Mi Doagidima 17
17
Li puoconconbiadili
1Lani, yaa malekileleediba n den kubi tadibuomulele yeni siiga nni, yendo den cua n kani ki maadi leni nni ki yedi: «Cua na! N baa waani a ban baa jia li puoconconcianli yaali n kaa mi ñincianma po yaa buudi, ki cuo li yaa cuonu. #Jer 51.13. 2Ki tinga nni badiba den ŋua o ki conbi leni o. Ki tinga yaaba mo ñuni o conconma duven ki gaadi.» #Esa 23.17; Jer 51.7.
3O den taa nni nani ti dangidi yeni, ki gedini nni mi fanpienma po. N den laa o pua ke o jagi yaa fuayanga n moani, ke yaa yela n sugidi U Tienu taabi ki kaani kuli. Ki den pia yulalele leni yina piiga. #Doa 13.1. 4O pua yeni den yie ti tiamoandi leni yaadi n moani colicoli, ki go bobi wula, yaa tanbila n pia mayuli leni yaa lanbima yaa dunga pa boncianla. O den muubi wula tadiñokaaga ke ki gbie leni o conconma cagindi leni mi joagindi kuli. #Jer 51.7. 5O yutunli po den pia yaa yeli n tie bondoaginkaala: “U dociamu Babilonni, a puoconcona leni ki tinga cagindi kuli yaa naa.” 6N den laa ke o pua yeni ñuni bi nigagidiŋanba leni Jesu siedinba yaa soama hali ki gaadi.
Min den laa o yeni, li den paki nni boncianla. 7Maleki den yedi nni: «Be yaa po ke li paki a? N baa doagidi a po li bondoaginkaala, o pua leni wan jagi yaa fuayanga, ke ki pia yulalele leni yina piiga yeni. 8Ŋan laa yaa fuayanga yeni den kpa ye, waa go ye moala. O baa do ki ña u kulu nni, ki gedi mi bodima nni. Ki tinga nni yaaba siiga, yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba. #Dan 7.7; Doa 11.7; Ps 69.29. 9Line bua o nilo n kpaagi lipo leni mi yanfuoma. A yuleleeda yeni tie o pua yeni n kaa yaa joaleleeda po. 10A go tie badibilele. Bi siiga nni bonbimuu den pendi, yendo ye moala, yua n sieni daa cua. O yaa cua, o baa tieni u yogunu waamu bebe. 11Yaa fuayanga n den kpa ye kaa go ye moala yeni tie o badiniilo, ki moko tie bi badileleediba yeni siiga yendo, ki caa mi bodima nni.
12Ŋan laa yaa yinpiiga yeni, tie badiba piiga yaaba n daa gaa bi diema, ama ki fuayanga yaa dini li bali yaa yogunu, bi mo baa taani leni o ki je li bali, ki tua badiba u yogunu waamu bebe po. #Dan 7.24. 13Bikuli baa yaa pia jagiyenli, ki pa ki fuayanga bi paalu leni bi bali. 14Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»
15Maleki yeni go den yedi nni: «Ŋan laa yaa ñima ke mi yabi yeni, li puoconconli n kaa yaama yaa po yeni, mi tie i nibuoli, a nigola, mi diema boncianla leni i mabuoli. 16Ŋan laa yaa yinpiiga leni yaa fuayanga yeni, baa nandi li puoconconli, ki koadi o piama kuli, ki ŋaa o mubima. Bi go baa je o gbanandi, ki buoni o, 17kelima U Tienu puni ba yantiayenli ke ban tieni o yaa yanjagili bebe, ki pa ki fuayanga bi bali hali U Tienu maama n tieni ki dudi. 18Ŋan laa yaa pua yeni tie yaa dociamu n die ki tinga badiba kuli.»
Currently Selected:
Mi Doagidima 17: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
