Loma 13
13
Tuo mani li bali danba n bili yaala
1Nilo kuli n tuo mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli. 2Lanwani, yua n yie li bali danba maama, yie U Tienu ñoamabonle. Yaaba n yie ma, baa cuani bi yula po u cuonu. 3Yua n tiendi yaala n tiegi kan yaa jie mi diema bali danba, se yua n tiendi yaala n bia. A bua ki da jie li bali daano? Yaa tiendi yaala n tiegi, yeni, o baa pagi a. 4Li bali daano tie U Tienu naacemo, yua n tuuni a ŋamu po. Ama a yaa tiendi yaala n bia ŋan yaa jie, kelima wan bali ki jugisiega yeni, laa tie fanma fanma po ka. O tie U Tienu naacemo, ki baa teni yaaba n tiendi mi biadima, ki fiini U Tienu pali n baa bi biadima panpaani. 5Lanwani, li tie tiladi yin tuo ki yaa ŋua mi diema bali danba. Laa tie kelima bi baa fidi ki cuo yi bebe ka, ama yi pala siedi moko yaa po.
6Li tie lani yaa po yo, ke yi pa li lubili moko. Mi diema bali danba tie U Tienu naacenba laa tuonli po. #Mat 22.21; Mrk 12.17; Luk 20.25. 7Lanwani, yin pa bikuli yaala n bili. Li yaa tie o lubigaalo, yin pa o li lubili, li yaa tie li bancanli danba, yin pa ba li bancanli. Yua n pundi ki baa li fangili, yin fangi o. Yua n pundi ki baa ti jigidi, yin jigini o.
Mi buama yi lieba po
8Yin da pia panli oba kuli po, li yàá tie yi lieba buama panli yaa ka. Yua n bua o lielo, kubi U Tienu bali maama n bili yaala cain. 9Lani yaa po yo, ke U Tienu mabilikaama yedi: Ŋan da conbi, ŋan da kpa nilo, ŋan da su, ŋan da tieni mi siedifaama, ŋan da pia li nunponbiadili. Lani leni yaa mabilikaama n sieni kuli, taani yaa mabilikaama n tie ne yaa niinne: Ŋan bua a lielo nani ŋan bua a yuli maama yeni. #Ñam 20.13-15,17; Tia 5.17-19,21; Lev 19.18. 10Yua n bua o lielo kan tieni o yaala n bia, kelima li bali maama kuli taani ki ye mi buama nne.
Yin bogini ki yaa guu Jesu cuama
11Moala u yogunu pundi ke yin fundi yi guama nni, kelima mi faabima yogunu nagini moala ki cie tin den daani yaa yogunu. 12Ku ñiagu bii ke li waagi, mi faama nagini. Lanwani, tin landi li biigili yaa tuonbiada, ki nan la mi yenma tuonŋama, nani ti toatiadi yeni. 13Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli. 14Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.
Currently Selected:
Loma 13: BGP
Highlight
Share
Compare
Copy
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
