Ebre‑rãmba 9
9
1Pipi kaoolã me dag n tara a tõod sẽn kẽed ne kaorengã la a wẽnd doogã sẽn yaa tẽng zug bũmbã yelle. 2#Yik 26.1-30, Yik 25.31-40, Yik 25.23-30Sɩd me, b dag n tilga wẽnd doogo. A pipi pʋgã pʋgẽ, b sẽn boond tɩ zĩ-sõngã, fɩtl-doagendga la taabl ne burã b sẽn kõ Wẽnnaamã n dag n be be. 3#Yik 26.31-33La fu-lilldig a yiib soabã poore, zĩig ning sẽn yaa sõama fasɩ wã da bee be. 4#Yik 30.1-6, Yik 25.10-16, Yik 16.33, Sõd 17.23-25, Yik 25.16, Tõ 10.3-5Tɩdar yõogr zĩig sẽn yaa sãnem ne kaoolã koglg sẽn lud zãng ne sãnem, tɩ sãnem tʋkã mandã sẽn be a pʋgẽ wã, n paas a Aarõ rasaar ning sẽn da ning-a puudã, la kaoolã kug-wals be a pʋgẽ wã bee be. 5#Yik 25.18-22Kãabg koglgã zugu, Serubẽ-rãmb sẽn tar ziir n be be, tɩ b maasmã lut sugr kũunã zĩiga.#9.5 Sugr kũun zĩiga: Dag n yaa kãabg koglgã sẽn dag n be maan-kʋʋrã zĩigẽ wẽnd doogã pʋgẽ wã limdã la b boond tɩ sugr kũun zĩiga. D ka na n yals n wegs a yellã n gom moasã ye. 6#Sõd 18.2-6Bũmb fãa sẽn tar a zĩig woto wã, maan-kʋʋdbã kẽeda wẽnd doogã pipi ro-pʋgẽ wã, wakat ning fãa b sẽn tʋmd kaorengã tʋʋmã. 7#Mk 16.2-34La ro-pʋg a yiib soabã pʋgẽ, yaa maan-kʋʋd kãsmã bal n kẽed be vugr yʋʋmde. La a ka kẽed be tɩ ka ne zɩɩm a sẽn wat ne a meng yĩnga la soolmã nebã yĩng ye. 8Ne bõn-kãnga, Sɩɩg-sõng wilgame tɩ sor dag n nan ka pak tɩ nebã tõe n kẽ zĩig sẽn welg toor fasɩ wã pʋgẽ, wakat ning tɛk pipi wẽnd doogã sẽn ket n be wã ye. 9A yaa mamsg sẽn wilgd bũmb ning sẽn be moasã wã. A wilgdame tɩ ne ned ning sẽn pʋʋsd-a Wẽnnaamã sũ-bãngre, kũunã ne maandã sẽn kʋʋdã ka kɩtd tɩ ned zems zãng ye. 10Tõ-kãensã yaa yĩng yell tõodo, sẽn kẽed ne rɩɩbo, la bõn-yũudlɩ, la pegsg buud toay-toay yelle, tɩ ya tɩlɛ tɩ nebã tũ hal tɩ ta tedgr wakate. 11La Kirisã waame n yaa bõn‑sõamã nins sẽn watã maan-kʋʋd kãsma. Bãmb pɩʋʋga wẽnd doog sẽn yaa kãsenga la sẽn zems zãng n yɩɩd pĩnd soabã: ro-kãng ka ninsaal nug n me ye, dat n yeelame t'a ka me ne bũmb nins sẽn naan tɩ tõnd neẽ wã ye. 12Ro-kãng la bãmb pɩʋʋg n kẽ zĩig sẽn welg toor sẽn yɩɩd fãa wã pʋgẽ vugr bal wakat fãa yĩnga. Bãmb ka kẽ be ne boees bɩ nag-bi zɩɩm ye, yaa ne b mengã zɩɩm. Yɩɩ woto la b fãag tõnd ne fãagr sẽn paad wakat sẽn kõn sa. 13#Mk 16.15,16, Sõd 19.9,17-19Bala, boeesã ne lolsã zɩɩm, la nag-sadg tompeglem b sẽn yugl neb nins sẽn dẽgmã sã n manegda bãmba, n yɩlgd bãmb yĩnsã, 14Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.
15Rẽnda n kɩt tɩ Kirisã ya kaool‑paalgã sɛ-yõakda, tɩ ne kũum ning sẽn ki tɩ beegr nins sẽn beeg pipi kaoolã pʋgẽ wã na paam sugrã, neb nins b sẽn boolã paama kãabg tɩ b na n paama pʋɩɩr sẽn paad wakat sẽn kõn sa. 16Bala, ned sã n bas koɛɛg a kũum poor yĩnga, rẽndame tɩ b sɩd yã t'a soabã kiime. 17Sɩd me, koɛɛg kũum poor yĩng ka tar yõodo, sã n ka a soabã kũum poor ye. Bala, a soabã sã n ket n vɩ, gomdã ka tõe n maan bũmb ye. 18Rẽnda n kɩt tɩ pipi kaoolã ka sɩng tɩ ka yɩ ne zɩɩm daagr ye. 19#Yik 24.6-8Sɩd me, a Moyiis sẽn wilg nebã fãa Wẽnnaam yeelsmã fãa yembr-yembr wa tõogã sẽn yetã, a rɩka nag-bi ne boeese, la koom, la pe-kõbd sẽn ning monem, la izop n mes sebrã menga, la nebã fãa n yeele:
20Woto yaa kaool ning Wẽnnaam
sẽn yeel tɩ y maanã zɩɩm.
21 #
Mk 8.15
A mesa wẽnd doogã la kaorengã teedã fãa ne zɩɩmã a woto me. 22#Mk 17.11Sã n yaa ne tõogã, yaa ne zɩɩm la sẽn kolg bũmbã fãa lebgd yɩlemde. La zɩɩm sã n ka raage, sugr ka be ye.
Kiris yɩɩ maoong n yiis yel-wẽnã
23Dẽ, dag n yaa tɩlɛ tɩ kɩreng a yembre, bũmb nins sẽn mamsd sẽn be-b arzãnã paam yɩlgr a woto, la kɩreng a to me, arzãn bũmbã sẽn yaa sɩd-sɩdã me paam yɩlgr ne maoong sẽn yaa sõama n yɩɩda. 24Bala, Kiris ka kẽ manegr doog ning neb nus sẽn ti n mams a meng-mengã ye, la yaa arzãna, n na n yals Wẽnnaam taoor moasã tõnd yĩnga. 25Bãmb ka kẽ be n na n maand b meng maoong naoor wʋsg wa maan-kʋʋd kãsmã sẽn kẽed manegr doogẽ wã yʋʋmd fãa ne bũmb a to zɩɩmã ye. 26Bala, sã n da yaa a woto, Kiris rag n na n namsẽ‑la naoor wʋsg dũni naaneg tɛk tɩ ta moasã. La moasã sẽn yaa yaoolem wakatã, bãmb puka vugr bala, n na n sãam yel-wẽnã ne b meng sẽn yɩ maoongã pãnga. 27A wa a sẽn be ned fãa zug tɩ ki vugr bala (la kũumã poore, bʋʋd n watã), 28#Eza 53.12woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.
Currently Selected:
Ebre‑rãmba 9: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
