Sakari 9
9
Mi yanduanma saawalo
9—14
1O Diedo mayedikaama nne:
O Diedo maama pundi Hadilaki diema,
Mi pendi ki ban pundi hali Damasi dogu,
Kelima o naa die Isidayeli buoli bebe ka,
O die bi nisaaliba kule. #Esa 17.1-3; Jer 49.23-27; Amo 1.3-5.
2O maadi leni Hamati dogu yuu
N kuu Damasi yeni yaaba moko.
O maadi leni Tiiri leni Sidon yaaba,
Bani yaaba n pia mi yanfuoma boncianla yeni.
3Tiiri yaaba maa u kaanpaalu,
Ki dogini ŋanjilifa leni wula nani mi tama yeni.
4Ama o Diedo baa fie ban pia yaala kuli,
O baa lu bi bilinciami mi ñincianma nni,
Ki teni u mu n je u dogu yeni.#Esa 23.1-18; Esk 26.1—28.26; Jl 4.4-8; Amo 1.9-10; Mat 11.21-22; Luk 10.13-14.
5Asikalon dogu yaaba baa le lani ki jie,
Gasa yaaba moko baa digibi boncianla.
Ekiron yaaba moko baa soani yene,
Kelima ban bi jigini yaala cie bi jigi.
Gasa dogu baa luo bado,
Asikalon dogu mo n luo niba. #Esa 14.29-31; Jer 47.1-7; Esk 25.15-17; Jl 4.4-8; Amo 1.6-8; Sof 2.4-7.
6I nibuoli boncianla baa taani
Ki kaali ki yaa ye Asidodi dogu nni.
O Diedo yedi: «N baa jiini
Filisiti yaaba japaadi.
7Ama n baa teni ban da go ŋmani
Ti nandi leni mi soama,
Leni min kuani n niba yaa jiema.
Bi siiga yaaba n ciadi baa yaa tie n niba,
Nani Juda buolu siiga cuuyenli yeni.
Ekiron yaaba baa tua n niba nani Jebusi yaaba yeni.
8N baa yaa guu n diema,
Ki koani ki gaa ma yaa toagola n fii mi po kani.
Oba kuli kan go waani n niba fala,
Kelima moala n maani n nuni bi po.»
Yaa bado n baa cuani mi yanduanma
9Mangi mani yi pala,
Yinba Siyon dogu yaaba!
Kpaani mani i pamandankpaani,
Yinba Jerusalemi yaaba!
Diidi mani, yi bado kpendi yi kani!
O tiegi, ki paadi li bonla kuli mo!
O dingi, ki jagi o ŋunbo!
O jagi ŋunbiga, ŋunñua biga! #Mat 21.5; Jan 12.15.
10O baa bolini ti toateliti
Efrayimi buolu siiga,
Ki bolini i taami mo bani
Jerusalemi yaaba siiga.
O baa kua bi dabana,
Ki teni mi yanduanma n yaa ye i nilanbuoli siiga.
O baa yaa die, ki cili ñincianma kani
Ki ban tuoni hali ñincianma,
Ki cili Efrati kpenu ki ban tuoni hali u tinbianu. #Ps 72.8.
Yaaba n ye ti yonbidi faabima
11O Diedo yedi:
«N ñani yi yonbi yaaba n ye
Yaa kpaadidieli n tie nani li caakuonli yeni nni.
N faabi ba kelima yaa ŋantaado n ye
Mini leni yinba siiga,
A pada soama n doagidi
Ke yaa ŋantaado n ye moamoani yeni. #Ñam 24.8.
12Yinba yaa kpaada n sugini ki baa mi faabima,
Lebidi ki kuni mani yi dogu po,
Ban guani ki maa yuu yaa bilini yeni.
Dinla n yedi ke n baa seligi yi hali taalimilie,
Yin laa yaa fala kuli po.
13N baa taa Juda buolu,
Ban tua nani o toatielo dabanli yeni,
Efrayimi buolu mo n tua nani i piemi yeni.
N baa taa Siyon yaaba ban tua
Nani o jakoando jugisiega,
Ki koani leni Gireki diema.»
14O Diedo baa doagidi o niba yula po,
O piemu baa gedi nani mi tañigima yeni.
Li Miali Diedo U Tienu, baa piebi li naatuntunli,
Ki yegi leni ganu po tafaaciangu ki cua.
15Li Miali Diedo U Paalu Kuli Daano baa kubi o niba,
Ki ŋaa o tatana n bolini bi yibalinba,
Ki teni bi soama n puubi nani duven yeni,
Yaa ka nani yaa soama n gbie bi kopadicianba
N yen kubi yaa tadimu ki miini
Li padibinbinli yina po yeni.
16Lanyogunu, o Diedo baa faabi ba
Nani o yankpaalo n baa faabi o yankulu maama.
Bi baa yaa ñuliti bi diema nni,
Nani yaa tana n pia mayuli ki yen
Taabi mu badifogilimu po maama yeni.
17Bi diema baa yaa mani ki go ŋani mo.
Likani ŋalikama leni
O duvenpaano baa teni
Bi jawaaba leni bi jafanba
N yaa fandi leni u gbanmanu.
Currently Selected:
Sakari 9: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
