1 Korẽnt‑rãmbã 16
16
Nonglem kũun ba-biisã sõngr yĩnga
1 #
Rom 15.25,26 Sã n yaa ne nonglem kũunã y sẽn na n kõ Kiris tẽedbã sẽn be Zeruzalɛmã yĩngã, bɩ yãmb me maan wa mam sẽn yeel Galasi soolem wẽnd-dotã tɩ b maanã. 2Dasem a yopoe wã pipi daarã, bɩ yãmb ned kam fãa bĩng bũmb ning a sẽn tõe n kõ wã kɛɛnga, a yiri, tɩ y da wa yals n gũ mam waoong n na n yaool n tigs kũunã ye. 3La mam sã n wa, mam na n kõo neb nins yãmb sẽn yãk tɩ b tall y kũunã n kẽng Zeruzalɛmã kaset sɛb tɩ b zã n kẽnge. 4La sã n yaa tɩlɛ tɩ mam mengã kẽng Zeruzalɛm, b na tũ maam n kẽnge.
5 #
Tʋʋm 19.21
Mam sã n pɩʋʋg Masedoane, mam na n waa yãmb nengẽ, bala, mam na n pɩʋʋga Masedoan. 6Daar ninga, mam na n zĩnda ne yãmb bilfu, wall m na n zĩnda yãmb nengẽ hal tɩ waoodã wẽnd looge, tɩ yãmb na kɩt tɩ b tall maam n kẽng zĩig ning mam sẽn na n kẽngã. 7So-kãngã wã, mam ka rat n pɩʋʋg bal n ges yãmb la m loog ye. Mam saagdame tɩ Zu-soabã sã n sake, mam na n zĩnda ne yãmb bilfu. 8#Mk 23.15-21, Tõ 16.9-11#Tʋʋm 19.8-10Baoosgo, mam na n paa Efɛɛs hal tɩ ta Pãntekotã. 9Bala, dignoor n pak hal yalenga, mam tʋʋmdã yĩnga, la sẽn kis-b maamã sõor waoogame.
10 #
1Kor 4.17
A Tɩmote sã n ta, bɩ y maan y sẽn na maan t'a sẽn be yãmb sʋkã, bɩ a pɛlg yɩ kãenkãe, bala, a tʋmda Zu-soabã tʋʋmd wa mam me sẽn maandã. 11Woto yĩnga, bɩ ned baa a yembr da get-a n pa nandẽ ye. Kɩt-y tɩ b yãag-a t'a lebg n wa mam nengẽ ne laafɩ, bala, mam gũuda yẽnda ne ba-biisã.
12Ne ba-biig a Apoloos yelle, mam keng-a-la sõama n yeel-a t'a tũ ba-biisã n wa yãmb nengẽ, la a dag n ka yãk yam tɩ wa be moasã ye. A sã n wa paam weere, a na wa.
13Neend-y-yã! Yals-y kãenkãe tẽebã pʋgẽ! Yɩ-y raopa, keng-y y mense. 14Bɩ bũmb nins fãa sẽn maand yãmb sʋkã yɩ ne nonglem.
15 #
1Kor 1.16
M ba-biisi, bũmb a yembr la mam leb n dat n yeel yãmb tɩ y maane. Yãmb miime t'a Ɛstefanas zaka rãmb n yɩ pipi tẽedb Akayi soolmã pʋga, la tɩ b tʋmdame n sõngd Kiris tẽedbã. 16Sak-y neb a woto, la y sak neb nins fãa sẽn naag tʋʋmdã pʋgẽ n tʋmdẽ wã.
17Mam sũur yaa noog ne a Ɛstefanas la a Fortunatuus la a Akayikuus sẽn wa mam nengẽ wã. B yiisa yãmb velem sẽn dag n tar maamã, 18bala, b kɩtame tɩ maam ne yãmb sɩɩsã gãande. Bãng-y neb a woto yõod sẽn zem to-to. 19#Tʋʋm 18.2Wẽnd-dot nins sẽn be Aazi soolmã neb pʋʋsda yãmba. A Akɩlaas ne a Pirsill la Wẽnnaam nebã sẽn tigimd bãmb zakẽ wã toonda yãmb pʋʋsem Zu-soabã pʋgẽ. 20D ba-biisã fãa toonda yãmb pʋʋsem. Pʋʋs-y taab ne mok-sõngo.
21Yaa maam a Poll mengã nug n gʋls pʋʋsmã.
22Ned sã n ka nong Zu-soabã, bɩ kãab-wẽng zĩnd a zugu. Maaranata 23Bɩ Zu-soab a Zeezi Kiris barkã zĩnd ne yãmba! 24Mam nonga yãmb fãa a Zeezi Kiris pʋgẽ.
Currently Selected:
1 Korẽnt‑rãmbã 16: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
