Ebre‑rãmba 4
4
1Woto yĩnga, kãabg tɩ paam vʋʋsg ning bãmb sẽn na n kõ wã sẽn ket n be wã, bɩ d maan yɛɛsg tɩ neb kẽer na n wa bas tɩ sãam n sa tɩ b yaool n watẽ. 2Bala, koe-noogã b sẽn moonã, yaa tõnd la bãmb me. La gomd ning b sẽn wʋmã ka zĩnd yõod ne-b ye, bala neb nins sẽn wʋm koɛɛgã ka reeg-a ne tẽeb ye. 3#Yɩɩn 95.11La tõnd dãmb sẽn tẽ wã, tõnd paamda vʋʋsg ning Wẽnnaam sẽn yeel tɩ:
Mam sũ-puugrã pʋgẽ,
mam wẽename n yeel tɩ hakɩɩka,
b kõn paam vʋʋsg ning
mam sẽn na n kõ wã ye.
Wẽnnaam tʋʋmã yaool n da maanda hal dũni naaneg wakate. 4#Sɩng 2.2Bala, zĩig a yembre, Wẽnnaam goma yopoe daarã yell n yeele:
La Wẽnnaam basa b tʋʋmã fãa yopoe daarã n vʋʋse.
5 #
Yɩɩn 95.11
La zĩ-kãngã yɛsa, b leb n yeelame:
Hakɩɩka, b ka na n paam vʋʋsg ning
mam sẽn na n kõ wã ye.
6Woto, sẽn yaa tɩ yaa neb kẽer n tar noor tɩ paam-a, tɩ neb nins sẽn yɩ-b pipi n deeg koe-noogã ka tõog n kẽ b ka-tẽebã yĩngã, 7#Yɩɩn 95.7,8Wẽnnaam leb n yãka daar a to yɛsa, sẽn yaa rũndã, n tũnug a Davɩɩd noor kaoosg pʋgẽ n yeel wa sẽn togs poorẽ wã yaa:
Rũndã, yãmb sã n wʋm bãmb koɛɛgã,
bɩ y da keng y sũyã ye.
8 #
Tõ 31.7, Zoz 22.4 Sɩd me, a Zozoe sã n da tõogame n kõ nebã vʋʋsgã, Wẽnnaam dag n ka na n gom vʋʋsg daar a to yell ye. 9Woto yĩnga, vʋʋsg daar a to n be Wẽnnaam nebã yĩnga. 10#Sɩng 2.2Bala, ned ning sẽn deegd vʋʋsg ning Wẽnnaam sẽn kõtã me basda a tʋʋmã n vʋʋsd wa Wẽnnaam sẽn bas b rẽnd n vʋʋsã.
11Bɩ d kẽ vʋʋs-kãng pʋgẽ tao-tao, tɩ ned baa a yembr da wa tũ kɩɩsgã mamsg n lʋɩ ye.
12Bala, Wẽnnaam goamã vɩɩme, la a tara tõogre, n saas sõama wa zabr sʋʋg sẽn tar noy a yiibu. A kẽedame, hal n tõe n welg vɩɩm ne Sɩɩg n bake, n welg kõb-sũgds ne sɩɩlem toay-toayã n bake. A yaa ninsaal sũur manesem la tagsg bʋ-kaooda. 13Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.
A Zeezi yaa maan-kʋʋr kãsma
14Tõnd sẽn tar maan-kʋʋr kãsem sẽn pɩʋʋg saasẽ, Wẽnnaam Bi-riblã yĩnga, bɩ d tall tẽeb ning tõnd sẽn tarã kãenkãe. 15Bala, tõnd ka tar maan-kʋʋd kãsem sẽn ka tõe n wʋm tõnd pãn-komsmã võor ye. Bãmb paama makr ne bũmb fãa wa tõndo, la b ka maan yel-wẽnd ye. 16Woto yĩnga, bɩ d kolg bark soab a Wẽnnaam geerã ne pɛl-kɛgenga, tɩ d tõe n paam tɩ b zoe d nimbãanega, la d zĩnd bark bãmb nifẽ, tɩ d tõe n paam sõngr wakat ning d sẽn tog n paame.
Currently Selected:
Ebre‑rãmba 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
