Popular Bible Verses from 1 Tɩmote 2

Share

Bala, Wẽnnaam a yembr tãa bal n be, sɛ-yõakd a yembr tãa bal n be Wẽnnaam ne nebã sʋka: Yaa rao sẽn boond t'a Zeezi Kirisi, soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate.

Dẽ, mam saglg yaa tɩ y reng n kos Wẽnnaam, n pʋʋse, n yõk sɛɛga, la y pʋʋs Wẽnnaam bark nebã fãa yĩnga: rĩm-dãmb yĩnga, neb nins fãa sẽn so naamã yĩnga, tɩ tõnd tõe n vɩ ne laafɩ la bãane, ne Wẽnnaam sakre, la ne waoogre.

Dẽ, mam datame tɩ nebã zẽk nus sẽn yaa yɩlma, n pʋʋs Wẽnnaam zĩig fãa, tɩ sũ-kiiri la no-koɛɛm kaẽ ye. Sã n yaa ne pagbã, b tog n yera fut sẽn yaa sõama n zems gesgo, la ne sik-m-menga. Bɩ b nagmã ra yɩ zutã pãnengo, wall sãnem, wall kĩndi, wall fut ligd sẽn yaa toog yeelgrẽ ye. Ayo! B tog n nagsa b mens ne tʋʋm‑sõamyã maanego, wa sẽn zems pagb sẽn sakd Wẽnnaam sẽn tog n maane.