Mi Doagidima 18
18
U dociamu Babilonni bodima
1Li yaa puoli, n den laa malekitoa ke o ñani tanpoli po ki ji. O den pia li bali boncianla, o kpiagidi mo den yendi ki tinga. 2O den kpaani leni u nialiciamu ki tua:
«U baa, u baa, u dociamu Babilonni baa.
U tua mu cicibiadimu yekaanu,
Muni i bilisinba buoli kuli yekaanu,
Leni yaa bonyugiditi n joagini
Ki gundi mo n jiidi naankani. #Esa 13.21; 21.9; Jer 50.39; 51.8; Doa 14.8.
3U tua yeni, kelima i nibuoli kuli den ñuni,
Yaa duven n tie u pabienli conconma#18.3 Laa conconma tie yaa jaanma n kaa tie o Diedo sanŋoadima kuli. ki gaadi.
Ki tinga badiba den ŋua u ki conbi leni u.
Ki tinga kpenda mo den tua piada,
Kelima u yeŋanbua-kandikaama po.» #Esa 23.17; Jer 51.7.
4N go den gbadi nialito ke u maadi tanpoli po ki yedi:
«Yinba n niba, yin ña mani u niinni,
Ke yin da taani leni u u tuonbiadi nni,
Ke yin da ti taani leni u u falabiado nni. #Esa 48.20; Jer 50.8; 51.6,45.
5U tuonbiadi dogini ki pundi hali tanpoli po,
U Tienu mo tiadi wun tieni yaa biadima kuli. #Cil 18.20-21; Jer 51.9.
6Guani u nani wun den tieni yi maama,
Ki pa u taalimilie wun den tieni yaala po.
Wun den tieni duven yeni
Yaa tadiñokaaga nni,
Tieni mani upo yeni taalimilie. #Ps 137.8; Jer 50.29.
7Wun den kpiagidi u yuli
Ki kuani u yama mi yemanma nni
Ke li pendi ki pundi yaa bianu,
Pa u mani mi funfunma leni li paboanli
Ki pundi laa bianu, kelima u yedi u pali nni:
‹N kaa li bali kalikaanu ki tie puobado,
Mii tie kpepuoli ka.
N kan le kuuma paboanli.› #Esa 47.7-9.
8Lani kuli yaa po yaa falabiadi n tie ne baa baa upo dayenli: Mi kuuma, li paboanli leni mi konbiadima. Bi baa buoni u leni u mu, kelima U Tienu, yua n jia u buudi ki cuo u, pia u paalu.
9Ki tinga badiba yaaba n den ŋua u ki conbi leni u, ki taani leni u, ki puni bi yula wun den ye yaa yemanma nni hali ke li pendi, bi yaa laa u buonma muñii, bi baa buudi ki mua upo i kumoe. 10Ti jawaandi baa cuo ba, kelima u funfunma po, ban piadi ki sedi foagima ki tiani:
‹Fala, fala, fini u dociamu,
Fini Babilonni,
Yaa dogu n den pia u paalu.
A buudi baa a po yenma
Ki yoginjenjenga nni.› #Esk 26.16-17.
11Ki tinga kpenda pala baa boandi, bi baa buudi upo, kelima oba kuli ki go daa ban caa foagima ki ban kpendinni yaa tiadi. #Esk 27.31,36. 12Laa tiadi tie wula, ŋanjilifa, yaa tanbila n pia mayuli boncianla, yaa lanbima yaa dunga pa boncianla, len caba, yaa caba n moani, ya n yi sua leni ya n moani colicoli, yaa daadi n pia u nuulumanu buoli kuli, yaa tiabuoli n tagi leni a luonñina, yaa tiabuoli n tagi leni yaa daadi n ŋani boncianla, yaa tiadi n tagi leni ti kumoandi leni ti kuboandi, yaa tanpiena buolu n ŋani boncianla, #Esk 27.12-13,22. 13sinamomi dapaga, yaa tisinma yaa nuulu n mani, tulale, mili, a dugibila, duven, mi kpama, mi yonŋanma, ŋalikama i ne leni i pe, i taami leni ti toateliti, i yonbi leni bi naani.
14Ki tinga kpenda go baa yedi laa dogu: ‹A nuni n den moani yaa bonluonkaala po kuli foagidi leni a. Ŋan den kpie yaa kpama nni, ki pia yaa kpiagidi kuli pendi, a kan go le la abada.› 15Yaa kpenda n den baa mi piama u dociamu yeni niinni, baa piadi ki sedi foagima, kelima u funfunma jawaandi po. Bi pala baa boandi ban buudi, #Esk 27.31,36. 16ki yedi:
‹Ŋain, o falaciamo baa u dociamu,
Yaa dogu n den laa len tiadi,
Ki go laa ti tiamoandi
Leni yaadi n moani colicoli,
Ki bobi wula leni yaa tanbila
N pia mayuli boncianla
Ki ñuliti ki pelini
Leni yaa lanbima yaa dunga n pa.
Laa ŋalimanciamo kuli
Bodi yenma ki yoginjenjenga nni.›
17Ti ñinbiaciandi danba, yaaba n kua ti niinni, ti tuonsoanba leni yaaba n tuuni bi tuonli mi ñincianma nni kuli den piadi ki sedi foagima, #Esa 23.14; Esk 27.26-30. 18ki laa u dogu yeni buonma muñii ki tiani: ‹U laa dogu n den naani leni u naa dociamu?› #Esk 27.32. 19Bi den taa mi tama ki wuli bi yula po, ki mua i kumoe, ki tangi: ‹Fala, fala baa u dociamu, yuu yaa piacianma po n den teni ke yaaba n pia ti ñinbiaciandi mi ñincianma nni kuli tua piada. U bodi yenma yoginjenjenga nni nilo ki go ye u niinni.› #Esk 27.30-34.
20Tanpoli, mangi a pali u bodima po.
Yinba bi nigagidiŋanba,
Bi tondiba leni bi saawalipuaba kuli
Mo n mangi yi pala,
Kelima U Tienu tuu yi po li panli ki jia u buudi.» #Tia 32.43; Jer 51.48.
21Lani, yaa maleki n pia u paalu boncianla, den yua yaa tancianli n naani leni li naacianli, ki luni li mi ñincianma nni ki yedi:
«Yene ke bi baa pieni
Ki lu u dociamu Babilonni,
Ke bi kan go le u abada. #Jer 51.63-64; Esk 26.21.
22Fini Babilonni,
Bi kan go gbadi a niinni
Bi gogidipuaba leni ti baantiadi,
Yaaba n piebi mu yelimu,
Leni yaaba n piebi kakacinba niali abada.
Bi kan go le tuonbanmiba kuli daano
A niinni abada.
Bi kan go gbadi naali moe a niinni abada. #Esk 26.13; Esa 24.8.
23Ki fidisanga yenma
Kan go yendi a niinni abada.
Bi kan go gbadi li puocaan-pamanli
Niali a niinni abada,
Kelima a kpenda den tie
Bi nicianba ki tinga nni,
A den boandi i nibuoli kuli
Leni a tanbipuali.#Jer 7.34; 25.10.
24Fini Babilonni niinni ke bi den laa bi saawalipuaba, bi nigagidiŋanba leni ban den kodi yaaba ki tinga nni kuli yaa soama.» #Jer 51.49.
Currently Selected:
Mi Doagidima 18: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
