1 Kibayã 7

A Yisakaar yagense

(Sɩng 46.13, Sõd 26.23-24, Bʋ 10.1)

1A Yisakaar doga kom-dibli a naase: yaa a Tola, a Puwa, a Yasuubi, ne a Sɩmron. 2A Tola kom-dibli yaa a Uuzi, a Refaya, a Yeriyɛlle, a Yamayi, la a Yibsam ne a Sãmwɛlle. Bãmb n dag n yaa a Tola buudã kãsem-dãmba. B rag n yaa gãndaado, wa sẽn zems b roto. A Davɩɩd zamaanẽ wã, b sõorã rag n yaa neb tus pisi la a yiib la kobs-yoobe. 3A Uuzi biig yaa a Yizraya. A Yizraya kom-dibli yaa a Misɛlle, a Abdyaase, a Zowɛlle, la a Yisiya. Bãmb dag n yaa kãsem-dãmb a nu. 4B rag n tara tãb-biis tus pis-tã la a yoob zabrã yĩnga, wa sẽn zems b rot la b buudu. Bala, b rag n tara pagb ne kom-dibli wʋsgo. 5A Yisakaar dotã fãa pʋgẽ, bãmb saam-biisã sẽn yaa gãndaadã b sẽn sõdã sõor dag n yaa raop pis-nii la a yopoe.

A Benzame yagense

(Sɩng 46.21, Sõd 26.38-39)

6A Benzame doga kom-dibli a tãabo: yaa a Bela, a Bekɛɛre ne a Yediyayɛlle. 7A Bela kom-dibli yaa a Ɛtsbon, a Uuzi, a Uziyɛlle, a Yerimote, la a Uuri. Bãmb b nu wã rag n yaa buud kãsem-dãmba, n yaa gãndaado. B buudã neb nins b sẽn sõdã yaa neb tus pisi la a yiib la pis-tã la a naase. 8A Bekɛɛr kom-dibli yaa a Zemira, a Yowaase, a Eliyezɛɛre, a Eliyohenayi, a Omri, a Yeremote, a Abiya, a Anatote, ne a Alemete. Nin-bãmbã fãa yaa a Bekɛɛr kom-dibli. 9B sõda bãmb roog-roogo, n yãk-b tɩ b yaa buud nanambse, la gãndaado. B sõorã rag n yaa neb tus pisi la kobessi. 10A Yediyayɛll biig yaa a Bilan. A Bilan kom-dibli yaa a Yewuusi, a Benzame, a Ewuudi, a Kenaana, a Zetan, a Tarsɩɩse, ne a Ayisahaare. 11Nin-bãmbã fãa yaa a Yediyayɛll kom-dibli nins sẽn yaa b buudã kãsem-dãmb la gãndaadã. Raop nins sẽn tõe n bob zab-teed n kẽng zabrã sõor yaa neb tus piig la a yopoe la kobs-yi.

12A Supim la a Hupim dag n yaa a Iir kom-dibli, t'a Husim dag n yaa a Ahɛɛr biiga.

A Neftali ne a Manaase yagense

(Sɩng 46.24, Sõd 26.48-50)

13A Neftali kom-dibli yaa a Yatsiyɛlle, a Guni, a Yetsɛɛre, ne a Salum. Bãmb yaa a Bila kom-dibli.

14A Manaase kom-dibli la woto: a Asriyɛll sẽn yaa yẽnda pʋg-rɩkdg ning sẽn yaa Siiri bi-puglã biigã. Yẽnda roga a Makɩɩr sẽn yaa a Galaad ba wã. 15A Makɩɩr peega pagb n kõ a Hupim ne a Supim. A tão-poakã yʋʋr dag n yaa a Maaka. A bi-ribl a yiib soabã yʋʋr dag n yaa a Selofaade. A Selofaad roga kom-pugli bala. 16A Makɩɩr pag a Maaka roga biiga, n pʋd a yʋʋr t'a Perɛɛze. A Perɛɛz ba-biigã yʋʋr dag n yaa a Sarɛɛse. A Sarɛɛs kom-dibli yaa a Ulam ne a Rekɛm. 17A Ulam doga a Bedan. Bãmb n dag n yaa Manaase biig a Makɩɩr biig a Galaad yagense. 18A Galaad tão-poak a Ha-Molekɛt roga a Yisood ne a Abiyezɛɛr la a Mala. 19A Semida kom-dibli rag n yaa a Ahiyan, a Sɩkɛm, a Liki, ne a Aniyam.

A Efrayiim yagense

20A Efrayiim yagens la woto: a Efrayiim doga a Sutela, t'a Sutela rog a Berɛɛde, t'a Berɛɛd dog a Tahate, t'a Tahat rog a Eleyaada, t'a Eleyaada rog a Tahate, 21t'a Tahat rog a Zabaade, t'a Zabaad rog a Sutela. A Ezɛɛr ne a Eleyaad me yaa a Efrayiim kom-dibli. Gat neb nins sẽn dog tẽngã pʋgẽ wã kʋʋ bãmb b yiibã, b sẽn kẽng n na n tɩ yõg Gat nebã rũmsã yĩnga. 22Bãmb ba a Efrayiim yãba b kʋʋr n kaoos wʋsgo, la a ba-biisã waame n na n bels a sũuri. 23Dẽ zugẽ, yẽnda kẽe ne a pagã t'a rɩk pʋg n dog bi-ribla, t'a pʋd a yʋʋr t'a Beriya tɩ bala, yẽnda zakã pʋg rag n yaa toogo. 24A Efrayiim doga bi-pugl me, t'a yʋʋr boondẽ t'a Seera. A Seera n me Bɛt-Horon sẽn be longẽ wã, ne Bɛt-Horon sẽn be tãmsã zĩisẽ wã, la Uuzen-Seera. 25A Uuzen-Seera roga a Refa, ne a Resɛfe, t'a Resɛf rog a Tela, t'a Tela rog a Tahan, 26t'a Tahan rog a Ladan, t'a Ladan rog a Amihuudi, t'a Amihuud dog a Elisama, 27t'a Elisama rog a Nun, t'a Nun rog a Zozoe.

28Tẽms nins Efrayiim yagensã sẽn dag n so wã yaa Betɛll ne a tẽn-kɩremsã, Naaran sẽn be yaangã, Gezɛɛr ne a tẽn-kɩremsã sẽn be nin-taoorã, Sɩkɛm ne a tẽn-kɩremsã, hal n tɩ tãag Aya ne a tẽn-kɩremsã.

29A Manaase kom-dibli wã rag n soo Bɛt-Seyan ne a tẽn-kɩremsã, Taanak ne a tẽn-kɩremsã, Megido ne a tẽn-kɩremsã, n paas Door ne a tẽn-kɩremsã. Yaa tẽn-bãmb pʋsẽ la a Israyɛll biig a Zozɛf kom-dibli wã rag n be.

A Asɛɛr yagense

(Sɩng 46.17, Sõd 26.44-45)

30A Asɛɛr kom-dibli la woto: yaa a Yimna, a Yisva, a Yisvi ne a Beriya, n paas b tão-poak a Seera. 31A Beriya kom-dibli yaa a Ebɛɛr ne a Malkiyɛlle. A Malkiyɛll n yaa a Birzot ba. 32A Hebɛɛr kom-dibli yaa a Yaflɛte, a Semeere, a Otam, n paas b tão a Suwa. 33A Yaflɛt roga a Pasak ne a Bimhal la a Asvate. Nin-bãmbã yaa a Yaflɛt kom-dibli. 34A Semeer kom-dibli yaa a Ayi ne a Royega, la a Uba ne a Aram. 35A Semeer ba-biig a Helɛm kom-dibli yaa a Sofa, a Yimna, a Selɛɛse, ne a Amalle. 36A Sofa kom-dibli yaa a Suwa, a Arnefɛɛre, a Suwalle, a Beeri, a Yimra, 37a Betsɛɛre, a Hoode, a Sama, a Silsa, la a Yitran ne a Beera. 38A Yetɛɛr kom-dibli yaa a Yefune ne a Pispa la a Aara.

39A Ula kom-dibli yaa a Aara, a Haniyɛlle, ne a Ritsiya.

40Nin-bãmbã fãa yaa Asɛɛr yagens nins sẽn dag n yaa b buudã kãsem-dãmba, neb b sẽn tũusi, la gãndaado, la nanambs taoor dãmba. B sõda bãmb n kõ-b zab-teed zabr yĩnga, la b sõorã yaa neb tus pisi la a yoobe.

Currently Selected:

1 Kibayã 7: MPBU

Highlight

Copy

Compare