Yikri 20

Tõod piiga

1Wẽnnaam goma gom-kãensã fãa n yeele:

2«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

3Ra bao wẽnnaam-dãmb a taaba, sã n ka maam bal ye.

4 # Yik 34.17, Mk 19.4, 26.1, Tõ 4.15-18, 27.15 Ra maan bõn-naandg sẽn wẽnd bũmb sẽn be saasẽ, wall sẽn be tẽngã zugu, wall sẽn be koom pʋsẽ dũniyã tẽngr ye. 5#Yik 34.6,7, Sõd 14.18, Tõ 7.9,10Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã. 6Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

7 # Mk 19.12 Ra pʋd Sẽn-Ka-Saab sẽn yaa fo Wẽnnaamã yʋʋr zaalem ye. Bala, ned sã n pʋd Sẽn-Ka-Saab yʋʋrã zaalem, b ka na n bas-a soab taal ye.

8 # Yik 16.23-30, 31.12-14 Tẽeg vʋʋsg daarã yelle, n kɩt t'a yɩ daar sẽn welg toore. 9#Yik 23.12, 31.15, 34.21, 35.2, Mk 23.3Rɩk-y rasem a yoobã n tʋm y tʋʋmã fãa, la y maan y sẽn dat n maanã. 10La rasem a yopoe wã daare, yaa vʋʋsg daar Sẽn-Ka-Saab sẽn yaa yãmb Wẽnnaamã waoogr yĩnga. Bɩ yãmb ne y kom-dibli wã, la y kom-pugli wã, ne y yem-daadã la y yem-pogsã ne y rũmsã la sãan sẽn be yãmb yiri bas y tʋʋmã. 11#Sɩng 2.1-3, Yik 31.17Bala, yaa rasem a yoobã pʋgẽ, la Sẽn-Ka-Saab naan yĩngr la tẽngã, la ko-kãsengã ne bũmb nins fãa sẽn be b pʋsã. La rasem a yopoe wã daare, bãmb vʋʋsame. Yaa rẽ n kɩt tɩ Sẽn-Ka-Saab ning vʋʋsg daarã bark n kɩt t'a yɩ daar sẽn welg toore.

12 # Tõ 27.16, Mat 15.4, 19.19, Mark 7.10, 10.19, Luk 18.20, Efɛ 6.2, Efɛ 6.3 Waoog y ba la y ma, n tõog n paam yõ-wok soolem ning Sẽn-Ka-Saab sẽn yaa yãmb Wẽnnaamã sẽn kõt yãmbã pʋgẽ.

13 # Sɩng 9.6, Mk 24.17, Mat 5.21, 19.18, Mark 10.19, Luk 18.20, Rom 13.9, Zak 2.11 Ra kʋ ned ye.

14 # Mk 20.10, Mat 5.27, 19.18, Mark 10.19, Luk 18.20, Rom 13.9, Zak 2.11 Ra yo ye.

15 # Mk 19.11, Mat 19.18, Mark 10.19, Luk 18.20, Rom 13.9 Ra zu ye.

16 # Yik 23.1, Mat 19.18, Mark 10.19, Luk 18.20 Da kɩs kaset sẽn yaa zirẽ n dõd f to ye.

17 # Rom 7.7, 13.9 Ra maan sũ-kiir ne f to zak ye. Ra maan sũ-kiir ne f to pag wall a yem-daoogo, bɩ a yem-poaka, wall a loalga, bɩ a bõanga, wall bũmb ning fãa sẽn yaa fo to rẽnd ye.»

18 # Ebr 12.18,19 Nebã fãa wʋma sa-kelemsã la b yãnd sa-yãgbã, la b wʋm baorgã peebg rãamde, la b yãnd tãngã sẽn nukd bug-zõosã. Nebã sẽn yãnd bõn-kãnga, rabeem yõka bãmb tɩ b rigda, la bãmb yalsa yɩɩga. 19Bãmb yeela a Moyiis yaa: «Gom ne tõnd f toore, tɩ d na n kelg-f lame. La bɩ Wẽnnaam da gom ne tõnd b toore, tɩ d wa ki ye.» 20La a Moyiis yeela nebã yaa: «Ra zoe-y rabeem ye. Bala, Wẽnnaam sẽn wa wã yaa sẽn na n mak yãmba, tɩ yãmb zoe bãmb n da maan yel-wẽnã ye.» 21Nebã yalsa yɩɩga. La a Moyiis kolga sawad-taokã, zĩig ning Wẽnnaam sẽn be wã.

Wẽn-naands ne tẽn-kuga

22Sẽn-Ka-Saab yeela a Moyiis yaa: «Gom ne Israyɛll nebã n yeel-b yaa: ‹Yãmb yãame tɩ mam zĩnda saasẽ n gom ne yãmba. 23Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye. 24Maan-y tãnd tẽn-kugr mam yĩnga. Yãk-y y rũm-bãoonegã ne y rũm-bɛdã n maan maand sẽn yõogd bugum ne zems-n-taar maoong a zugu. La zĩig ning fãa mam sẽn na n kɩt tɩ nebã tẽeg mam yʋʋrã yellã, mam na n waa yãmb nengẽ n wa ning yãmb zug barka. 25#Tõ 27.5-7, Zoz 8.31La yãmb sã n na n maan tẽn-kugr ne kug mam yĩnga, bɩ y ra maan-a ne kug-peesdɩ ye. Bala, yãmb sã n pees bãmb ne yãmb larã, yãmb kɩtdame tɩ bãmb lebg rẽgd mam nifẽ. 26Bɩ y ra maan mam tẽn-kugrã tɩ yaa tɩlɛ tɩ b tũud rʋʋdg n dʋʋd a zug ye, tɩ b ra wa yãnd yãmb zaalã ye.»

Currently Selected:

Yikri 20: MPBU

Highlight

Copy

Compare