Ebre‑rãmba 5
5
1Sɩd me, maan-kʋʋd kãsem fãa b sẽn yãk ninsaalb sʋkã, yaa t'a na tʋm Wẽnnaam tʋʋm ninsaalb sʋka, n maan yel-wẽnã sugr maoong n yõk Wẽnnaam sɛɛga. 2Yẽnda tõe n wʋma zɩtbã ne neb nins sẽn bʋdgã võore, bala yẽnda mengã bee pãn-komsem pʋgẽ. 3#Mk 9.7Yaa pãn-komsem‑kãng yĩng la yẽnda tog n maan yel-wẽnã sugr maand n yõk Wẽnnaam sɛɛg a mengã yĩnga, la nebã me yĩnga.
4 #
Yik 28.1
Ned baa a yembr ka tõe n bao waoogr n yik n kẽes a meng maan-kʋʋr kãoseng tʋʋmd pʋgẽ ye. Yaa Wẽnnaam n boond a soaba, wa b sẽn bool a Aarõ mengã. 5#Yɩɩn 2.7Woto me, ka Kiris n bao ziir‑kãng n lebg maan-kʋʋd kãsem ye. Yaa soab ning sẽn yeel-a tɩ:
«Fo yaa mam bi-ribla,
yaa maam n dog foom rũndã.»
6 #
Yɩɩn 110.4
n leb n yeel zĩig a to tɩ:
«Fo yaa maan-kʋʋd wakat sẽn kõn sa yĩnga,
wa sẽn zems a Melkisedɛk sẽn yaa to-to wã.»
7 #
Mat 26.36-46, Mark 14.32-42, Luk 22.39-46 Wakat ning a Zeezi sẽn dag n dɩk yĩngã, yaa bãmb n pʋʋs n kos Wẽnnaam ne kelemse, la ne nintãm. Bãmb pʋʋs n kosa a soab sẽn tõe n põsg bãmb ne kũumã. B paama leokre, b sõmblmã yĩnga, 8la baa ne bãmb sẽn yaa Wẽnnaam Bi-riblã, namsg ning bãmb sẽn namsã zãmsa bãmb sakre. 9La b sẽn wa n kɩt tɩ bãmb zems zãnga, bãmb waa ne fãagr sẽn kõn sa, neb nins fãa sẽn sakd bãmbã yĩnga. 10Wẽnnaam yeelame tɩ b Bi-riblã yaa maan-kʋʋd kãsem sẽn wẽnd a Melkisedɛke.
Saglgo, tɩ d kẽng taoor tẽebã pʋgẽ
11Tõnd tara bũmb wʋsg sẽn na gom yel-kãng wɛɛngẽ, la bũmb kẽer bilsg yaa toogo. Bala, yãmb wʋmbã yaa maasga. 12#1Kor 3.2Sẽn kaoos n ta moasã, tɩ yãmb da tog n yɩ karen-saam-dãmbã, yãmb leb n datame tɩ b zãms yãmb Wẽnnaam yel-soalmã pipi koees sẽn yaa naana wã. Yãmb leb n tõdgda rɩ-taok n dat bĩisim. 13La ned ning fãa sẽn ket n yẽsemd bĩisim nan ka mi tɩrlem ne ka-tɩrlem goam n bak ye, bala a yaa biiga. 14Rɩ-taok yaa neb sẽn bɩ yĩnga, neb nins sẽn mao n mi sõama ne wẽng n bakã yĩnga.
Currently Selected:
Ebre‑rãmba 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
