Tõodo 31
31
A MOYIIS YAOOLEM GOAMA, NE A KŨUM
A Zozoe n na n deeg a Moyiis zĩiga
1A Moyiis leb n goma gom-kãensã ne Israyɛll nebã fãa n yeele: 2#Sõd 20.12«Rũndã, mam tara yʋʋm koabg la pisi. Mam ka tõe n leb n kẽnd la m watẽ ye. La Sẽn-Ka-Saab yeela maam, tɩ m ka na n dʋʋg Zʋrdẽ kʋɩlgã ye.» 3Yaa Sẽn-Ka-Saab sẽn yaa yãmb Wẽnnaamã n na n lʋɩ yãmb taoore. Bãmb na n sãama bu-kãensã yãmb taoore, n kɩt tɩ y reeg b tẽngã n sooge. Yaa a Zozoe n na n lʋɩ nebã taoor wa Sẽn-Ka-Saab sẽn dag n yeelã. 4#Sõd 21.21-35Sẽn-Ka-Saab na n maana bu-kãens wa b sẽn dag n maan Amoor-dãmbã rĩm-dãmbã a Sihon ne a Oog ne b tẽmsã. Bãmb sãam-b lame. 5Sẽn-Ka-Saab na n dɩka bãmb n kõ yãmb tɩ y maan-b wa mam sẽn dag n yeel yãmbã. 6Nang-y pãnga. Paam-y raado. Ra zoe-y rabeem ye. Ra sak-y tɩ y sũyã kiuus bãmb taoor ye. Bala, Sẽn-Ka-Saab sẽn yaa yãmb Wẽnnaamã meng yãagda yãmba. Bãmb sõngrã ka na n vaale, la b ka na n bas yãmb ye. 7A Moyiis boola a Zozoe n yeel-a Israyɛll nebã fãa nifẽ yaa: «Nang pãng n keng f sũuri. Bala, yaa foom n na n tall nin-kãensã n kẽ tẽng ning Sẽn-Ka-Saab sẽn yaa yãmb Wẽnnaamã sẽn dag n wẽen ne b yaab-rãmbã n yeel tɩ b na n kõo bãmbã. La yaa foom n na n kõ-b tẽn-kãng tɩ b sooge. 8#Zoz 1.5, Ebr 13.5Yaa Sẽn-Ka-Saab meng n na n lʋɩ fo taoore. Bãmb bee ne foom. Bãmb sõngrã ka na n vaal ye. Bãmb ka na n bas foom ye. Ra zoe rabeem ye, la f ra sak tɩ f pɛleng yɩk ye.»
A Moyiis rɩka tõodã sebr n kõ maan-kʋʋdbã
9A Moyiis gʋlsa tõ-kãensã fãa n kõ a Leevi buudã neb nins sẽn yaa maan-kʋʋdb n zãad Sẽn-Ka-Saab kaoolã koglgã, ne Israyɛll kãsem-dãmbã. 10#Tõ 15.1,2, Tõ 16.13-15A Moyiis kõo bãmb noor n yeele: «Yʋʋm a yopoe fãa sẽn yaa bas-taal yʋʋmdã, sẽn zems zãnã tigr wakatã, 11Israyɛll nebã fãa sã n wa tigim Sẽn-Ka-Saab sẽn yaa yãmb Wẽnnaamã taoor zĩig ning Sẽn-Ka-Saab sẽn na n yãkã, bɩ y karem tõodã fãa Israyɛll nebã fãa taoor tɩ b wʋme. 12Tigm-y nebã fãa, raopa, pagba, kamba ne sãamb nins sẽn be y tẽmsã pʋsẽ wã tɩ b wʋme, la b zãms Sẽn-Ka-Saab sẽn yaa yãmb Wẽnnaamã zoeese, n gũus b mens n sak tõodã goamã fãa, 13woto, bãmb kamb nins sẽn ka mi tõodã me na n tõog n wʋme, n zãms Sẽn-Ka-Saab sẽn yaa yãmb Wẽnnaamã zoees wakat fãa, yãmb sẽn be tẽng ning y sẽn na n dʋʋg Zʋrdẽ kʋɩlgã n tɩ reeg n soogã pʋgẽ.»
B pĩnd n wilga Israyɛll nebã kɩɩsgo
14Sẽn-Ka-Saab yeela a Moyiis yaa: «Gese, fo kũum daar kolgame. Bɩ f peeg a Zozoe n kẽng n tɩ yals sɛk roogã pʋgẽ tɩ m wilg-a a sẽn na n maane.» La a Moyiis ne a Zozoe kẽngame n tɩ yals sɛk roogã pʋgẽ. 15Sẽn-Ka-Saab vẽnega b meng sawad-taok pʋgẽ. La sawaodgã yaasa sɛk roogã rignoorẽ.
16Sẽn-Ka-Saab yeela a Moyiis yaa: «Gese, fo na n kiime n bʋʋg f saam-dãmba. La nebã na n yikame n tũ buud a taab wẽnnaam-dãmba, tẽng ning bãmb sẽn na n zĩndã pʋgẽ. Bãmb na n basa maam n sãam mam kaool ning mam sẽn maan ne bãmbã. 17Baraare, mam sũur na n yika ne bãmba, la mam na n bas-b lame, n solg m meng ne-b tɩ b sãame. Tood la namsg wʋsg na n paama bãmba, tɩ b yeel tɩ yaa Wẽnnaam sẽn ka be ne bãmbã yĩng n kɩt tɩ to-kãensã fãa paam bãmba. 18La badaare, mam na n solga m menga, bãmb sẽn maan wẽng n bʋdg n tũ buud a taab wẽnnaam-dãmbã yĩnga. 19La moasã, gʋls yɩɩn-kãngã n zãms Israyɛll nebã, la f ning-a bãmb noyã pʋsẽ, t'a yɩ kaset n ningd bãmb taale. 20Sɩda, mam na n talla bãmb n tɩ kẽes tẽng ning sẽn tar bĩisim ne sɩɩd wʋsg wa mam sẽn dag n wẽen n yeel b yaab-rãmbã, bãmb na n dɩɩme n tɩge, bãmb na n nobame, la b wẽnemd n tũ wẽnnaam-dãmb a taaba, n paoog maam la b sãam m kaoolã. 21La toog ne namsg wʋsg sã n paam bãmba, yɩɩn-kãngã na n yɩɩ kaset ne bãmba. Bala, a na n paa bãmb yagensã noyẽ, tɩ b ka yĩm a yell ye. Bala, mam mii bũmb nins bãmb sẽn dat n maanã rũndã, tɩ m nan ka tall-b n tɩ kẽes tẽng ning mam sẽn wẽen n yeel tɩ m na n kõ-b lame wã ye.» 22Badaar bala, a Moyiis gʋlsa yɩɩllã n zãms Israyɛll nebã.
23 #
Sõd 27.23, Zoz 1.6 Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»
24A Moyiis sẽn gʋls tõodã gom-kãens fãa sebrã pʋgẽ n sɛ, 25yẽnda yeela a Leevi buudã neb nins sẽn zãad Sẽn-Ka-Saab kaoolã koglgã yaa: 26Reeg-y tõodã sebrã n ning Sẽn-Ka-Saab sẽn yaa yãmb Wẽnnaamã kaoolã koglgã sɛɛgẽ, n bas-a beenẽ t'a yɩ kaset ne yãmba. 27Bala, mam mii yãmb kɩɩsgã, la m miime tɩ yãmb yaa tõatba. Gese, yãmb sẽn kɩɩsd Sẽn-Ka-Saab tɩ mam ket n vɩ n be ne yãmbã, mam sã n wa ki, yãmb na n maana woto n yɩɩda. 28Bool-y y buudã nanambsã ne y kãsem-dãmbã tɩ b wa tigim mam nengẽ, tɩ m togs-b gom-kãensã. La m na n dɩka yĩngr ne tẽng tɩ b yɩ kaset-dãmb ne bãmba. 29Bala, mam miime tɩ mam kũum poorẽ, yãmb na n maana wẽnga, yãmb na n basa sor ning mam sẽn wilg yãmbã, la wakat sẽn wata, toog na n paama yãmba, yãmb sẽn beeg Sẽn-Ka-Saab n kɩt tɩ b sũur yik ne yãmb y tʋʋm-wẽnsã poorẽ wã yĩnga.
A Moyiis yɩɩlle
30A Moyiis togsa yɩɩn-kãngã goamã fãa n tãag a tɛk tɩ Israyɛll nebã fãa wʋme.
Currently Selected:
Tõodo 31: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
