1 Tɩmote 2
2
Pʋʋsg nebã fãa yĩnga
1Dẽ, mam saglg yaa tɩ y reng n kos Wẽnnaam, n pʋʋse, n yõk sɛɛga, la y pʋʋs Wẽnnaam bark nebã fãa yĩnga: 2rĩm-dãmb yĩnga, neb nins fãa sẽn so naamã yĩnga, tɩ tõnd tõe n vɩ ne laafɩ la bãane, ne Wẽnnaam sakre, la ne waoogre. 3Yaa woto n be neer Wẽnnaam nifẽ, la a noom bãmb sẽn yaa tõnd fãagdã. 4Bãmb daab yaa tɩ nebã fãa paam fãagre, la b tõog n bãng sɩdã. 5Bala, Wẽnnaam a yembr tãa bal n be, sɛ-yõakd a yembr tãa bal n be Wẽnnaam ne nebã sʋka: Yaa rao sẽn boond t'a Zeezi Kirisi, 6soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate. 7#2Tɩm 1.11Wẽnnaam yãka maam tɩ m moon kaset‑kãnga, la m yɩ tẽn-tʋmda (mam yeta sɩda, mam ka yagd ye,) la m zãms bu-zẽmsã ne tẽebo la ne sɩda. 8Dẽ, mam datame tɩ nebã zẽk nus sẽn yaa yɩlma, n pʋʋs Wẽnnaam zĩig fãa, tɩ sũ-kiiri la no-koɛɛm kaẽ ye. 9#1Pɩy 3.3Sã n yaa ne pagbã, b tog n yera fut sẽn yaa sõama n zems gesgo, la ne sik-m-menga. Bɩ b nagmã ra yɩ zutã pãnengo, wall sãnem, wall kĩndi, wall fut ligd sẽn yaa toog yeelgrẽ ye. 10Ayo! B tog n nagsa b mens ne tʋʋm‑sõamyã maanego, wa sẽn zems pagb sẽn sakd Wẽnnaam sẽn tog n maane. 11Pagbã tog n deega zãmsg sĩndim la sakr meng-meng pʋgẽ. 12Mam ka kõt pag noor t'a zãms nebã, wall a soog rao ye. A tog paa sĩndim pʋgẽ. 13#Sɩng 2.7, Sɩng 2.21,22Bala, Wẽnnaam deng n naana a Ãdem pipi, n yaool n naan a Ɛɛve. 14#Sɩng 3.1-6La sẽn paase, ka a Ãdem la waafã belg n tõog ye. Yaa pagã n sak belgrã, n kɩɩs Wẽnnaam noor n beeg bãmba. 15Baoosgo, a na n paama fãagre, a sẽn lebg ma wã yĩnga, a sã n modg ne tẽebo, la nonglem, la welg toor Wẽnnaam yĩnga, la gũus-m-menga.
Currently Selected:
1 Tɩmote 2: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
