Koloos‑rãmba 4
4
1 #
Efɛ 6.9
Zu-soben-dãmba, yao-y y tʋmtʋmdbã ne tɩrlem la wa sẽn zemse, yãmb sẽn mi tɩ yãmb me tara Zu-soab arzãn pʋgẽ wã yĩnga.
2Wɩng-y ne pʋʋsgo, modg-y ne-a, n paas bark pʋʋsgo. 3Pʋʋs-y tõnd yĩng me, tɩ Wẽnnaam pak sor tõnd koɛɛgã mooneg yĩnga, tɩ mam tõog n moon Kiris yel-solemdã koɛɛga, yel-solemd ning yĩng b sẽn balg maamã, 4tɩ mam na gom a yell vẽeneg wa sẽn zems m sẽn tog n gom a yell to-to wã. 5#Efɛ 5.16Kɩt-y tɩ y yel-manesem ne neb nins sẽn ka be tẽeb pʋgẽ wã yɩ ne yam. Da bas-y weerã t'a loogdẽ ye. 6Kɩt-y tɩ yãmb goam tall bark wakat fãa n tar yamsem noom, tɩ yãmb na bãng y sẽn tog n leok ned kam fãa to-to tɩ zemse.
Yaoolem pʋʋsem
7 #
Tʋʋm 20.4, 2Tɩm 4.12 #
Efɛ 6.21,22 Sã n yaa ne mam mengã yelle, m ba-bi-nongr a Tisik sẽn yaa Zu-soaba tʋmtʋmd sẽn maand sɩda, la sẽn yaa mam tʋmd-n-taag Zu-soaba tʋʋmd pʋgẽ wã na n wilga yãmb bũmb fãa. 8Pʋs n yaa rẽ yĩng la mam tʋmd-a yãmb nengẽ, tɩ yãmb tõe n bãng tõnd yell sẽn yaa to-to, la t'a bels yãmb sũyã. 9#Fɩl 1.10-12Mam tʋmda yẽnda ne d ba-bi-nongr a Onezɩm sẽn ya ned sẽn maand sɩd la a ya yãmb nedã y nengẽ. Bãmb na n wilga yãmb bũmb nins fãa sẽn maand ka wã. 10#Tʋʋm 19.29, 27.2, Fɩl 1.24, Tʋʋm 12.12,25, 13.13, 15.37-39Mam bi-be-taag a Aristark ne a Mark sẽn yaa a Barnabaas saam-biigã pʋʋsda yãmba. Mam wilga yãmb bũmb nins y sẽn tog n maan a Mark yĩnga. A sã n ta yãmb nengẽ, bɩ y reeg-a sõama. 11A Zeezi b sẽn boond a soab t'a Zustuusã me pʋʋsda yãmba. Zʋɩf-rãmbã sʋka, yaa bãmb bal n naag maam n tʋmd Wẽnnaam soolmã yĩnga. Bãmb yɩɩ neb sẽn paas maam daoodo. 12#Kol 1.7, Fɩl 1.23A Epafras sẽn yaa yãmb nedã pʋʋsd-y lame. Yẽnda yaa a Zeezi Kiris tʋmtʋmda, n maood yãmb yĩng a pʋʋsg pʋgẽ n ka basdẽ ye, tɩ yãmb na bɩ n ta, la y bãng Wẽnnaam daabã sõama y sũurẽ, n yals kãenkãe. 13Mam kɩta yẽnda kaset n yetẽ t'a maooda yãmb yĩng wʋsgo, yãmb ne neb nins sẽn be Laodiise la Hiyerapoliisã yĩnga. 14#2Tɩm 4.11, Fɩl 1.24, 2Tɩm 4.10, Fɩl 1.24Ba-bi-nongr a Luk sẽn yaa logtorã ne a Demaas pʋʋsda yãmba. 15Pʋʋs-y ba-biisã sẽn be Laodiise wã, ne a Nimfa la a Kiris tẽedbã sẽn tigimd yẽnda zakẽ wã. 16Yãmb sã n wa n karem seb-kãngã n sɛ, bɩ y maan y sẽn tõe tɩ b karm-a Kiris tẽedbã sẽn be Laodiise wã me sʋka, la yãmb me karem sebr ning Laodiise Kiris tẽedbã sẽn na n tʋm yãmbã. 17#Fɩl 1.2Yeel-y-yã a Arsɩp yaa: Gũus ne tʋʋmd ning fo sẽn deeg Zu-soabã nengẽ wã, n tõog tʋm-a sõama.
18Maam a Poll n gʋlsd ne m meng nug n pʋʋsd yãmba. Da yĩm-y tɩ b balga maam ye.
Bɩ barkã zĩnd ne yãmba.
Currently Selected:
Koloos‑rãmba 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
