Popular Bible Verses from 1 Pɩyɛɛre 2

Share

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre. Bala, yãmb dag n wẽnda piis sẽn meneme, la moasã, yãmb lebgame n wa y sɩɩsã pe-kɩɩmã la b gũudã nengẽ.

Pĩnda, yãmb dag n ka Wẽnnaam neb ye, la moasã, yãmb yaa Wẽnnaam nebã. Yãmb sẽn dag n ka paam nimbãan-zoeerã, moasã, yãmb paama nimbãan-zoeere.

Yɩ-y wa kom-peelse, n tʋlg Wẽnnaam goamã sẽn yaa wa bĩisim sẽn ka pulã, t'a bɩɩs yãmb tɩ y paam fãagre

Mam zo-nongdse, yãmb sẽn yaa sãamb la kaoos-wetã, mam sagenda yãmb tɩ y ra sak yĩngã ratem wẽnsã sẽn zabd ne sɩɩgã ye. Paam-y yel-manesem sẽn yaa sõama neb nins sẽn ka pʋʋsd Wẽnnaamã sʋka, tɩ baa b sẽn dõt yãmb zĩig ning fãa n yetẽ tɩ y yaa tʋʋm wẽns maandbã, bɩ b yã yãmb tʋʋm sõama wã n waoog Wẽnnaam, b waoongã daare.

La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn yaa sõama, n kõt Wẽnnaam maoong sẽn yaa Sɩɩg-sõng rẽnda, sẽn tat Wẽnnaam yam a Zeezi Kiris maasem yĩnga.

Dẽ yĩngã, bas-y pʋ-toog fãa, la sɩlem fãa, la zãmbo, la sũ-kiiri, la paoogr goam buud fãa.

Kolg-y Zu-soab a Zeezi sẽn yaa ‹kug-vɩɩg› ninsaalbã sẽn zãgsã, la sẽn yaa kugr Wẽnnaam sẽn yãke, la sẽn be yõod bãmb taoorã.

Kẽn-y wa burkĩmba, la y ra sak tɩ yãmb lohormã yɩ pʋ-toog lillidg ye. Bɩ y tʋm wa Wẽnnaam tʋmtʋmdba.

Bala, yaa Wẽnnaam daab tɩ yãmb sẽn maand neerã, y na kɩt tɩ yalembã bas b zɩɩlem goamã.