Koloos‑rãmba 3
3
Vɩ-kʋdg la vɩ-paalga
1 #
Yɩɩn 110.1
Dẽ, sã n yaa tɩ yãmb naaga ne Kirisã, n vʋʋge, bɩ y bao bũmb nins sẽn be arzãna, zĩig ning Kiris sẽn zao Wẽnnaam dɩtgã. 2Tags-y bũmb nins sẽn be arzãnã yelle, la y ra tags bũmb nins sẽn be dũni zugã yell ye. 3Bala, yãmb kiime, la yãmb vɩɩmã solga ne Kirisã Wẽnnaam nengẽ. 4Kirisã sẽn yaa yãmb vɩɩmã sã n wa n puki, dẽ, yãmb me na n naaga bãmb b ziirã pʋgẽ n puki. 5Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn yaa wa wẽn-naands pʋʋsgo. 6Yaa rẽnda yĩng la Wẽnnaam sũ-puugr wat kɩɩsdbã zutu. 7Yãmb sẽn dag n vɩ yel-wẽn-kãens pʋgã, yãmb dag n maanda bõn-kãense. 8La moasã, bɩ yãmb me kɩɩs bõn-kãensã fãa: Yaa sũ-kãbre, pʋ-toogo, tẽn-kãnem la gom-dẽgd sẽn tõe n yi yãmb noorẽ wã. 9#Efɛ 4.22Da yag-y taab zĩrẽ ye. Bala, yãmb yeega y yalẽ-kʋdgã ne a tʋʋma, 10#Efɛ 4.24, Sɩng 1.26la y yelg yalẽ paalga. Wẽnnaam palemda yalẽ-paalgã bãmb sẽn naanã, n kɩtdẽ t'a wẽnegd bãmb a Wẽnnaam n paasdẽ, tɩ tõnd tõe n bãng bãmb zãnga. 11Yel-kãngã pʋgẽ, ka be tɩ yaa Gɛrke, wall Zʋɩf wall zũnga, wall moaaga, wall weoog neda, wall nin-zẽmba, wall yamba, wall burkĩn ye. La Kiris yaa fãa nebã fãa pʋse. 12#Efɛ 4.2Dẽ wã yĩnga, yãmb sẽn yaa Wẽnnaam nin-tũusdsi, la neb sẽn welg toorã, la neb Wẽnnaam sẽn nong wʋsgã, bɩ y yeelg nimbãan-zoeer meng-menga, la sõmblem, la sik-m-menga, la sũ-bʋgsem, la sũ-mar wa futu. 13#Efɛ 4.32Tʋk-y taab zɩɩbo, la y maan taab sugri. Ned sã n tar yell ne a to, bɩ a maan a soab sugr wa Kiris sẽn maan yãmb sugrã. 14La sẽn yɩɩd fãa, bɩ y nong taab bala, tɩ nonglem yaa loɛtg sɩd-sɩda. 15Bɩ Kiris laafɩ, b sẽn bool yãmb a pʋgẽ tɩ y yɩ yĩng a yembrã soog yãmb sũyã. Yɩ-y neb sẽn mi y zaamẽ. 16#Efɛ 5.19,20Bɩ Kiris goamã zĩnd yãmb pʋsẽ ne yõod ning sẽn be a pʋgẽ wã. Zãms-y taab la y keoog taab ne yam meng-menga, ne yɩɩn-sõamyã, la Wẽnnaam yɩɩla, la yɩɩl Sɩɩg-sõng sẽn kõta. Yɩɩl-y bark pʋʋsg yɩɩl ne y sũyã fãa n pẽg Wẽnnaam. 17Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zeezi yʋʋre, n pʋʋs ba a Wẽnnaam bark a Zeezi maasem yĩnga.
Kiris tẽed zak vɩɩm
18 #
Efɛ 5.22, 1Pɩy 3.1 Pagba, bɩ yãmb ned kam fãa sak a sɩda, wa sẽn zems sẽn tog n yɩ to-to Zu-soaba tũudum pʋgẽ wã. 19#Efɛ 5.25, 1Pɩy 3.7Pʋg-sɩdbã, bɩ yãmb ned kam fãa nong a paga, la y ra maan gãgs ne-a ye. 20#Efɛ 6.1Kamba, sak-y y ba-rãmb ne y ma-rãmb bũmb fãa pʋgẽ, bala, bõn-kãng nooma Zu-soaba sũuri. 21#Efɛ 6.4Ba-rãmba, da maan-y tɩ y kambã sũy yiki, tɩ b raood wa n boog ye. 22#Efɛ 6.5-8Tʋmtʋmdba, sak-y y dũni zu-soben-dãmbã bũmb fãa pʋgẽ. Da sak-y bãmb b nifẽ bala, tɩ wẽnd wa yãmb baood n maana sẽn noom ninsaalb ye. Sak-y bãmb ne y sũyã fãa, Zu-soabã zoees pʋgẽ. 23Yãmb sẽn maand bũmb ning fãa, bɩ y maan-a ne y sũur fãa wa y sẽn maand Zu-soabã yĩnga, la ka ninsaalb yĩng ye, 24yãmb sẽn mi tɩ y na n deega pʋɩɩr Zu-soabã nengẽ tɩ yɩ y keoorã yĩnga. Sɩd me, yaa Kiris sẽn yaa Zu-soabã yĩng la yãmb tʋmda. 25#Tõ 10.17, Efɛ 6.9Bala, ned ning sẽn tʋmd sẽn ka zems na n wʋka a ka-tɩrlmã yaoodo, bala, Wẽnnaam ka bakd neb ye.
Currently Selected:
Koloos‑rãmba 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
