1 Kibayã 4

A Zʋʋda yagens a taaba

1A Zʋʋda kom-dibli la woto: yaa a Perɛɛze, a Hɛsron, a Karmi, ne a Ʋʋr la a Soballe. 2A Soball biig a Rehaya roga a Yahate, t'a Yahat rog a Ahumayi ne a Lahaade. Bãmb yaa a Soreya buudã nebã.

3A Etam ba wã yagens la woto: yaa a Yizreyɛlle, a Yisma, ne a Yidbaase. Bãmb dag n tara tão-poak t'a yʋʋr boondẽ t'a Hatselɛlponi. 4A Penuwɛll rag n yaa a Gedoor ba, t'a Ezɛɛr dag n yaa a Uusa ba. Bãmb dag n yaa a Efrata bi-kãseng a Ʋʋr kom-dibli. A Ʋʋr n yaa a Betlehɛm ba. 5A Asewʋʋr sẽn dag n yaa a Tekoa ba wã rag n tara pagb a yiibu: yaa a Eleya ne a Naara. 6A Naara roga yẽnda kom-dibli: yaa a Awuzam ne a Efɛɛr la a Temeni ne a Ahastari. 7A Eleya kom-dibli yaa a Serɛt ne a Sowaar la a Ɛtnan.

8A Kots roga a Anuub ne a Hatsobeba, n paas a Harum biig a Aharɛll roogã nebã. 9B rag n nanda a Yabɛɛs n yɩɩd a ba-biisã. A ma pʋda a yʋʋr t'a Yabɛɛs n yeele: Yaa yẽnda rogmã sẽn yɩ toog ne maamã yĩnga. 10A Yabɛɛs pʋʋsame n kos Israyɛll Wẽnnaamã tɩ b ning a zug bark n yalg a soolmã, la b tẽeg b nug n kogl-a, la b zãag-a ne toog la namsg buud fãa. Dẽ, Wẽnnaam maana a sẽn kosã n kõ-a.

11A Suwa ba-biig a Keluub roga a Meyɩɩr sẽn dag n yaa a Ɛston ba wã. 12A Ɛston doga a Rafa buudã, ne a Paseya buudã, la a Teyina buudã. A Teyina rag n yaa a Nahaas ba. Bãmb n dag n yaa Reka tẽngã raopa.

13A Kenaaz kom-dibli yaa a Otniyɛll ne a Seraya. A Otniyɛll roga a Hatate, 14t'a Mewonotayi rog a Ofra, t'a Seraya rog a Zoaab sẽn dag n yaa nus-tʋʋm dãmbã tãn-long ba wã. Bala, nin-bãmb dag n yaa nus-tʋʋm dãmba.

15A Yefune bi-ribl a Kalɛɛb kom-dibli la woto: yaa a Iru, a Ela, a Naam, n paas a Ela kom-dibli wã ne a Kenaaze.

16A Yehalelɛll kom-dibli yaa a Zɩf ne a Zifa, la a Tɩrya ne a Azareyɛlle.

17A Ɛsdraas kom-dibli yaa a Yetɛɛre, a Merɛɛde, a Efɛɛre, ne a Yalon. A Merɛɛd pagã roga a Miryam, a Samayi la a Yisba sẽn yaa a Ɛstemoa ba wã. 18A Merɛɛd pag a to sẽn dag n yaa Zʋʋde tẽng bi-puglã roga a Yerɛɛd sẽn yaa Gedoor ba wã, ne a Ebɛɛr sẽn yaa a Soko ba wã, la a Yekutiyɛll sẽn yaa a Zanoa ba wã. Nin-bãmb n dag n yaa a Merɛɛd pag a Bitiya sẽn yaa Faarõ bi-puglã kom-dibli.

19A Odiya pag ning sẽn yaa a Naham tão-poakã kom-dibli yaa a Keyila ba wã sẽn yaa Garmi nedã, ne Maakat rao a Ɛstemoa.

20A Sɩmo kom-dibli yaa a Amno, a Rina, la a Bɛn-Anan ne a Tɩlon. A Yiseyi kom-dibli yaa a Zowɛt ne a Ben-Zowɛte.

21Zʋʋda kom-dibli wã sẽn yaa Sela yagensã la woto: yaa a Ɛɛr sẽn yaa a Leka ba wã, ne a Laada sẽn yaa a Maresa ba wã, la sẽn wʋgd-b gĩs-bãanesã sẽn yaa a Asbeya buudã roogo, 22la a Yokim, ne Kozeba neb a Zoaas ne a Saraf sẽn dag n zab n deeg Moaab soolmã, ne Yasubi-Lehɛm. Kiba-kãens fãa yaa kiba-kʋda. 23Bãmb dag n yaa yagba, n vɩ zẽed ne yãg zĩisẽ, la b rag n bee ne rĩmã n tʋmd a tʋʋmã.

A Sɩmyõ yagense

(Sɩng 46.10, Sõd 26.12-13)

24A Sɩmyõ kom-dibli yaa a Nemuwɛlle, a Yamin, a Yariibi, a Zeera, n paas a Sayulli. 25A Sayull doga a Salum, t'a Salum dog a Mibsam, t'a Mibsam dog a Misma. 26A Misma roga a Hamuwɛlle, t'a Hamuwɛll dog a Zakʋʋre, t'a Zakʋʋr dog a Simeyi. 27A Simeyi roga kom-dibli piig la a yoobe, la kom-pugli a yoobe. Yẽnda ba-biisã ka rog kamb wʋsg ye. Dẽ kɩtame tɩ bãmb buudã ka fɩɩg wa Zʋʋda kom-dibli wã ye.

28 # Zoz 19.2-8 Bãmb dag n bee Bɛɛr-Seba, Molaada, Hasaar-Suwalle, 29Bila, Ɛtsɛm, Tolaade, 30Betuwɛlle, Orma, Siklaage, 31Bɛt-Markabote, Atsaar-Susim, Bɛt-Bireyi, ne Saarayim. Yaa tẽn-bãmb pʋs la bãmb zĩnd hal n tãag a Davɩɩd rĩungã wakate, 32n paas ne tẽn-bãooneg a nu wã bãmb sẽn so wã: yaa Etam ne Ayin la Rimon ne Tokɛn la Aaza n, 33n paas ne tẽn-bãooneg nins sẽn dag n karg n gũbg tẽn-kãensã, hal n tãag Baalle. Tẽms nins bãmb sẽn zĩndã, ne b buudã neb nins yʋy sẽn be sõadgã sɛb pʋsẽ wã la woto.

34Nanambsã ne b buudã neb yʋy la woto: yaa a Mesobaabe, a Yamlɛke, a Amatsɩya biig a Yosa, 35a Zowɛlle, a Aziyɛll biig a Seraya biig a Yosibiya biig a Zehu, 36la a Eliyohenayi, a Yakoba, a Yesohaya, a Aazaya, a Adiyɛlle, a Yesimiyɛlle, a Benaya, 37a Semaya biig a Simri biig a Yedaya biig a Alõ biig a Sifeyi biig a Ziiza. 38Neb nins yʋy b sẽn sõdgã rag n yaa b buudã rot nanambse, la b buudã fɩɩga hal wʋsgo. 39Bãmb kẽnga Gedoor tẽngã rignoor sẽnẽ, hal n tɩ tãag tãn-longã yaanga, n na n tɩ bao wãbneg zĩis b rũm-bãoonegã yĩnga. 40Bãmb kẽng n tɩ yãnda wãbneg zĩis sẽn yaa sõama, ne tẽng sẽn yalem wʋsgo, n tar laafɩ la bãane. Neb nins sẽn dag n zĩnd tẽn-kãng pʋgẽ wã rag n yaa a Sam yagense. 41La Zʋʋda rĩm a Ezekɩyaas wakatẽ wã, b sẽn gʋls neb nins yʋy sebrã pʋgã wa n sãama fu-rotã ne b soondgã zĩis sẽn dag n be beenẽ wã, la b kʋ tẽngã neb gill tɩ b menem hal tɩ ta rũndã. Dẽ, b reega bãmb zĩig n zĩnd beenẽ, bala, wãbneg zĩis rag n bee beenẽ b rũm-bãoonegã yĩnga.

42A Sɩmyõ buudã neb kobs-nu me rag n kẽnga Seyɩɩr soolem ning sẽn be tãms sʋkã. A Yiseyi kom-dibli wã n dag n yaa bãmb taoor dãmba: yaa a Pelatiya, a Neyariya, la a Refaya ne a Uziyɛlle. 43Bãmb kʋʋ Amalɛk yagens nins sẽn dag n põsã, la b reeg b tẽngã n zĩnd be hal tɩ ta rũndã.

Currently Selected:

1 Kibayã 4: MPBU

Highlight

Copy

Compare