Ebre‑rãmba 8
8
Sɛk ro-paalga, la kaool-paalga
1 #
Yɩɩn 110.1
Ade, tõnd koɛɛgã d sẽn gomdã yẽgr la woto: Tõnd tara maan-kʋʋd kãsem sẽn zĩnd Wẽnnaam rĩungã geer dɩtgo, saasẽ. 2Bãmb la zĩ-sõngã sẽn yaa sɛk roog sɩd-sɩdã tʋmtʋmda. Yaa Zu-soabã n ti ro-kãngã, ka ninsaal ye. 3Sɩd me, ned ning fãa b sẽn yãk t'a lebg maan-kʋʋd kãsma, yaa sẽn na n deeg kũunã ne maandã n kõ Wẽnnaam. Dẽ, yaa tɩlɛ t'a paam bũmb sẽn na kõ. 4La bãmb sã n dag n beẽ tẽng zugu, b da pʋs n kõn yɩ maan-kʋʋd me wee! Bala neb a taab n be n kɩt Wẽnnaam kũunã wa sẽn zems tõogã sẽn yetã. 5#Yik 25.40Kaorengã bãmb sẽn maandã yaa bũmb ning sẽn maand arzãnã wẽnego, la a mamsgo, wa Wẽnnaam sẽn pĩnd n wilg a Moyiis wakat ning a sẽn dag n dat n ti sɛk roogã. Wẽnnaam yeel-a lame yaa:
Gese, fo na n maana bũmb fãa tɩ yɩ wa
b sẽn wilg foom tãngã zug tɩ f ges n maanã.
6Moasã wã, a Zeezi deega tʋʋmd sẽn yaa kãseng n yɩɩd rẽnda, hal n lebg kaool sẽn yaa-a sõama n yɩɩd pĩnd soabã sɛ-yõakda, la kaool‑kãng yẽbga kãabg sẽn ya sõmb n yɩɩd pĩnd dãmbã zutu. 7Sã n da mikame tɩ pipi kaoolã zemsa zãng fasɩ, da ka yɩtẽ tɩlɛ tɩ b bao kaool a yiib soab ye. 8#Zer 31.31-34Wẽnnaam goamã wilgame tɩ b lenga b nebã. B yeelame yaa:
Sɩd me, Zu-soabã yetame tɩ day n wate,
tɩ bãmb na n maan kaool-paalg
ne Israyɛll buudã la ne Zʋʋda buudã.
9Ka na n yɩ wa kaool ning
mam sẽn dag n maan ne b ba-rãmbã,
daar ning bãmb sẽn gãd b nus n tall-b
n yiis Ezɩptã ye.
Zu-soabã yeelame yaa:
Bãmb mensã sẽn ka modg ne mam kaoolã,
mam me ka ges b yell ye.
10Zu-soabã yeelame yaa:
Ad kaool ning mam sẽn na n maan ne Israyɛll buudã
da-kãsemsã loogr zugẽ:
Mam na n ninga m tõodã b yamẽ wã,
mam na n gʋls-b-la b sũyẽ wã.
Mam na n yɩɩ bãmb Wẽnnaam,
la bãmb na n yɩɩ mam nebã.
11Tẽngã pʋgẽ,
ned ba a yembr ka na n leb n zãms a to ye,
la ned kõn zãms a ba-biiga,
n yeel-a t'a bãng Zu-soabã ye.
Sɩda, b fãa na n bãnga maam,
sẽn sɩng ne sẽn yaa-a bilfu,
n yɩɩd bãmb sʋkã,
tɩ ta sẽn yaa-a kãseng n yɩɩdã.
12Bala, mam na n basa b ka-tɩrlmã taale,
la mam ka na n leb n tẽeg b yel-wẽnã yell ye.
13Wẽnnaam sẽn gomd kaool‑paalg yellã, b kɩtame tɩ dẽenem soabã lebg kʋdre. La bũmb sẽn yaa kʋdr kʋʋlame, n dat n meneme.
Currently Selected:
Ebre‑rãmba 8: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
