Efɛɛs‑rãmba 5
5
Wẽnnaam kamb yel-manesem
1Dẽ wã yĩnga, yɩ-y Wẽnnaam togs-n-taase, wa kom-nongdse, 2#Yik 29.18, Yɩɩn 40.7la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.
3Dẽ wã, a wa nin-sõamyã sẽn tog n yɩ to-to wã, da saag-y tɩ b pʋd yoobo, la rẽgd buud baa a yembre, la rat-wʋsg yell yãmb sʋk ye. 4Da gom-y gom-dẽgdo, wall yalem goamã, wall kʋʋsem goam tɩ bõn-kãens ka zems ye. Pʋʋs-y Wẽnnaam barka. 5Bala, bãng-y neer tɩ nin-yoaad baa a yembre, rẽgd soab baa a yembre, rat-wʋsg soab baa a yembre, sẽn dat n togs tɩ wẽn-naands pʋʋsd ka na n paam pʋɩɩr Kiris ne Wẽnnaam soolmẽ wã ye. 6Da sak-y tɩ ned belg yãmb ne gom-vɩɩd ye. Bala, yaa bõn-kãens yĩng la Wẽnnaam sũ-puugr sigd kɩɩsdbã zutã. 7Dẽ wã, da paam-y lagem-n-taar ne bãmb ye. 8Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba. 9Bala, vẽenem biis yaa sõmblem buud fãa, la tɩrlem la sɩda. 10Mak-y n bãng-y bũmb nins sẽn tat Zu-soabã yam, 11la y ra tol n paam lagem-n-taar ne likã tʋʋm sẽn ka yõodã ye. Wilg-y tɩ b ka sõama ye. 12Sɩd me, pʋs n yaa yãnd tɩ pʋd bũmb nins nin-bãmbã sẽn maandã. 13La d sã n wilg tɩ b ka sõama, lebgda vẽenega. Bala, bũmb ning fãa sẽn puk yaa vẽenega. 14Yaa woto yĩng n kɩt tɩ b yeel yaa:
Foom! Sẽn gõe-a wã, neke!
Yik n yi kũumã sʋka,
la Kiris na kõ foom vẽenem sẽn kõt vɩɩm.
15Dẽ wã, gũus-y neer ne yãmb kẽnde, n da kẽn wa yalemb ye. Kẽn-y wa yam dãmba. 16#Kol 4.5Da bas-y tɩ weerã sãamd zaalem ye. Bala, moasã yaa wẽng wakate. 17Woto wã yĩnga, da yɩ-y ka-yam dãmb ye, bãng-y bũmb nins Zu-soabã sẽn data. 18Da tɩg-y ne rãam ye, yõwã sãamda neda. Pid-y ne Wẽnnaam Sɩɩgã. 19#Kol 3.16,17Sõs-y ne taab ne yɩɩn-sõamyã, la ne Wẽnnaam yɩɩla, la ne Sɩɩg-sõng yɩɩla. Yɩɩl-y n pẽg-y Zu-soabã ne y sũyã fãa. 20Pʋʋs-y tõnd ba a Wẽnnaam bark bũmb fãa yĩnga, ne tõnd Zu-soab a Zeezi Kiris yʋʋre. 21Sak-y taaba, yãmb sẽn zoet Kirisã yĩnga.
Sak-taaba
22 #
Kol 3.18, 1Pɩy 3.1 Pagba, bɩ yãmb ned kam fãa sak a sɩda, a wa yãmb sẽn sakd Zu-soabã. 23Bala, rao yaa a pag zu-soaba, a wa Kiris sẽn yaa bãmb tẽedbã Zu-soabã. Tẽedbã yaa Kiris yĩnga, tɩ Kiris ya tẽedbã fãagda. 24Bɩ pag fãa me sak a sɩd ne bũmb fãa, a wa Kiris tẽedbã sẽn sakd Kiris to-to wã. 25#Kol 3.19, 1Pɩy 3.7Raopã, bɩ yãmb ned kam fãa nong a paga, a wa Kiris sẽn nong b tẽedbã, n kõ b meng b yĩnga, 26n na n tõog n pek-b ne koom la ne bãmb goamã, n yɩlg-ba, 27n kɩt tɩ bãmb tẽedbã sẽn tar ziirã yals bãmb taoor tɩ rẽgdo, wall yõbdo, wall bũmb sẽn wẽnd a woto ra zĩnd ye, la tɩ b na yɩ pʋ-peelem dãmb sẽn ka tar yell ye. 28Woto me, raopã tog n nonga b pagbã wa b sẽn nong b mens yĩngã. Ned ning sẽn nong a pag nonga a menga. 29Sɩd me, ned baa a yembr zɩ n kisg a meng ye. A rɩlgd-a a menga, n get a meng yell wa Kiris sẽn get b Kiris tẽedbã yelle, 30tõnd sẽn yaa bãmb yĩngã wilã yĩngã.
31 #
Sɩng 2.24
Yaa rẽ yĩng la rao tog n yi
n bas a ba ne a ma n zĩnd ne a paga,
la b yiibã na n lebga yĩng a yembre.
32Yel-solemd‑kãngã yaa kãsenga. Mam sẽn yet a woto wã, yaa sẽn kẽed ne Kiris la b tẽedbã wɛɛngẽ. 33Sẽn keta, bɩ yãmb ned kam fãa nong a pag wa a menga, la bɩ pag fãa waoog a sɩda.
Currently Selected:
Efɛɛs‑rãmba 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
