1 Korẽnt‑rãmbã 10
10
Israyɛll nebã mamsgo
1 #
Yik 13.21,22,
Yik 14.22-29
M ba-biisi, mam ka rat tɩ yãmb zɩ yel-kãngã ye. Tõnd ba-rãmba fãa zĩnda sawadgã tẽngre, b fãa pɩʋʋga ko-kãsengã pʋga, 2a Moyiis pʋgẽ, b fãa paama lisg sawadgã ne ko-kãsengã pʋgẽ, 3#Yik 16.35b fãa rɩɩ sɩɩg rɩɩb a yembre, 4#Yik 17.6, Sõd 20.11la b fãa yũu sɩɩg bõn-yũudl a yembre. Bala, b fãa ra yũuda koom sẽn yit pĩig sẽn da pʋgd bãmbã pʋgẽ, la pĩ-kãng ra yaa Kirisi. 5#Sõd 14.29,30La bãmb neb wʋsg ka ta Wẽnnaam yam ye. Bala, b kii weoogẽ wã.
6 #
Sõd 11.4
Bõn-kãens yaa mamsg tõnd yĩnga, tɩ tõnd da wa paam datem-wẽns wa bãmb sẽn dag n paamã ye. 7#Yik 32.6Da yɩ-y wẽn-naands pʋʋsdb wa bãmb neb kẽer sẽn dag n yɩ, tɩ b gʋls n wilgã ye. B yeelame yaa:
Nebã zĩndame n na n dɩ la b yũ.
Rẽ poore, b yikame n na n noog b sũuri.
8 #
Sõd 25.1-18
Tɩ d da maan rẽgd wa bãmb neb kẽer sẽn maane, tɩ neb tus pisi la a tã ki daar a yembrã ye. 9#Sõd 21.5,6Tɩ d da mak Zu-soabã wa bãmb neb kẽer sẽn mak-ba, tɩ wiis sãam-ba ye. 10#Sõd 17.6-14Da yẽgm-y wa bãmb neb kẽer sẽn maane, tɩ sãamdã sãam-ba ye. 11Bõn-kãens paama bãmba, tɩ yɩ mamsgo, la b gʋlsame n na n keoog tõnd dãmb sẽn mi tɩ wakatã taa a saabã. 12Woto yĩnga, bɩ ned ning sẽn tagsd t'a yasa yĩngrã gũus n da wa lʋɩ ye.
13Makr baa a yembr sẽn nan ka mak ninsaal ka mak yãmb ye. Wẽnnaam yaa sɩd maanda, la b ka na n sak tɩ yãmb paam makr sẽn yɩɩd y pãng ye. La makr sã n wa, Wẽnnaam na n kõo yãmb manesem y sẽn na maan n yi, tɩ yãmb tõe yals makrã pʋgẽ.
Maand sẽn kʋ wẽn-naandsã nemd rɩɩb yelle
14Woto yĩnga, m Zo-nongdse, zoe-y wẽn-naands pʋʋsgo. 15Mam sẽn gomd ne yãmbã, yaa wa ne neb yam sẽn vɩ. Yãmb mens tags bũmb ning mam sẽn yetã yelle. 16#Mat 26.26-28, Mark 14.22-24, Luk 22.19,20Bark bõn-yũudlã tõnd sẽn ningd barkã, a ka kɩtd tɩ tõnd paam lagem-n-taar ne Kiris zɩɩmã sɩda? Burã tõnd sẽn kaoodã, a ka kɩtd tɩ tõnd paam lagem-n-taar ne Kiris yĩngã sɩda? 17Burã sẽn yaa a yembrã, tõnd sẽn yaa wʋsgã, d yaa yĩng a yembre. Bala, tõnd fãa wãbda bur a yembre. 18#Mk 7.6Ges-y neb nins sẽn yaa Israyɛll neb ne yĩng yellã: Neb nins sẽn wãbd dũms nins b sẽn tall n maan maandã nemdã, b ka tar lagem-n-taar ne tẽn-kugrã sɩda? 19Mam yetame tɩ bõe? Mam yetame tɩ maandã sẽn kʋ wẽn-naandsã nemdã yaa bũmb la? Bɩ tɩ wẽn-naandg yaa bũmbu? Baa bilfu. 20#Tõ 32.17Maoongã sẽn kʋʋdã, yaa zĩn-dãmb yĩnga, la ka Wẽnnaam yĩng ye. La mam yaool n ka rat tɩ yãmb paam lagem-n-taar ne zĩn-dambã ye. 21Ka tõe n yũud Zu-soabã bõn-yũudlã, la y yũud zĩn-dãmbã me rẽnd ye. Yãmb ka tõe n naag n dɩt Zu-soabã dɩɩbo, la y leb n naag n dɩt zĩn-dãmb dɩɩb ye. 22#Tõ 32.21Dẽ yĩnga, tõnd datame tɩ Zu-soabã sũ-kiir yik la? Dẽ yĩnga, tõnd pãng yɩɩda bãmb la?
23 #
1Kor 6.12
Noor beeme tɩ maan fãa, la ka bũmb fãa n be yõod ye. Noor beeme tɩ maan bũmb fãa, la ka fãa n sõngd ye. 24Bɩ ned baa a yembr da bao a meng sõngr ye, a bao a to rẽnda. 25Sũur kaset yĩnga, bɩ y rɩ bũmb ning fãa sẽn koosd raagẽ, n da sok a kibar ye. 26#Yɩɩn 24.1Bala,
tẽngã yaa Zu-soabã n so,
la bũmb nins fãa sẽn be a pʋgẽ wã me,
yaa bãmb n so.
27Ned sẽn ka tẽed sã n bool yãmb tɩ y wa rɩ, tɩ yãmb sak n kẽnge, sũur kaset yĩnga, bɩ y rɩ bũmb ning fãa a sẽn kõt yãmbã, n da sok a kibar ye. 28La ned sã n yeel yãmb tɩ: Yõwã yɩɩ maoongo, bɩ y ra rɩ, [soab ning sẽn pĩnd n wilg yãmbã yĩnga,] la sũur yĩng me. 29Mam sẽn gomd sũur kasetã yellã, ka yãmb sũur kasetã ye, yaa ned a to wã rẽnda. Sɩd me, bõe yĩng tɩ sũur kaset sẽn ka mam dẽnd na n wa kao mam lohorem bʋʋdo? 30Mam sã n pʋʋs Wẽnnaam bark la m dɩ, bõe yĩng tɩ b na n kãn maam ne bũmb ning mam sẽn pʋʋs bark a yĩnga?
31Yãmb sã n dɩtẽ, wall y yũuda, wall bũmb ning fãa y sẽn maanda, maan-y fãa Wẽnnaam waoogr yĩnga. 32Da yɩ-y kug-lakdg sẽn ka-b Zʋɩf-rãmbã yĩnga, wall Zʋɩf-rãmbã yĩnga, wall Wẽnnaam nin-tũusdsã yĩng ye. 33Wa mam me sẽn maand sẽn noom nebã, n ka baood m meng nafre, la yaa neb wʋsgã rẽndã, tɩ b tõe n paam fãagrã.
Currently Selected:
1 Korẽnt‑rãmbã 10: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
