1 Korẽnt‑rãmbã 15
15
A Zeezi Kiris vʋʋgre
1M ba-biisi, mam tẽegda yãmb koe-noog ning mam sẽn moon yãmb tɩ yãmb deege, n yas a pʋgẽ kãenkãe wã. 2Koe-no-kãng maasem yĩnga yãmb paama fãagre, yãmb sã n tall-a wa mam sẽn togs-a yãmbã. Sã n ka yɩ a woto, yãmb tẽe zaalem bala. 3#Eza 53.5-12Koɛɛg ning mam sẽn taas yãmbã, yaa mam me sẽn deege: Yaa tɩ wa Wẽnnaam gʋls-sõamyã sẽn yetã, Kiris kii tõnd yel-wẽnã yĩnga. 4#Yɩɩn 16.8-10, Mat 12.40, Tʋʋm 2.24-32B mum-b lame, la wa Wẽnnaam gʋls-sõamyã sẽn yetã, b vʋʋga rasem a tãab daare, 5#Luk 24.34, Mat 28.16,17, Mark 16.14, Luk 24.36, Zã 20.19la a Sefaas yãnda bãmba, tɩ karen-biisã piig la a yiibã me yã bãmba. 6Rẽ poore, tõnd ba-biis sẽn yɩɩd bãmb kobs-nu yãa bãmb wakat a yembre. Bãmb neb wʋsg ket n vɩɩme, la kẽer me kiime. 7Rẽ poore, a Zak yãnda bãmba, la tẽn-tʋmdbã fãa yãa bãmba. 8#Tʋʋm 9.3-6Bãmb fãa poore, b puka b meng ne maam tɩ m yãnd-ba, baa mam sẽn yaa wa biig sẽn dog n pa ta wã. 9#Tʋʋm 8.3Bala, tẽn-tʋmdbã sʋka, maam n ka ta m taaba, la mam ka zems tɩ b bool maam tɩ tẽn-tʋmd ye. Bala, mam namsa Wẽnnaam nin-tũusdsã. 10Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã. 11Woto yĩnga, tɩ yaa maam, tɩ yaa bãmba, bũmb ning tõnd sẽn moondã la woto, la yaa bõn-kãng la yãmb sẽn tẽ wã.
12La sã n yaa tɩ b moondame tɩ Kiris vʋʋgame n yi kũum sʋka, yɩta a wãn tɩ neb kẽer yãmb sʋk yetẽ tɩ kũum vʋʋgr ka be? 13Sã n yaa tɩ kũum vʋʋgr ka be, rẽnd Kiris me ka vʋʋg ye. 14La sã n yaa tɩ Kiris ka vʋʋge, rẽnd tõnd koe-moonegã yaa tʋʋm zaalle, la yãmb tẽebã me ka võor ye. 15Sã n yaa tɩ kũum ka vʋʋgda, kɩtame meng tɩ tõnd yagd zĩrẽ ne Wẽnnaam yelle. Bala, tõnd yagda zĩrẽ n yetẽ tɩ Wẽnnaam vʋʋga Kiris tɩ b yaool n ka vʋʋg-b ye. 16Bala, kũum sã n ka vʋʋgdẽ, rẽnd Kiris me ka vʋʋg ye. 17La sã n yaa tɩ Kiris ka vʋʋge, rẽnd yãmb tẽebã ka yõod ye, la yãmb ket n bee y yel-wẽnã pʋgẽ. 18La neb nins sẽn ki Kiris tũudum pʋgẽ wã yell sãamame. 19Sã n yaa vɩ-kãngã pʋgẽ yĩng bal la tõnd be ne Kirisã, ned ka be t'a nimbãaneg leb n ta tõnd ye.
20La moas-moasã wã yẽ, Kiris vʋʋgame n yi kũum sʋka. Bãmb n yɩ pipi soab Wẽnnaam sẽn vʋʋge, sẽn ki-bã sʋka. 21Bala, a wa kũumã sẽn tũnug rao a yembr tãa n wa wã, kũum vʋʋgrã me tũnuga rao a yembr tãa n wa. 22La a wa nebã fãa sẽn kiid a Ãdem maasem yĩngã, woto me, nebã fãa na n vʋʋgame, Kiris maasem yĩngã. 23La ned fãa na n talla a zĩiga: Kiris n na n yɩ dẽenem soaba, a Zeezi waoongã raare. Neb nins bãmb sẽn so wã na yaool n pʋgle. 24Kiris sã n sɛɛs naam fãa, la pãn-soaadb fãa, la pãng fãa, b na n dɩka soolmã n lebs ba a Wẽnnaam. Dẽ, bũmb fãa saab taame. 25#Yɩɩn 110.1Bala, yaa tɩlɛ tɩ Kiris rɩ naam,
hal tɩ ta daar ning b sẽn na n kɩt
tɩ b tab b bɛɛbã fãa n zĩẽ.
26Yaoolem bɛ Kiris sẽn na n sãam yaa kũumã. 27#Yɩɩn 8.7Sɩd me, Wẽnnaam kɩtame tɩ Kiris soog bũmba fãa. La b sã n yet tɩ Wẽnnaam kɩtame tɩ Kiris soog bũmbã fãa, rat n yeelame tɩ ned ning sẽn kɩt tɩ bãmb soogã ka naag tɩ bãmb soẽ ye. 28La Wẽnnaam sã n kɩt t'a Zeezi soog bũmba fãa n sɛ, a Zeezi mengã na n saka ned ning sẽn kɩt tɩ bãmb soog bũmb fãa wã, sẽn na yɩl la Wẽnnaam yɩ taoor soab bũmb fãa pʋgẽ.
29Sã n ka yɩ a woto, neb nins sẽn deegd kiidbã zĩig tɩ b lisd-bã na n maana a wãna? Kũum sã n ka vʋʋgd lae-lae, bõe yĩng tɩ nebã kɩtd tɩ b lis-b kiidbã yĩngã? 30La yaa bõe yĩng tɩ tõnd gẽnegd d yõor wakat fãa? 31M ba-biisi, mam yeta yãmb ne waoogr ning yãmb ya mam yĩng tõnd Zu-soab a Zeezi pʋgẽ wã, tɩ daar fãa, kũum n be mam taoore? 32#Eza 22.13Sã n yaa ninsaalb gesg yĩng la mam mao ne we-rũms Efɛɛsã, a yõod yaa bõe ne maam? Sã n yaa tɩ kũum ka vʋʋgda,
bɩ d rɩ la d yũ.
Bala, beoogo, d na n kiime.
33Da belg-y y mens ye: Tũud-n-ta-wẽng sãamda minim-sõamyã. 34Teem-y nao-kẽndre, n kẽn wa nin-tɩrse, la y ra maan yel-wẽn ye. Yaa yãmb yãnde, la mam yetame tɩ yãmb neb kẽer ka mi Wẽnnaam ye.
Sẽn vʋʋg-bã yĩns sẽn na n yɩ to-to
35La nina na n sokame tɩ sẽn ki-bã na n vʋʋga wãn-wãna, la b na n talla yĩn-bʋg buudu? 36Ka-yam soaba! Tẽeg tɩ bũmb ning fo sẽn bʋd ka yita, a sã ka ki ye. 37La fo sẽn dɩk bũmb ning n bʋdã, a ka yit n ket n ya a woto ye. Yãmb bʋta bõn-buugu, wa bɩle wall bũmb a to. 38La Wẽnnaam kõt-a la yĩng ning bãmb sẽn data, la kood buud fãa tara a tɩɩg buudu.
39Bõn-vɩɩlɩ wã fãa nemd ka wẽnd taab ye. Ninsaal nemd yaa toore, rũms nemd yaa toore, bõn-pɩgs nemd yaa toore, zĩm nemd yaa toore. 40Arzãn yĩns me beeme tɩ tẽng zug yĩns me beẽ. Arzãn yĩnga neerem yaa toor ne tẽng zug ka yĩngã. 41Wĩntoog vẽenem toore, kiuug vẽenem toore, ãds vẽenem toore. Bala, ãdsã mens vẽenem ka zems taab ye.
42Yaa woto me ne kũumã vʋʋgre. B sã n na n mum ninsaala, rẽ t'a yaa bõn-põaagdga. La a sã n wa na n vʋʋge, a ka lebd n yɩ bõn-põaagdg ye. 43B sẽn wat n na n mum-a wã, ka be sẽn get ye. La a sã n wa na n vʋʋge, na n yɩɩ ne ziiri. B sẽn wat n na n mum-a wã, rẽ t'a ka pãng ye. La a sã n wa na n vʋʋge, a pida ne pãnga. 44B sẽn wa n mumd-a wakatã, rẽ t'a yaa ninsaal yĩnga, la a sã n wa na n vʋʋge, a na n yaa sɩɩga. Ninsaal yĩng sã n beẽ, sɩɩg yĩng me beeme. 45#Sɩng 2.7Rẽnda n kɩt tɩ b gʋls n yeel tɩ:
Pipi rao a Ãdem lebga nin-vɩɩga.
La yaoolem Ãdmã lebga sɩɩg sẽn kõt vɩɩm. 46Ka sɩɩg yĩngã n deng ye, yaa ninsaal yĩngã, tɩ sɩɩg rẽndã yaool n pʋgda. 47Pipi raoã b sẽn yãk tẽng tom n naanã yaa tẽng bũmbu. La yiib soabã yita arzãna. 48Tẽng nedã sẽn yaa bũmb ningã, tẽng nebã fãa me yaa a woto. La arzãn nedã sẽn yaa bũmb ningã, arzãn nebã me yaa a woto. 49A wa tõnd sẽn tall tẽng nedã wẽnegã, tõnd na n talla arzãn nedã me wẽnego.
50M Ba-biisi, mam sẽn dat n yeelã, yaa tɩ ninsaal yĩng la zɩɩm ka tõe n paam Wẽnnaam soolmã ye, la bõn-põaagdg ka paamd n lebg sẽn ka põogd ye.
51 #
1Tes 4.15-17
Ad mam togsda yãmb yel-solemde: Tõnd fãa ka na n ki ye. Tõnd fãa na n paama tedgr 52wakat a yembre, nif kamsg pʋgẽ, yaoolem baorg peebgã wakate. Bala, a na n peebame, la neb nins sẽn ki wã na n vʋʋgame n tar yĩns sẽn ka põogd ye, la tõnd me na n paama tedgre. 53Sɩd me, yaa tɩlɛ tɩ yĩn-põaagdgã tek n lebg yĩng sẽn ka põogda, tɩ yĩn-kiidgã tek n lebg yĩng sẽn ka kiid ye. 54#Eza 25.8Yĩn-põaagdgã sã n wa lebg yĩng sẽn ka põogda, tɩ yĩn-kiidgã lebg yĩng sẽn ka kiida, wakat-kãng la bũmb ning b sẽn gʋlsã na n pidsi. B yeelame yaa:
Tõogr n vel kũum.
55 #
Ooz 13.14
Kũum, fo tõogrã bee yɛ?
Kũum, fo toogã bee yɛ?
56Yaa yel-wẽnã la kũumã toolem, la yaa tõogã n kõt yel-wẽnã pãnga. 57La bark Wẽnnaam! Bãmb kɩtdame tɩ tõnd paam tõogre, tõnd Zu-soab a Zeezi maasem yĩnga.
58Woto yĩnga, m ba-bi-nongdse, yals-y kãenkãe, tɩ bũmb da tõog n vigs yãmb ye. Kẽng-y taoor Zu-soabã tʋʋmd pʋgẽ wakat fãa, yãmb sẽn mi tɩ tʋʋmd ning yãmb sẽn tʋmd Zu-soabã yĩngã ka na n yɩ zaalmã yĩnga.
Currently Selected:
1 Korẽnt‑rãmbã 15: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
