽ ye,
neb nins sẽn dag n ket tẽn-nabdrẽ
wã me ka leb n be ye.
Yãmb na n boga y mens
hal tɩ ta dabʋre?
6Kayto! Sẽn-Ka-Saab sʋʋga,
fo na n vargame n tɩ tek zĩ-bʋg
n ka tol n vʋʋse?
Leb f wʋʋgẽ,
pa be n vʋʋs la f bas woto.
7La f na n yɩ a wãn n vʋʋse?
Yaa Sẽn-Ka-Saab n kõ-a noor
t'a kẽng Askelon ne ko-kãsengã sẽnẽ!
Yaa beenẽ la b yeel-a t'a teese!
Currently Selected:
A Zeremi 47: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
