Popular Bible Verses from Yikri 20

Share

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga. Ra bao wẽnnaam-dãmb a taaba, sã n ka maam bal ye.

Ra maan bõn-naandg sẽn wẽnd bũmb sẽn be saasẽ, wall sẽn be tẽngã zugu, wall sẽn be koom pʋsẽ dũniyã tẽngr ye. Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Waoog y ba la y ma, n tõog n paam yõ-wok soolem ning Sẽn-Ka-Saab sẽn yaa yãmb Wẽnnaamã sẽn kõt yãmbã pʋgẽ.

Tẽeg vʋʋsg daarã yelle, n kɩt t'a yɩ daar sẽn welg toore.

Ra pʋd Sẽn-Ka-Saab sẽn yaa fo Wẽnnaamã yʋʋr zaalem ye. Bala, ned sã n pʋd Sẽn-Ka-Saab yʋʋrã zaalem, b ka na n bas-a soab taal ye.

Rɩk-y rasem a yoobã n tʋm y tʋʋmã fãa, la y maan y sẽn dat n maanã. La rasem a yopoe wã daare, yaa vʋʋsg daar Sẽn-Ka-Saab sẽn yaa yãmb Wẽnnaamã waoogr yĩnga. Bɩ yãmb ne y kom-dibli wã, la y kom-pugli wã, ne y yem-daadã la y yem-pogsã ne y rũmsã la sãan sẽn be yãmb yiri bas y tʋʋmã.

Ra maan sũ-kiir ne f to zak ye. Ra maan sũ-kiir ne f to pag wall a yem-daoogo, bɩ a yem-poaka, wall a loalga, bɩ a bõanga, wall bũmb ning fãa sẽn yaa fo to rẽnd ye.»

Da kɩs kaset sẽn yaa zirẽ n dõd f to ye.

Ra yo ye.

Ra kʋ ned ye.

Ra zu ye.