1 Kibayã 5

A Rubɛn yagense

1 # Sɩng 35.22, 49.3,4 A Israyɛll bi-kãseng a Rubɛn kom-dibli la woto. A Rubɛn n dag n yaa a ba wã bi-kãsenga, la yẽnda sẽn kẽ ne a ba pagã yĩnga, b reega a kãosengã n kõ a Zozɛf me sẽn yaa a Israyɛll biigã kom-dibli. Woto, b ka leb n geelg a Rubɛn wa a ba wã bi-kãseng yɛs ye. 2#Sɩng 49.8-10A Zʋʋda n dag n tar pãng n yɩɩd a ba-biisã, la yẽnda yageng a yembr n lebg Israyɛll dĩma. La baoosgo, a Zozɛf n kell n soog kãosengã.

(Sɩng 46.9, Sõd 26.5-6)

3A Israyɛll bi-kãseng a Rubɛn kom-dibli la woto: yaa a Enoke, a Palu, a Ɛtsron ne a Karmi.

4 # 2Rĩm 15.29 A Zowɛll roga a Semaya, t'a Semaya rog a Googe, t'a Goog rog a Simeyi, 5t'a Simeyi rog a Miise, t'a Miise rog a Rehaya, t'a Rehaya rog a Baalle, 6t'a Baall rog a Beera. A Beera rag n yaa Rubɛn buudã kãsem a yembre, tɩ Asiiri rĩm a Tɩlgat-Pilnezɛɛr kɩt tɩ b yõk-a n tall n kẽng yembdo.

7Ad a Beera saam-biisã b sẽn sõd roog-roogo, tɩ b yʋyã be sõadgã sebr pʋga, wa sẽn zems b buudu: kãsmã yaa a Yeyiyɛlle, tɩ sẽn pʋgd yaa a Zakari. 8Yaoolem soab yaa a Azaaz biig a Bela sẽn yaa a Sema yagenga, la a Zowɛll yagen-tʋbrakẽega. A Beera saam-biisã rag n bee Arowɛɛre, hal n tãag Nebo ne Baall-Meyon. 9Yaangã sẽnẽ, bãmb dag n bee hal we-raoogã noore, Efrat kʋɩlgã sẽnẽ. Bala, b rũmsã rag n yaa wʋsg Galaad tẽngã. 10A Sayull rĩungã wakate, a Rubɛn yagensã zaba ne Hagaar nebã n tõog-ba. Bãmb deega b fu-rotã n kẽ n zĩndi, n soog Galaad soolmã yaang tẽmsã fãa.

A Gaad yagense

11Gaad yagensã sẽn dag n beẽ wã teesa bãmba, sẽn sɩng ne Basan tẽngã n tɩ tãag Salka yaanga. 12A Zowɛll n dag n yaa naabã, t'a Safam pʋgda, t'a Yanayi ne a Safat sẽn be Basandã pʋgda. 13Bãmb ba-biis a yopoe wã yʋy la woto buud-buudu: a Mikayɛlle, a Mesulam, a Seba, a Yorayi, a Yakan, a Ziya, ne a Ebɛɛre. 14A Abigayɩll yagens la woto: yaa a Uuri kom-dibli, a Yaroa kom-dibli, a Galaad kom-dibli, a Mikayɛll kom-dibli, a Yesisayi kom-dibli, a Yado kom-dibli, ne a Buuz kom-dibli. 15A Guni biig a Abdiyɛll biig a Ayi, n dag n yaa b buudã naabã. 16B rag n bee Galaad ne Basã, la tẽms nins fãa bãmb sẽn dag n so wã, n paas ne Saaron tẽn-kɩremsã n tɩ tãag b todsã.

17B sõda bãmb fãa Zʋʋda rĩm a Zotam ne Israyɛll dĩm a Zeroboaam wakatẽ wã.

18A Rubɛn yagensã sẽn yaa Gaad buudã, ne Manaase buudã pʋɩ-sʋkã rag n tara gãndaad sẽn tõe n bob gãnd ne zabr sʋʋse, la sẽn yaa tãb-tãoodba. Sẽn tõe n bob-b zab-teedã sõor yaa neb tus pis-naas la a naas la kobs-yopoe la pis-yoobe. 19Bãmb zaba ne Hagaar nebã, la ne a Yetʋʋr la a Nafiis ne a Nodaabe. 20Bãmb paamame tɩ b sõng-b n zab ne Hagaar nebã. Dẽ, b yõga Hagaar nebã ne neb nins fãa sẽn dag n be ne bãmbã. Bala, zabrã wakate, bãmb kelem n boola Wẽnnaam, la Wẽnnaam leoka b kosgã, b sẽn dag n dɩk b teegrã n teeg Wẽnnaamã yĩnga. 21B yõga b rũmsã fãa: yaa yʋgma tus pis-nu, rũm-bãooneg tus kobessi la pis-nu, bõens tus a yiibu, n paas neb tus koabga. 22Bãmb tõog n kʋ b bɛɛbã sʋk neb wʋsg tɩ bala, Wẽnnaam meng n zab zabrã. Dẽ, bãmb deega Hagaar nebã tẽnga, n zĩnd be n tãag wakat ning b sẽn tall-b n loog yembdã.

A Manaase yagensã sẽn be Zʋrdẽ kʋɩlgã rʋʋndã

23A Manaase buudã pʋɩ-sʋk rag n bee tẽngã pʋga, sẽn sɩng ne Basan n tɩ tãag Baall-Hɛrmon ne Seniir la Ɛrmon tãngã. Bãmb dag n yaa wʋsgo. 24B buudã nanambs la woto: yaa a Efɛɛre, a Yiseyi, a Eliyɛlle, a Azriyɛlle, a Zeremi, la a Odaviya ne a Yadiyɛlle, n paas gãndaado, ne nin-kãsems sẽn yaa b buudã kãsem-dãmba.

25La bãmb maana sẽn kisi, n beeg b yaab-rãmbã Wẽnnaam, n paam lagem-n-taar ne tẽms nins Wẽnnaam sẽn dag n sãam bãmb nifẽ wã wẽnnaam-dãmba. 26#2Rĩm 15.19, 2Rĩm 15.29, 2Rĩm 17.6Israyɛll Wẽnnaamã pirsa Asiiri rĩm a Pulli, ne Asiiri rĩm a Tɩlgat-Pilnezɛɛre, n kɩt t'a Tɩlgat-Pilnezɛɛr yõg Rubɛn nebã ne Manaase buudã pʋɩ-sʋk n tɩ kẽes yembdo. A tall-b lame n kẽng Hala, Haboore, Haara, Gozan kʋɩlgã noore, la b keta beenẽ n tãag rũndã.

A Leevi yagensã sẽn yaa maan-kʋʋr kãsem-dãmbã

(Sɩng 46.11, Sõd 26.59-60)

27A Leevi kom-dibli la woto: yaa a Gɛrson ne a Kehat la a Meraari. 28A Kehat kom-dibli yaa a Aram, a Yitsaare, a Ebrõ ne a Uziyɛlle. 29A Amram kom-dibli yaa a Aarõ, a Moyiisi, ne a Miryam. A Aarõ kom-dibli yaa a Nadaabe, a Abiyu, a Eleyazaare, ne a Itamaare.

30A Eleyazaar doga a Fineyaase, t'a Fineyaas rog a Abisuwa, 31t'a Abisuwa rog a Buki, t'a Buki rog a Uuzi, 32t'a Uuzi rog a Zeraya, t'a Zeraya rog a Merayote, 33t'a Merayot roga a Amariya, t'a Amariya rog a Akituube, 34t'a Akituub rog a Sadoke, t'a Sadok rog a Ayimaase, 35t'a Ayimaas rog a Azariya, t'a Azariya rog a Yohanan, 36t'a Yohanan rog a Azariya sẽn dag n yaa roog ning a Salmo sẽn dag n me Zeruzalɛm pʋgẽ wã maan-kʋʋda. 37A Azariya roga a Amariya, t'a Amariya rog a Akituube, 38t'a Akituub rog a Sadoke, t'a Sadok rog a Salum, 39t'a Salum rog a Hilkiiza, t'a Hilkiiza rog a Azariya, 40t'a Azariya rog a Seraya, t'a Seraya rog a Yehosadake. 41A Yehosadak looga wakat ning Sẽn-Ka-Saab sẽn kɩt t'a Nebukatnedzaar yõg Zʋʋda ne Zeruzalɛm nebã n tall n kẽng yembdã.

Currently Selected:

1 Kibayã 5: MPBU

Highlight

Copy

Compare