1 Tɩmote 3
3
Karen-saamb yel-manesem
1Gom-kãnga yaa sɩda: Ned sã n dat n yɩ karen-saamba, yaa tʋʋm-sõng la a rata. 2#Tit 1.6-9Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba. 3A ka tog n yɩ rã-yũuda, wall zabr soab ye. A tog n yɩɩ ned sẽn baood laafɩ. A ka tog n yɩ ned sẽn nong ligd ye. 4A tog n yɩɩ ned sẽn get a zak yell neere, n kɩtdẽ t'a kamb yɩ kom-sakds wa sẽn zems pẽgre. 5Ned sã n ka tõe n ges a meng zak yelle, a na n yɩɩ a wãn n ges Wẽnnaam doogã yelle? 6Yẽnda ka tog n yɩ sug-kot‑paalg ye, sã n ka rẽ, a tõe n kẽe wuk-m-meng pʋgẽ, n paam sɩbgr ning wẽng soabã sẽn na n paamã. 7A togame n paam tɩ kɛɛng-rãmbã kɩt a kaset-sõngo, tɩ nebã da wa n ka nand-a, la tɩ sʋtãanã bẽdg ra yõk-a ye.
Kaoreng yel-gɛtb yel-manesem
8Yel-gɛtb me tog n yɩɩ neb sẽn zems waoogre, la sɩd dãmba. B ka tog n yɩ neb sẽn yũud rãam wʋsgo, wall sẽn maand zãmb n baood ligd ye. 9Bãmb tog n talla tẽeb sɩd koɛɛgã sẽn pukã kãenkãe, ne sũur kaset sõngo. 10Nebã tog n deng n maka bãmb n gese, tɩ b sã n mik tɩ b ka rõadga, bɩ b yaool n maan yel-gesg tʋʋmdã. 11Bãmb pagbã#3.11 Tõnd tẽedame tɩ yaa pagb sẽn yaa yel-gɛtba. me tog n yɩɩ neb sẽn zems waoogre. B ka tog n yɩ nin-sãbsdb ye. B tog n yɩɩ yõk-m-mens rãmba, la b maand sɩd bũmb fãa pʋgẽ. 12Yel-gɛt tog n yɩɩ pʋg-yend sɩda, la a tog n gesa a kambã ne a zaka rãmb yell sõama. 13Yel-gɛtb nins sẽn maand b tʋʋmd neerã paamda waoogr zĩiga, la b pels yaa kãenkãe a Zeezi Kiris tẽebã pʋgẽ.
Tõnd tẽeb yel-soalma
14Mam gʋlsda foom bõn-kãensã, baa ne mam sẽn saagd n dat n wa fo nengẽ moas-moasã wã, 15tɩ baa mam sã n wa n kaoosdẽ, fo na bãng f sẽn na n maan bũmb ning Wẽnnaam zakã pʋga, sẽn dat n togs tɩ Wẽnnaam sẽn vɩ wã nin-tũusdsã sʋka, sẽn yaa sɩd ra-luka, la a yẽbgr sẽn tebended-a wã. 16Ned ka tõe n kɩɩs tɩ wẽn-tũudbã yel-soalmã ka bõn-kãseng ye.
Kirisi, soab ning sẽn dɩk yĩng tɩ neb yãnd-a wã,
soab ning Sɩɩg-sõng sẽn kɩs a kaset-sõngã,
b puka b meng ne malegsã,
neb moona b yellã buud toay-toayã sʋka,
la tẽng zug ka,
neb tẽ-b lame,
la b paama zẽkre,
la ziiri.
Currently Selected:
1 Tɩmote 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
