1 Korẽnt‑rãmbã 9
9
A Poll basa noor ning a sẽn tarã
1Mam ka tar lohorem la? Mam ka tẽn-tʋmd la? Mam ka yãnd d Zu-soab a Zeezi la? Yãmb ka mam tʋʋmd Zu-soabã pʋgẽ biis la? 2Mam sã n ka tẽn-tʋmd neb kẽer yĩnga, mam yaa tẽn-tʋmd yãmb yĩnga. Yãmb yaa mam sẽn yaa Zu-soabã tẽn-tʋmdã tʋʋmd kaset bãnde. 3Gomd ning mam sẽn tar n leokd neb nins sẽn bʋʋd ne maamã yaa woto. 4Tõnd ka tar noor tɩ dɩ la d yũ la? 5Tõnd ka tar noor tɩ peeg d tão n maan d paga, wa tẽn-tʋmdb a taaba, la Zu-soabã ba-bi-raopa la a Sefaas sẽn maanã la? 6Bɩ yaa maam bal ne a Barnabaas n ka tar noor tɩ tʋme? 7Ned a ãnda n be sodaarẽ la a get a meng yelle? Ãnda n send reezẽ tɩɩga, n ka rɩt a biisi? Ãnda n kɩɩmd rũms n ka yũud b bĩisim? 8Dẽ yĩnga, yaa mam sẽn yaa ninsaalbã yĩng la m gomd a woto? Tõogã meng ka gomd a woto sɩda? 9#Tõ 25.4, 1Tɩm 5.18Bala, b gʋlsa a Moyiis tõogã pʋgẽ n yeele:
Naaf ning sẽn pãbd-a koodã zɛɛgẽ wã,
da ning a noor yʋk ye.
Naafã yell n pak Wẽnnaam bɩ? 10Bɩ yaa tõnd yĩng bal la b gom yã? N-yẽe! Yaa tõnd yĩng la b gʋls rẽnda. Sẽn kood-a tog n koo ne saagre, la sẽn pãbd-a koodã me tog n pãbda ne saagr t'a na n paama a pʋɩɩre. 11#Rom 15.27Sã n yaa tɩ tõnd bʋda sɩɩgã arzegs yãmb yĩnga, rẽ yĩnga, tõnd sã n tigsd yãmb arzegsã, yõsgame sɩda? 12Neb a taab sã n dɩt yãmb yõodo, ka tõnd n pʋs n tog n dɩ n yɩɩda? La tõnd ka maan wa noor ning d sẽn tarã ye. Ayo, tõnd sakda fãa, tɩ d da wa ning gɩdgr Kiris koe-noogã taoor ye.
13 #
Tõ 18.1
Yãmb ka mi tɩ neb nins sẽn maand-b Wẽnnaam tʋʋmdã, wẽnd doogã n dɩlgd‑ba, la tɩ neb nins sẽn tʋmd tẽn-kugrẽ wã paamda pʋɩɩr bũmb nins b sẽn yõogd tẽn-kugrã zugã pʋgẽ la? 14#Mat 10.10, Luk 10.7Woto me, Zu-soabã kõo noor tɩ koe-noogã dɩlg neb nins sẽn moond koe-noogã. 15Ne maam, mam ka tʋm ne no-kãens baa a yembr ye. La mam ka gʋlsd a woto tɩ y na kõ-m ye. Bala, mam sẽn kiid n são. Ned baa a yembr kõn yiis waoogr ning mam sẽn tar yel-kãng pʋgẽ wã ye. 16Ne maam, tɩ moon koe-noogã ka waoogr baoob ye. Wẽnnaam n yet tɩ m tɩ m moone. Mam sã n ka moon koe-noogã, toog n na n paam maam. 17Mam sã n moon ne yamleoogo, mam paamda a keoore. La mam sã n moon-a modgr yĩnga, yaa tʋʋmd b sẽn dogl m zugu. 18Mam keoor la bʋgo? Yaa tɩ m sã n moond koe-noogã, bɩ m moon-a zaalem, n ka reeg bũmb nins koe-noogã sẽn kõt maam ne-wã ye.
19Bala, baa ned a yembr sẽn ka so maamã, mam maana m meng tɩ yɩ nebã fãa tʋmtʋmda, tɩ m tõe n paam neb fãa sõor m sẽn tõe n paam n yɩɩda. 20Ne Zʋɩf-rãmbã, mam yɩɩ wa Zʋɩfe, tɩ m tõe n paam-ba. Ne neb nins a Moyiis tõogã sẽn loe wã, mam yɩɩ wa ned a Moyiis tõogã sẽn loe, la a Moyiis tõogã yaool n ka loe maam, tɩ m tõe n paam neb nins tõogã sẽn loe wã. 21Ne neb nins sẽn ka be tõogã pʋgẽ wã, mam yɩɩ wa ned sẽn ka be tõogã pʋgẽ ye, la mam mengã yaool n ka ned sẽn be Wẽnnaam tõogã poorẽ ye, mam bee Kiris tõogã pʋgẽ, tɩ m tõe n paam neb nins sẽn ka be tõogã pʋgẽ wã. 22Ne neb nins sẽn be pãn-komsem pʋgẽ wã, mam yɩɩ pãn-komsem soaba, tɩ m tõe n paam pãn-komsem dãmbã. Mam maana m meng tɩ yɩ bũmbã fãa, nebã fãa yĩnga, tɩ sẽn wa n yaa neng ning fãa, bɩ m fãag neb kẽere. 23Mam maanda bũmba fãa koe-noogã yĩnga, tɩ m tõe n paam pʋɩɩr a pʋgẽ.
24Yãmb zɩ tɩ neb nins sẽn zoet zoeesã zĩigẽ wã, nebã fãa n zoeta, la tɩ yaa nin‑yend tãa n deegd keoorã la? Bɩ y zoe y sẽn na zoe to-to n paam keoorã. 25Ned ning sẽn yõgd maoor modgda a meng n basd bũmb kẽere. Bãmb maanda a woto n dat maanf sẽn sãamda, la tõnd maandame n dat maanf sẽn ka sãamd ye. 26Mam yẽ, mam zoetame, la ka wa ned sẽn ka mi a sẽn dabdẽ ye. Mam lobda nug-gila, la ka tɩ pãb pemsem ye. 27Ayo, mam namsda m yĩngã sõama, n kɩtdẽ t'a sakd-ma, m sẽn zoet dabeem tɩ mam sẽn moon neb a taabã, bɩ b ra wa n yeel tɩ mam ka zems ye.
Currently Selected:
1 Korẽnt‑rãmbã 9: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
