Ebre‑rãmba 10
10
1Sɩda, bũmb nins sẽn be tõogã pʋgẽ wã yaa arzãn yɛlã mamsg bala, la ka b wẽneg kɛpɩ ye. Rẽ n kɩt tɩ ne maand nins b sẽn maand n ka basdẽ, yʋʋmd fãa tɩ b fãa wẽnd taabã, tõogã yɛlã ka tõe tɩ neb nins sẽn tũud so-kãng n kolgd Wẽnnaamã zems zãng ye. 2Sã n kaẽ dẽ, b dag n kõn bas maoongã maaneg sɩda? Bala, neb nins sẽn maand karen‑kãngã rag n na n paamẽ‑la yɩlgr vugr bal wakat fãa yĩnga, la b sũ-bãngrã dag n ka na n leb n tẽegẽ bãmb b yel-wẽnã ye. 3La ne maan-kãens b sẽn maandã, b tẽegda yel-wẽnã yʋʋmd fãa. 4Bala, lolsã ne boeesã zɩɩm ka tõe n yiis yel-wẽn lae-lae. 5#Yɩɩn 40.7-9Rẽndã kɩt tɩ Kirisã sẽn wa n wat dũni wã, b yeelame yaa:
Yãmb dag n ka rat maoong wall kũun ye,
la yãmb maana yĩng n kõ maam.
6Yãmb ka reeg maoong sẽn yõogd bugum tẽn-kugr zugu,
wall maoong yel-wẽnã yĩng ye.
7Dẽ, mam yeelame yaa:
«Wẽnnaam, ad mam watame n na n maan y raabo.
Seb-pindgã pʋgẽ, b gʋlsame n gom mam yelle.»
8Bãmb deng n yeelame yaa:
«Yãmb dag n ka rata, la y ka reeg maando,
wall kũuni, wall maand
sẽn yõogd bugum ye.»
Tɩ b yaool n maand bõn-kãens wa tõogã sẽn yetã. 9La b yeelame yɛs tɩ:
«Ad mam watame n na n maan y raabo.»
Dat n togs tɩ bãmb menesda pipi manesmã n na n wa ne manesem a yiib soabã. 10Yaa Wẽnnaam daab‑kãng maasem yĩng la tõnd paam welgr n lebg toore, a Zeezi Kiris sẽn kõ b meng vugr tãa wakat fãa yĩngã yĩnga. 11#Yik 29.38Maan-kʋʋd fãa kẽngda a tʋʋmd zĩigẽ, n tɩ maan a tʋʋmde, tɩ naoor wʋsgo, b maanda maoon-yɛngã bala, maand sẽn ka tol n tõe n yiis yel-wẽnã. 12#Yɩɩn 110.1La a Zeezi sẽn maan maoong a yembr tãa yel-wẽnã yĩng n sa wã, b zĩnda Wẽnnaam dɩtgo, wakat sẽn ka saab yĩnga. 13La moasã, b gũudame n na n paam b bɛɛbã n tab n zĩẽ. 14Bala, ne kũun a yembr tãa bala, b kɩtame tɩ neb nins sẽn welg toorã zems zãnga. 15Sɩɩg-sõng kɩta tõnd bõn-kãng kaset me. Bala bãmb sẽn yeel tɩ:
16«#Zer 31.33Zu-soabã yetame yaa:
Ad kaool ning mam sẽn na n maan
ne bãmb ra-kãens loogr zugẽ.
Mam na n ninga m tõodã b sũyẽ wã,
la m na n gʋls-b-la b yamẽ wã.»
B paasa gomd n yeele:
17 #
Zer 31.34
«La mam ka na n leb n tẽeg b yel-wẽnã
wall b tʋʋm wẽnsã yell ye.»
18La zĩig ning yel-wẽnã sugr sẽn paame, maoong ka leb n maand yel-wẽnd yĩng ye.
19Woto yĩnga m ba-biisi, tõnd mii hakɩɩk tɩ d tara noor tɩ kẽ manegr doogẽ wã, a Zeezi zɩɩmã maasem yĩnga. 20A Zeezi meng n yɩ pipi n kẽ be n tuk sor tõnd yĩnga, wa so-paalg sẽn vɩ n pɩʋʋgd fu-lilldgã, sẽn dat n togs tɩ bãmb mengã yĩngã. 21La tõnd tara maan-kʋʋd kãsem sẽn so Wẽnnaam yirã. 22#Mk 8.30, Eze 36.25Woto yĩnga, bɩ d kolg bãmb ne sũur sẽn yaa sɩda, ne tẽeb zãnga, ne sũur sẽn yɩlge tɩ d sũur ka kaood d bʋʋd ye, la ne yĩng sẽn paam soob ne ko-yɩlgemde. 23Bɩ d wilg d tẽebã n da sãmb ye, bala soab ning sẽn kãab-a tõndã pidsda b kãabgo. 24Bɩ d ges taab yelle, tɩ d tõe n nek taab ratem tɩ nong taaba la maan tʋʋm-sõamyã. 25Bɩ d da bas d wẽnd doogã wa neb kẽer sẽn minim n maandẽ wã ye. Bɩ d sagl taaba, n sagl taab n yɩɩda, yãmb sẽn ne tɩ daarã kolgdame wã yĩnga.
Saglgo, tɩ da maan yel-wẽnã ne yamleoog ye
26Bala, tõnd sã n bãng sɩdã n yaool n maan yel-wẽn ne yamleoogo, maoong ka leb n ket yel-wẽnã yĩng ye. 27#Eza 26.11La bũmb ning sẽn keta, yaa tɩ gũ bʋʋdo la bugum sẽn segl n na n dɩ kɩɩsdbã, la rẽ bee rabeem. 28#Tõ 17.6, 19.15Ned sã n kɩɩs a Moyiis tõogã, b kʋʋda a soabã, neb a yiib bɩ a tãab sã n kɩs kaset t'a beegame, tɩ nimbãan-zoeer kaẽ ye. 29#Yik 24.8La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda? 30#Tõ 32.35, Tõ 32.36Bala, tõnd mii soab ning sẽn yeel-a tɩ:
Sũ-dokr yaa bãmb n so la bãmb n na n keo wã.
B leb n yeelame tɩ:
Zu-soabã na n bʋʋ b nebã bʋʋdo.
31Tɩ lʋɩ Wẽnnaam sẽn vɩ wã nugẽ yaa yell meng-menga!
32Tẽeg-y sɩngr wakatã yelle, wakat ning y sẽn paam namsg wʋsg tɩ yɩ maoor meng-menga, y sẽn paam vẽenemã zugẽ. 33B ninga yãmb yãnde, n nams yãmb nebã taoor tɩ b ges-yã, la yãmb paama yam a yembr me ne neb nins b sẽn namsd a woto wã. 34Sɩda, yãmb zoee bi-beesã nimbãanega, la yãmb saka ne sũ-noog tɩ b wʋk bũmb nins yãmb sẽn tarã, yãmb sẽn mi tɩ y tara paoong sẽn yaa sõama n yɩɩda, la sẽn ka loogdã yĩnga. 35Woto yĩnga, bɩ y ra bas pɛl-kɛgeng ning yãmb sẽn tarã la sẽn wat ne keoor sẽn yaa kãsengã ye. 36Yãmb sɩd tog n nanga pãnga, tɩ yãmb sẽn maan Wẽnnaam daabã, y na reeg bũmb ning b sẽn kãab yãmbã.
37 #
Hab 2.3,4 Bala, keta bilfu, bilf bala!
La sẽn tog n wa-a wã na n waame,
b ka na n kaoos n wa ye.
38La mam nin-tɩrg na n vɩɩ ne tẽebo,
la a sã n leb poorẽ,
mam sũur ka noom ne-a ye.
39La tõndo, tõnd ka be b rãmb sẽn foogd b mens n na n sãamã sʋk ye, tõnd bee b rãmb sẽn tẽed n na n põsã sʋka.
Currently Selected:
Ebre‑rãmba 10: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
