1 Pɩyɛɛre 3
3
Pagb ne b sɩdb yel-manesem
1 #
Efɛ 5.22, Kol 3.18 Woto me, pagba, bɩ yãmb ned kam fãa sak a sɩda, tɩ baa bãmb neb kẽer sẽn ka sakd Wẽnnaam koɛɛgã, bɩ b 2sẽn yãt b pagbã yel-manesmã sẽn yaa sõama wã, la sẽn waoogd bãmbã, kɩt tɩ b sak Wẽnnaam, tɩ ka tũ ne goam ye. 3#1Tɩm 2.9Da bao-y neerem ning ninã sẽn tõe n yã wã bala, sẽn yaa zut pãnengo, wall sãnem fan-teedo, wall nagem fut yeelgr ye. 4La yãmb tog n baoo neerem ning sẽn solge, n be ned kam fãa sũurẽ, la sẽn ka sãamdã, sẽn yaa sũ-bʋgsem sɩɩga, la sũ-maasem. Ade, yaa bõn-kãensã n tar yõod wʋsg Wẽnnaam nifẽ. 5Kʋdemd wakate, pʋg-sõama nins sẽn da tẽed Wẽnnaamã dag n manegda b mens a woto, n sakd b sɩdba. 6#Sɩng 18.12Rẽndã n kɩt t'a Saara dag n sakd a Abrahaam n boond-a t'a zu-soaba. Yãmb sã n maan tʋʋm sõama, n ka sak n bas tɩ bãmb kẽes yãmb dabeem, yãmb lebga a Saara kom-pugli.
7 #
Efɛ 5.25, Kol 3.19 Woto me, raopa, bɩ yãmb ned kam fãa vɩɩmd ne a paga, la y bãng tɩ bãmb yaa neb sẽn ka tar pãng wa yãmb ye. Maan-y-b wa sẽn zemse, n nand-ba, bala, b yaa pʋɩt-n-taas ne yãmba, vɩɩm ning Wẽnnaam sẽn kõ wã pʋgẽ, maan-y-yã a woto tɩ bũmb baa fʋɩ ra wa gɩdg yãmb pʋʋsg ye.
Sũur kaset sẽn yaa sõama
8Sẽn na n baase, bɩ yãmb fãa paam tagsg a yembre, la yam a yembre. Paam-y nonglem y ba-biis yĩnga, la y pid ne nimbãan-zoeere la sik-m-menga. 9Da lebs-y ned wẽnga, a sẽn maan yãmb wẽng yĩng ye, la y ra tʋʋs n lebs b sẽn tʋʋs yãmb yĩng ye. Da maan-y-yã a woto ye. Bɩ y lebs barka, bala, yaa bõn-kãng yĩng la b bool yãmb tɩ y na paam bark tɩ yɩ y pʋɩɩre. 10#Yɩɩn 34.13-17Wẽnnaam gʋls sõama yetame yaa:
Sɩd me, ned sã n dat t'a vɩɩm yɩ-a noogo,
la a paam sũ-noog a vɩɩm wakate,
bɩ a gũus t'a zelemd da gom wẽng ye
la a ra sak t'a noor gom zĩrẽ goam ye.
11Bɩ a zãag a meng ne wẽnga, la a maan neere,
bɩ a bao laafɩ ne nebã, la a pʋg laafɩ wã.
12Bala, Zu-soabã geta nin-tɩrse,
bãmb kelgda nin-tɩrs pʋʋsgo,
la b wẽnemdeda b neng n basd
neb nins sẽn maand wẽngã.
13Yãmb sã n wɩngd ne tʋʋm sõama maanego, ãndã n na n maan yãmb wẽnga? 14#Mat 5.10#Eza 8.12,13La baa yãmb sã n paamd namsg tɩrlem yĩnga, yãmb na paam sũ-noogo. Da zoe-y ninsaalbã sẽn zoet bũmb ningã ye, la y ra sãam y sũy ye. 15Bɩ y waoog Kiris sẽn yaa yãmb Zu-soabã, y sũyã pʋsẽ. Bɩ y yɩ neb sẽn tõe wakat fãa, n leokd neb nins sẽn sokd yãmb n dat n bãng y tẽebã yellã ne sũ-maasem la ne sik-m-menga. 16Paam-y sũur kaset sõngo, tɩ baa sẽn yaa zĩig ning fãa, bɩ neb nins sẽn kãnegd-b yãmbã, n gomd yãmb wẽng Kiris tũudmã pʋgẽ wã paam yãnde. 17Bala, sã n taa Wẽnnaam yam tɩ tõnd paam namsg d sẽn maan neer yĩnga, yõwã n yaa sõama n yɩɩd tõnd sẽn na n paam namsg d sẽn maan wẽng yĩnga.
18Sɩd me, Kiris me kii vugr bal yel-wẽnã yiisg yĩnga. Bãmb sẽn yaa nin-tɩrgã, b kii ka-tɩrlem dãmbã yĩnga, sẽn na yɩl n tall yãmb n ta Wẽnnaam nengẽ. B kʋʋ bãmb yĩngã, la Sɩɩg-sõng leb n kõo bãmb vɩɩm. 19La Sɩ-kãng maasem yĩnga, bãmb kẽnga kɩɩm-kulg me n tɩ moon koɛɛgã sɩɩs nins b sẽn da balgã sʋka. 20#Sɩng 6.1—7.24Bãmb yaa neb nins sẽn yɩ kɩɩsdb wakat sẽn looge, Wẽnnaam sẽn maan sũ-mar n kaoos wakat ning a Nowe sẽn maan koom koglgã tɩ neb bilfu, dat n togs tɩ neb a nii wã kẽe a pʋgẽ n põs koomã. 21Rẽndã ra mamsda koom lisg ning sẽn fãagd yãmb rũndã-rũndã wã. Yaa lisg sẽn ka yĩng rẽgd yiisg yĩng ye, la yaa kosg sẽn kot Wẽnnaam ne sũur kaset sẽn ya sõama, a Zeezi Kiris sẽn vʋʋg n bas kũumã maasem yĩnga. 22A Zeezi Kiris zɛk n bee arzãna, n be Wẽnnaam dɩtgo, la malɛɛk-rãmbã ne pãn-soaadbã, la pãens rãmbã sakda bãmba.
Currently Selected:
1 Pɩyɛɛre 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
