Ebre‑rãmba 3
3
Kiris yɩɩda a Moyiis ne a Zozoe
1Yaa woto yĩnga, m ba-biis sẽn welg toor Wẽnnaam yĩnga, la sẽn naag n paam Wẽnnaam boolgã, bɩ y ges a Zeezi sẽn yaa maan-kʋʋd kãsem Wẽnnaam sẽn tʋme, tõnd tẽebã tʋʋm pʋgẽ wã. 2#Sõd 12.7Bãmb maana sɩd ne a soab ning sẽn yãk bãmbã, wa a Moyiis sẽn maan sɩd ne Wẽnnaam wẽnd doogã pʋgẽ wã. 3Sɩd me, b gesame t'a Zeezi toga ne ziir sẽn yaa kãseng n yɩɩd a Moyiis dẽndã, wa ro-metã sẽn tog ne ziir n yɩɩd roogã mengã. 4Bala, roog fãa yaa ned n me, la soab ning sẽn me-a bũmb fãa wã yaa Wẽnnaam. 5Sã n yaa ne a Moyiisi, a maana sɩd ne bũmb fãa wẽnd doogẽ wã, n yɩ tʋmtʋmda, n na n kɩs bũmb ning b sẽn pĩnd n togs a yellã kaseto. 6La a Zeezi maanda sɩd ne wẽnd doogã, bãmb sẽn yaa Wẽnnaam Bi-riblã. Tõnd n yaa bãmb roogã, sã n yaa tɩ tõnd kell n talla raoodo, la saag-sõng ning tõnd sẽn yet tɩ d tarame wã kãenkãe hal tɩ ta wakat saabo.
Vʋʋsg Wẽnnaam nebã yĩnga
7 #
Yɩɩn 95.7-11
Rẽnda n kɩt t'a wa Sɩɩg-sõng sẽn yetã:
Rũndã, yãmb sã n wʋm bãmb koɛɛga,
8bɩ y ra keng y sũyã wa yãmb ba-rãmbã
sẽn maan kɩɩsgã wakate,
makrã wakat weoogẽ wã,
9zĩig ning bãmb sẽn mak maam n na n gese,
zĩig ning b sẽn yã tʋʋm nins
mam sẽn maanã yʋʋm pis-naasã ye.
10Rẽndã n kɩt tɩ mam sũur sãam
ne zamaan‑kãng nebã,
n yeel yaa: «Bãmb sũyã bʋdgda wakat fãa,
la b ka bãng mam sẽn datã ye.»
11La m sũ-puugrã pʋgẽ, mam wẽename n yeele:
«Hakɩɩka, b ka na n paam vʋʋsg ning
mam sẽn na n kõ-bã ye.»
12Dẽ yĩngã, m ba-biisi, gũus y mens tɩ ned baa a yembr yãmb sʋkã da tall sũur sẽn yaa wẽng la sẽn ka tẽeda, hal t'a wa wẽnemd n bas Wẽnnaam sẽn vɩ wã ye. 13Ayo! Wakat ning tɛk ned sẽn tõe n yeel tɩ ‹rũndã›, bɩ y sagl taaba, tɩ yel-wẽnã belgr da wa kɩt tɩ ned sũur riglim ye. 14Bala, b kɩtame tɩ tõnd lebg Kirisã tũud-n-taase, la yaa tõnd sẽn na n kell n tall d pipi pel-kɛgengã kãenkãe, 15#Yɩɩn 95.7,8wakat ning b sẽn yeel tɩ:
Rũndã, yãmb sã n wʋm bãmb koɛɛga,
bɩ y ra keng y sũyã
wa yãmb ba-rãmbã sẽn maan
kɩɩsgã wakatã ye.
16 #
Sõd 14.1-35
Yãmb sẽn gesã, yaa ãnda rãmb n wʋm Wẽnnaam koɛɛgã la b kell n bao Wẽnnaam noore, sã n ka neb nins a Moyiis sẽn tall n yiis Ezɩptã? 17La ãndã rãmb la Wẽnnaam sũur sãam ne yʋʋm pis-naasã, sã n ka b rãmb nins sẽn maan yel-wẽnã, b rãmb kũum sẽn pa weoogẽ wã? 18La yaa ãnda rãmb la Wẽnnaam kãab n yeel tɩ b kõn paam vʋʋsg ning bãmb sẽn na n kõ wã, sã n ka b rãmb nins sẽn kɩɩsã? 19Woto, tõnd yãame tɩ b ka tõog n kẽ be, b ka-tẽebã yĩnga.
Currently Selected:
Ebre‑rãmba 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
