1 Kibayã 6

A Leevi yagens a taaba

(Sõd 3.17-20)

1 # Yik 6.16-19 A Leevi kom-dibli yaa a Gersom ne a Kehat la a Meraari. 2A Gersom kom-dibli wã yʋy la woto: yaa a Libni ne a Simeyi. 3A Kehat kom-dibli yaa a Amram, a Yitsaare, la a Ebrõ ne a Uziyɛlle. 4A Meraari kom-dibli yaa a Makli ne a Musi.

A Leevi buudã neb la woto, wa sẽn zems b yaab-rãmbã roto. 5A Gersom doga a Libni, t'a Libni rog a Yahate, t'a Yahat rog a Zima, 6t'a Zima rog a Yowa, t'a Yowa rog a Ido, t'a Ido rog a Zeera, t'a Zeera rog a Yeyatrayi.

7A Kehat kom-dibli la woto: yẽnda roga a Aminadaabe, t'a Aminadaab rog a Koore, t'a Koore rog a Asɩɩre, 8t'a Asɩɩr dog a Ɛlkana, t'a Ɛlkana rog a Ebiyazafe, t'a Ebiyazaf rog a Asiiri, 9t'a Asɩɩr dog a Tahate, t'a Tahat rog a Uriyɛlle, t'a Uriyɛll dog a Uziya, t'a Uziya rog a Sayulli. 10A Ɛlkana kom-dibli yaa a Amasayi ne a Ayimote. 11A Ɛlkana roga a Sofayi, t'a Sofayi rog a Nahate, 12t'a Nahat rog a Eliyaabe, t'a Eliyaab rog a Yeroham, t'a Yeroham dog a Ɛlkana, 13n paas a Vasni ne a Abiya sẽn yaa a bi-kãseng a Sãmwɛll kom-dibli wã. 14A Meraari kom-dibli yaa a Mali, a Libni, a Simeyi, a Uuza, 15a Simeya, la sa Agiya, ne a Aazaya.

16A Davɩɩd dag n yãka nin-bãmb tɩ b yaa Sẽn-Ka-Saab roogã yɩɩn-yɩɩndba, wakat ning kaoolã koglgã sẽn wat n paam vʋʋsg zĩigã. 17Bãmb n dag n yas sɛk roogã taoor n yɩɩndẽ, hal n tãag wakat ning a Salmo sẽn me Sẽn-Ka-Saab roogã Zeruzalɛm n sɛ wã. B rag n maanda b tʋʋmdã wa sẽn zems b sẽn wilg-b to-to wã.

18Ad neb nins sẽn dag n be beenẽ wã ne b kom-dibli: a Kehat kom-dibli wã sʋka, yaa yɩɩn-yɩɩnd a Eman. Yẽnda yaab-rãmb yaa a Sãmwɛll biig a Zowɛlle, a Ɛlkana biig a Sãmwɛlle, 19a Ɛlkana biig a Yeroham biiga, a Yeroham biig a Eliyɛlle, a Eliyɛll biig a Toa, 20a Toa biig a Sufi, a Suf biig a Ɛlkana, a Ɛlkana biig a Mahate, a Mahat biig a Amasayi, 21a Amasayi biig a Ɛlkana, a Ɛlkana biig a Zowɛlle, a Zowɛlle biig a Azariya, a Azariya biig a Sofoni, 22a Sofoni biig a Tahate, a Tahat biig a Asɩɩre, a Asɩɩr biig a Ebiyazafe, a Ebiyazaf biig a Koore, 23a Koore biig a Yitsaare, a Yitsaar biig a Keyate, a Kehat biig a Leevi, a Leevi biig a Israyɛlle.

24A Leevi ba-biig a Azaf dag n yasa yẽnda nug-rɩtgo. A Azaf yaa a Berekɩya biiga, t'a Berekɩya yaa a Simeya biiga, 25t'a Simeya yaa a Misɛll biiga, t'a Misɛll yaa a Baaseya biiga, t'a Baaseya yaa a Malkiya biiga, 26t'a Malkiya yaa a Ɛtni biiga, t'a Ɛtni yaa a Zeera biiga, t'a Zeera yaa a Adaya biiga, 27t'a Adaya yaa a Etan biiga, t'a Etan yaa a Zima biiga, t'a Zima yaa a Simeyi biiga, 28t'a Simeyi yaa a Yahat biiga, t'a Yahat yaa a Gersom biiga, t'a Gersom yaa a Leevi biiga.

29A Meraari kom-dibli wã sẽn yaa bãmb ba-biisã rag n yasa bãmb nug-goabga. Bãmb taoor soab rag n yaa a Etan. A Etan yaa a Kiisi biiga, t'a Kisi yaa a Abdi biiga, t'a Abdi yaa a Maluk biiga, 30t'a Maluk yaa a Aazabiya biiga, t'a Aazabiya yaa a Amatsɩya biiga, t'a Amatsɩya yaa a Hilkiiza biiga, 31t'a Hilkiiza yaa a Amsi biiga, t'a Amsi yaa a Bani biiga, t'a Bani yaa a Semeer biiga, 32t'a Semeer yaa a Makli biiga, t'a Makli yaa a Musi biiga, t'a Musi yaa a Meraari biiga, t'a Meraari yaa a Leevi biiga.

33Leevi nebã sẽn yaa bãmb ba-biisã n dag n get Wẽnd doogã tʋʋm fãa yelle. 34A Aarõ ne a kom-dibli wã n dag n yõogd kũunã maand sẽn yõogd bugmã tẽn-kugr zugu, la wisdã tẽn-kugr zugu. Bãmb dag n maanda b tʋʋmã fãa zĩig sẽn welg toor n yɩɩdã pʋgẽ, la b maand yel-wẽnã sugr kosg maandã, Israyɛll nebã yĩnga, wa sẽn zems noor ning Wẽnnaam tʋmtʋmd a Moyiis sẽn dag n kõ bãmbã. 35A Aarõ kom-dibli la woto: A Aarõ n dog a Eleyazaare, t'a Eleyazaar dog a Fineyaase, t'a Fineyaas rog a Abisuwa, 36t'a Abisuwa rog a Buki, t'a Buki rog a Uuzi, t'a Uuzi rog a Zeraya, 37t'a Zeraya rog a Merayote, t'a Meyarot dog a Amariya, t'a Amariya rog a Akituubi, 38t'a Akituub rog a Sadoke, t'a Sadok rog a Ayimaase.

Tẽms b sẽn pʋɩ n kõ Leevi yagensã

(Zoz 21.4,10-29)

39Ad tẽngã zĩis nins a Leevi yagensã sẽn zĩndi, wa sẽn zems b sik zĩisã ne b soolmã.

Ad tẽms nins b sẽn maan poeer n yãk n kõ a Aarõ kom-dibli wã sẽn yaa a Kehat roogã nebã: 40yaa Ebrõ sẽn be Zʋʋda wã ne a kɩremsã, 41la b yaool n dɩk tẽngã pʋt ne tẽn-bãooneg nins a sẽn so wã, n kõ a Yefune biig a Kalɛɛbe. 42B rɩka weem-tẽmsã n kõ a Aarõ kom-dibli wã: yaa Ebrõ ne Libna, la Libna kɩremsã, la Yatɩɩr ne a kɩremsã, la Ɛstemoa ne a kɩremsã, 43la Ilɛɛz ne a kɩremsã, la Debɩɩr ne a kɩremsã, 44la Aaza ne a kɩremsã, la Bɛt-Semees ne a kɩremsã, 45la sã n yaa ne Benzame buudã, b kõo bãmb Geba ne a kɩremsã, Alemet ne a tẽn-kɩremsã, la Anatot ne a kɩremsã. B tẽmsã fãa sõor yaa piig la a tãabo, wa sẽn zems b roto.

46B leb n maana poeer n yãk tẽms piig Manaase buudã pʋɩ-sʋk sẽn so wã pʋga, n kõ a Kehat kom-dibli a taabã. 47B kõo a Gersom kom-dibli tẽms piig la a tãabo, wa sẽn zems b roto, la yaa tẽms b sẽn yãk a Yisakaar ne a Asɛɛr la a Neftali ne a Manaase buudã pʋgẽ Basan soolmẽ. 48B maana poeer n yãk tẽms piig la a yiib Rubɛn ne Gaad la Zabulõ buudã soolmẽ n kõ a Meraari kom-dibli wã wa sẽn zems b roto.

49Israyɛll nebã rɩka tẽmsã ne b pʋ-weesã n kõ Leevi nebã. 50B maana poeer n yãk tẽn-kãensã sẽn yaa a Zʋʋda buudã yagense, ne a Sɩmyõ buudã yagense, la a Benzame buudã yagens tẽmsã n kõ-ba, la b rɩka b mensã yʋy n pʋd tẽn-kãense.

51B yãka tẽms Efrayiim buudã pʋgẽ, n kõ a Kehat rot kẽer yagense, b soolmẽ wã. 52B kõo bãmb Sɩkɛm sẽn yaa weem-tẽngã ne a kɩremsã, n be Efrayiim soolem ning sẽn be tãms sʋkã, Gezɛɛr ne a kɩremsã, 53Yokmeyam ne a kɩremsã, Bɛt-Horon ne a kɩremsã, 54Ayalon ne a kɩremsã, ne Gat-Rimon ne a kɩremsã. 55Manaase buudã pʋɩ-sʋk pʋgẽ, b yãka Aneer ne a kɩremsã, la Balaam ne a tẽn-kɩremsã n kõ a Kehat kom-dibli a taabã roto.

56Ad tẽms nins b sẽn yãk a Manaase buudã pʋɩ-sʋk roogẽ n kõ a Gersom yagensã: yaa Golan, sẽn be Basan ne a kɩremsã, la Astarot ne a kɩremsã. 57Yisakaar buudẽ wã, yaa Kedɛɛs ne a kɩremsã, Dabrat ne a kɩremsã, 58Ramot ne a kɩremsã, la Anem ne a kɩremsã. 59A Asɛɛr buudã pʋgẽ, yaa Masall ne a kɩremsã, Abdõ ne a kɩremsã, 60Ukok ne a kɩremsã, Rehoob ne a kɩremsã. 61A Neftali buudã pʋgẽ, yaa Kedɛɛs sẽn be Galɩle ne a kɩremsã, Amo ne a kɩremsã, la Kiriyatayim ne a kɩremsã.

62B yãka tẽms a Zabulõ buudã pʋgẽ n kõ a Meraari kom-dibli a taabã: yaa Rimon ne a kɩremsã, la Taboor ne a kɩremsã. 63Zʋrdẽ kʋɩlgã rʋʋnd sẽn tees Zeeriko, Zʋrdẽ yaanga, b yãka tẽms a Rubɛn buudã pʋgẽ n kõ bãmba: yaa Besɛɛr sẽn be we-raoogẽ wã ne a kɩremsã, Yatsa ne a kɩremsã, 64Kedmot ne a kɩremsã, n paas Mefaat ne a kɩremsã. 65Gaad buudã pʋgẽ, b yãka Ramot sẽn be Galaad soolmẽ wã ne a tẽn-kɩremsã, Mahanayim ne a kɩremsã, 66Hɛsbon ne a kɩremsã, la Yazɛɛr ne a kɩremsã.

Currently Selected:

1 Kibayã 6: MPBU

Highlight

Copy

Compare