1 Pɩyɛɛre 2
2
1Dẽ yĩngã, bas-y pʋ-toog fãa, la sɩlem fãa, la zãmbo, la sũ-kiiri, la paoogr goam buud fãa. 2Yɩ-y wa kom-peelse, n tʋlg Wẽnnaam goamã sẽn yaa wa bĩisim sẽn ka pulã, t'a bɩɩs yãmb tɩ y paam fãagre, 3#Yɩɩn 34.9sã n yaa tɩ yãmb pẽnega Zu-soabã n bãng tɩ b yaa sõama.
Kugr sẽn vɩ
4Kolg-y Zu-soab a Zeezi sẽn yaa ‹kug-vɩɩg› ninsaalbã sẽn zãgsã, la sẽn yaa kugr Wẽnnaam sẽn yãke, la sẽn be yõod bãmb taoorã. 5La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn yaa sõama, n kõt Wẽnnaam maoong sẽn yaa Sɩɩg-sõng rẽnda, sẽn tat Wẽnnaam yam a Zeezi Kiris maasem yĩnga. 6#Eza 28.16Bala, Wẽnnaam gʋls-sõamyã pʋgẽ b yeelame yaa:
Ade, mam dɩgenda kugr sẽn tar pãng Sɩyõ pʋgẽ,
mam sẽn yãke, la m sẽn waooge.
La ned ning sẽn tẽed-a kug-kãngã,
a kõn paam yãnd ye.
7 #
Yɩɩn 118.22
Dẽ yĩnga, bãmb kug-kãng bee yõod wʋsg ne yãmb sẽn tẽedã, la ne neb nins sẽn ka tẽedã,
kugr ning tãn-metbã sẽn zagsã,
kug-kãng lebga roogã pãng kugri,
a soakã zĩigẽ.
La a yaa kug-lakdg nebã yĩnga.
La pĩig sẽn lubd nebã.
8 #
Eza 8.14,15 Bãmb lakda kug-kãngã, b sẽn ka sakd Wẽnnaam goamã yĩnga. La Wẽnnaam dag n pĩnd n miime tɩ na n yɩɩ a woto ne-ba.
Wẽnnaam mengã nebã
9 #
Yik 19.5,6, Eza 43.20,
Yik 19.5, Tõ 4.20, 7.6, 14.2, Tit 2.14,
Eza 43.21,
Eza 9.1
La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã. 10#Ooz 2.25Pĩnda, yãmb dag n ka Wẽnnaam neb ye, la moasã, yãmb yaa Wẽnnaam nebã. Yãmb sẽn dag n ka paam nimbãan-zoeerã, moasã, yãmb paama nimbãan-zoeere.
Wẽnnaam tʋmtʋmdb yel-manesem
11Mam zo-nongdse, yãmb sẽn yaa sãamb la kaoos-wetã, mam sagenda yãmb tɩ y ra sak yĩngã ratem wẽnsã sẽn zabd ne sɩɩgã ye. 12Paam-y yel-manesem sẽn yaa sõama neb nins sẽn ka pʋʋsd Wẽnnaamã sʋka, tɩ baa b sẽn dõt yãmb zĩig ning fãa n yetẽ tɩ y yaa tʋʋm wẽns maandbã, bɩ b yã yãmb tʋʋm sõama wã n waoog Wẽnnaam, b waoongã daare. 13Zu-soabã maasem yĩnga, sak-y dũniyã nebã tõod fãa, sã n yaa rĩm-dãmba sẽn so pãnga, 14sã n yaa nanambs rĩmã sẽn tʋm tɩ b sɩbg neb nins sẽn maand wẽngã, la b waoog neb nins sẽn maand neerã. 15Bala, yaa Wẽnnaam daab tɩ yãmb sẽn maand neerã, y na kɩt tɩ yalembã bas b zɩɩlem goamã. 16Kẽn-y wa burkĩmba, la y ra sak tɩ yãmb lohormã yɩ pʋ-toog lillidg ye. Bɩ y tʋm wa Wẽnnaam tʋmtʋmdba. 17Waoog-y nebã fãa. Nong-y y ba-biisã, la y zoe Wẽnnaam. Waoog-y rĩmã. 18Tʋmtʋmdba, sak-y y zu-soben-dãmba la y zoe-ba. La ka zu-soben-dãmb nins sẽn yaa nin-sõamyã la sũ-bʋgsem dãmbã bal ye. Sak-y neb nins sẽn ya 19nin-toosã me. Bala, ned sã n sak namsg sẽn ka zems ne-a, a sẽn sakd Wẽnnaam yĩnga, yõwã bee barka. 20Sɩd me, yãmb sã n sak tɩ b nams yãmb y sẽn maan yel-wẽnd yĩnga, bõe waoogr n be be? La yãmb sã n maan tʋʋm sõama n sak namsg bõn-kãens yĩnga, yõwã bee bark Wẽnnaam taoore. 21Sɩd me, yaa bõn-kãng yĩng la b bool yãmba. Tɩ bõe, Kiris me namsa yãmb yĩnga, n bas mamsg ne yãmba, tɩ y tũ bãmb naoã.
22 #
Eza 53.9
Bãmb ka tol n maan yel-wẽnd ye,
la b ka tol n wʋm zĩrẽ goam
sẽn yi bãmb noorẽ ye.
23 #
Eza 53.7
Neb tʋʋ bãmba, la b ka tʋʋs n lebs ye. Neb namsa bãmba, la b ka zab ne-b ye. B basa b yɛlã sẽn kaood-a bʋʋd tɩrgã nugẽ. 24#Eza 53.5,6Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre. 25Bala, yãmb dag n wẽnda piis sẽn meneme, la moasã, yãmb lebgame n wa y sɩɩsã pe-kɩɩmã la b gũudã nengẽ.
Currently Selected:
1 Pɩyɛɛre 2: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
