Efɛɛs‑rãmba 6
6
B sagenda ba-rãmbã ne kambã
1 #
Kol 3.20
Kamba, sak-y y ba-rãmb la y ma-rãmb wa Zu-soabã sẽn datã. Bala, bõn-kãng yaa tɩrga. 2#Yik 20.12, Tõ 5.16Ad pipi tõog sẽn naag ne kãabgo. A yetame yaa:
Waoog f ba la f ma,
3tɩ f tõe n paam sũ-noogo,
la f vɩɩmd n kaoos dũni zugu.
4 #
Kol 3.21
La yãmb sẽn yaa ba-rãmbã, ra maan-y bũmb sẽn yikd y kambã sũy ye. Wub-y-ba, n sagl-ba, la y keoog-b wa sẽn zems Zu-soabã raabo. 5#Kol 3.22-25Tʋmtʋmdba, sak-y sẽn so-b yãmb dũni ka wã ne y sũur fãa, ne rabeem la rigbu, wa yãmb sẽn sakd Kirisã, 6la y ra maan bõn-kãng b nifẽ bala, tɩ ra wa ya wa yãmb maanda sẽn noom ninsaalbã ye. Sak-y bãmba yãmb sẽn yaa Kiris tʋmtʋmdb sẽn maand Wẽnnaam daabo ne y sũyã fãa wã yĩnga. 7Tʋm-y b yĩng ne yamleoogo, wa y tʋmda Zu-soabã yĩnga, la ka wa ninsaal yĩng ye, 8tɩ yãmb miime tɩ ned kam fãa na n deega a keoor Zu-soabã nengẽ, a wa sẽn zems tʋʋm-sõng ning a sẽn maanã, t'a yaa yamb wall burkĩna. 9#Kol 4.1, Tõ 10.17, Kol 3.25La sã n yaa ne yãmb sẽn yaa zu-soben-dãmbã, yãmb me tog n maana a woto ne y tʋmtʋmdbã. Da maan-y gãgs ne-b ye. Bala, yãmb miime tɩ bãmb ne yãmb me Zu-soabã bee arzãna, la tɩ Zu-soabã nifẽ, ned ka yɩɩd a to ye.
A Zeezi tẽed zab-teedo
10Sẽn keta, mam yeta yãmb tɩ y paam raood Zu-soabã tũudum pʋgẽ, bãmb pãn-kãsengã maasem yĩnga. 11Bob-y zab-teed nins fãa Wẽnnaam sẽn kõ yãmbã, tɩ y tõe n yals kãenkãe n zab ne a Sʋtãana, a sɩlmã pʋgẽ. 12Bala, tõnd zabr ka ne ninsaal sẽn yaa nemd la zɩɩmã ye, la yaa ne lik rĩm-dãmba la a pãens sẽn so naam tẽng zug ka wã, la wẽng maaneg sɩɩsã sẽn be yĩngrã. 13Yaa woto yĩng n kɩt tɩ mam yet yãmb tɩ y bob Wẽnnaam zab-teedã fãa, tɩ y tõe n yals n zab wẽngã wakate, la tɩ y sã n zab n tõog bũmb fãa, yãmb na yals kãenkãe. 14#Eza 11.5, Eza 59.17Dẽ wã yĩnga, bɩ y yals kãenkãe. Rɩk-y sɩdã tɩ yɩ y sẽbdga, la y bob tɩrlem tɩ yɩ yãmb gãntika, 15#Eza 52.7la y wid laafɩ koe-noogã togsg ratem tɩ yɩ yãmb neooda, 16la y tall tẽeb tɩ yɩ y gãongo, tɩ y tar n kogsd wẽng soabã pɛɛmã fãa sẽn yaa wa bugmã, 17#Eza 59.17la y fõgen fãagrã me tɩ yɩ kut pugla, la y zã Sɩɩgã sʋʋg sẽn yaa Wẽnnaam goamã. 18Pʋʋs-y wakat fãa ne Sɩɩg-sõng pãnga, n pʋʋs ne kosgo n da bas ye. Nang-y pãng n maand a woto wakat fãa. Pʋʋs-y Wẽnnaam b nebã fãa yĩnga, 19la mam me yĩnga. Pʋʋs-y Wẽnnaam tɩ wakat ning fãa mam sẽn na n yaag m noor n na n gome, bɩ b kõ maam gomd sẽn na kɩt tɩ nebã bãng koe-noogã yel-solemdã võore, la tɩ m na gom ne raoodo. 20Mam yaa koe-noogã toagsda, tɩ b balg maam a poorẽ. Pʋʋs-y tɩ m tõog n gom a yell ne raood wa m sẽn tog n gomã.
Yaoolem pʋʋsem
21 #
Tʋʋm 20.4, 2Tɩm 4.12 #
Kol 4.7,8 Tõnd ba-bi-nongr a Tisik sẽn yaa Zu-soabã tʋmtʋmd sẽn maand sɩdã na n wilga yãmb bũmb fãa, sẽn na n yɩl tɩ yãmb me bãng mam yelle, la bũmb nins mam sẽn maanda. 22Mam yiis-a lame n tʋm yãmb nengẽ, tɩ y bãng tõnd kibare, la t'a na bels yãmb sũyã. 23Bɩ tõnd Ba a Wẽnnaam la d Zu-soab a Zeezi Kiris kõ d ba-biisã zĩnd-n-taar laafɩ la nonglem, b sẽn tar tẽebã yĩnga. 24Bɩ neb nins fãa sẽn nong tõnd Zu-soab a Zeezi Kiris ne nonglem sẽn ka tekdã paam barka.
Currently Selected:
Efɛɛs‑rãmba 6: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
